Ný mat­höll opnar við Há­­skóla Ís­lands

Mat­höllum hefur fjölgað stöðugt hér á landi síðustu árin. Í Reykja­vík eru þær nú fimm talsins og eins og við greindum frá í desember er von á þremur mat­höllum til við­bótar sem opna í ár á litlum bletti í mið­bænum.

Og á­fram bætist í því í Vatns­mýrinni, að­eins stein­snar frá há­skólanum, fer að opna enn ein mat­höllin.

Hér munu allir vilja vera

„Við ætlum að opna í maí. Lofum ekki neinni dag­setningu en ætlum að reyna að standa við maí,“ segir Haf­steinn Júlíus­son hönnuður og einn af eig­endum mat­hallarinnar sem heitir Vera - matur og drykkur.

Við litum við hjá þeim félögum fyrir Kvöldfréttir Stöðvar 2 og tókum stöðuna:

Hún verður stað­sett í hinu til­tölu­lega nýja hug­mynda­húsi Grósku.

Þar hefur verið mikil upp­bygging upp á síð­kastið - fjöldi fyrir­tækja með skrif­stofur þar og líkams­ræktar­stöðin World Class búin að opna þar úti­bú. Og bráð­lega nýja mat­höllin sem heitir:

Hvers vegna Vera?

„Því að hér munu allir vilja vera og við ætlum að búa til góðar sam­veru­stundir hér í Vatns­mýrinni,“ segir Björn Bragi Arnars­son einn af eig­endum mat­hallarinnar.

Nú eru fram­kvæmdir í miðjum gangi og allir vinna hörðum höndum við að gera rýmið ein­hvern veginn svona:

Hérna munu átta staðir opna á næstunni; veitinga­staðir, kaffi­hús, vín­bar og þá verður einnig veislu­salur í rými við hliðina á.

Lítið úrval af mat í Vatnsmýri

„Vatns­mýrin er ó­trú­lega skemmti­legur staður og spennandi, hér er náttúru­lega ara­grúi af fyrir­tækjum,“ segir Björn Bragi. Þúsundir manns sækja svæðið á hverjum degi.

„Og lítið úr­val af mat á svæðinu. Það er eigin­lega aðal­at­riðið og kveikjan að þessu,“ segir Haf­steinn.

Við mat­höllina verður einni úti­svæði í porti við suður­enda Grósku.

Og hér í portinu við suður­enda Grósku verður síðan úti­svæði.

„Nú er mars og við erum bara hér í geggjuðu veðri þannig þú getur rétt í­myndað þér hvernig þetta verður hér í júní og júlí,“ segir Björn Bragi.

„Þannig þegar við verðum búnir að opna og komnir með borð og stóla þá mun allt iða hér af lífi og stemmningu.“

Þeir vinir efast ekki um að há­skóla­nemar taki mat­höllinni fagnandi.

„Alveg pott­þétt. Ég myndi halda það. Ekki það að maður elski ekki að fá sér mat Hámu og svo­leiðis ef maður er í há­skólanum en það verður örugg­lega fínt að fá fleiri kosti. Þetta verður góð við­bót.“