Erlent

Úkraínski herinn segir Maríupól enn ósigraða

Hólmfríður Gísladóttir skrifar
Íbúar í Maríupól hafa staðið fyrir þjálfun vegna mögulegra átaka, meðal annars í skólum.
Íbúar í Maríupól hafa staðið fyrir þjálfun vegna mögulegra átaka, meðal annars í skólum. epa/Irina Gorbasyova

Úkraínski herinn segir Rússum ekki hafa tekist að ná völdum í Maríupól, hafnarborg í suðausturhluta landsins. Rússneskar hersveitir hafa setið um borgina síðustu daga og hefur hún sætt stöðugum árásum.

Rússar hafa nú þegar náð Kerson á sitt vald en ef Maríupól fellur í þeirra hendur munu þeir geta tengt saman herafla sína í austur- og suðurhluta landsins.

Bardagar standa enn yfir umhverfis Kænugarð og þá hefur sést til fallhlífasveita við Svartahaf og báta sækja að hafnarborginni Odessa.

Hermálayfirvöld í Úkraínu hafa varað íbúa við því að deila upplýsingum um yfirstandandi árásir á netinu, þar sem þær gætu gagnast óvininum.

Innrás Rússa í Úkraínu Úkraína Rússland Hernaður

Mest lesið


Fleiri fréttir

Sjá meira


×

Mest lesið