Nef­brotinn eftir líkams­á­rás í mið­bænum

Frá þessu segir í tilkynningu frá lögreglunni, en ekkert segir þar um hvenær árásin átti sér stað. Árásarmaðurinn var á bak og burt þegar lögregla bar að garði, en sá sem fyrir árásinni var er talinn hafa nefbrotnað.

Lögregla var einnig kölluð út eftir að tilkynnt var um að maður hafi dottið í miðbænum. „Skurður á höfði og viðkomandi fluttur á slysadeild með sjúkrabifreið,“ segir í tilkynningu lögreglu.

Einnig var tilkynnt um þriggja bíla árekstur á höfuðborgarsvæðinu – í því hverfi sem nær yfir Hafnarfjörð, Garðabæ og Álftanes. Eru allir bílar sagðir óökufærir og voru þeir fluttir á brott með dráttarbíl, en engin slys urðu á fólki. Ekki er gefið upp hvar nákvæmlega slysið átti sér stað eða hvenær í tilkynningunni.