Þurfi að þola að lögreglan rannsaki mál þar sem grunur sé um lögbrot Eiður Þór Árnason skrifar 17. febrúar 2022 19:20 Bjarni Benediktsson fjármálaráðherra og formaður Sjálfstæðisflokksins. Vísir/Vilhelm Bjarni Benediktsson fjármálaráðherra gefur lítið fyrir viðbrögð stéttarfélaga blaðamanna við fyrri ummælum hans. Hann segir enn margt óljóst í máli fjögurra blaðamanna sem hafi verið boðaðir til yfirheyrslu í tengslum við umfjöllun um svokallaða skæruliðadeild Samherja. Á þriðjudag gagnrýndi Bjarni fréttaflutning um málið og spurði hvernig það gæti talist alvarlegt að lögregla óski eftir því að umræddir einstaklingar gefi skýrslu. Þá varpaði hann því fram hvort fjölmiðlamenn væru of góðir til að mæta og svara spurningum lögreglu eins og almennir borgarar. Í sameiginlegri yfirlýsingu sem var send frá Blaðamannafélagi Íslands og Félagi fréttamanna í gær var brugðist við þessum vangaveltum. Þar kemur meðal annars fram að þó blaða- og fréttamenn séu sem einstaklingar jafnir að lögum, gildi annað um störf þeirra. „Í yfirlýsingu félaganna er flutt málsvörn fyrir fréttamenn og rakin lögfræði sem er mér ágætlega kunn og breytir engu um það sem ég var að benda á. Í fyrsta lagi hefur ekkert gerst annað en að einstaklingar hafa verið boðaðir í skýrslutöku og hafa þar réttarstöðu sakborninga. Hvaðan hafa félögin upplýsingar um að þessir fréttamenn verði í næstu viku krafðir svara um heimildamenn sína? Hefur það komi fram einhvers staðar?“ spyr Bjarni í færslu á Facebook-síðu sinni. Byggði á einkaskilaboðum og tölvupóstum Fjármálaráðherra gerði á upphaflega athugasemdir við fréttaflutning um málið og sagði að engar fréttir hafi verið fluttar af því hvað lögreglan kunni að hafa undir höndum sem gefi tilefni til rannsóknar. Umfjöllun Kjarnans og Stundarinnar um skæruliðadeildina svokölluðu byggði meðal annars á skilaboðum og tölvupóstum sem meðlimir hennar sendu sín á milli. Fram hefur komið að sakarefnið sé brot á ákvæðum laga um friðhelgi einkalífsins. Í yfirlýsingu Blaðamannafélagsins og Félags fréttamanna kemur fram að nauðsynlegt geti verið fyrir að blaða- og fréttamenn að nota gögn sem hafi ekki verið aflað með lögmætum hætti. Dómstólar hafi þó staðfest að notkun blaðamanna á slíkum gögnum geti samræmst hlutverki þeirra ef upplýsingarnar eru taldar eiga erindi við almenning. Þar að auki sé blaðamönnum bannað að rjúfa trúnað við heimildarmenn sína, samkvæmt lögum, hafi þeir óskað nafnleyndar. Fréttamenn verði að þola að lögreglan sinni skyldu sinni Bjarni vekur máls á því að það hafi eflaust auðveldað vinnslu sameiginlegu yfirlýsingarinnar að Sigríður Dögg Auðunsdóttir, formaður Blaðamannafélagsins, og Sigríður Hagalín Björnsdóttir, formaður Félags fréttamanna, starfi báðar hjá RÚV. Sigríður Dögg Auðunsdóttir, formaður Blaðamannafélagsins, og Sigríður Hagalín Björnsdóttir, formaður Félags fréttamanna.Samsett „Þetta er allt eins og framhald fréttaflutnings Ríkisútvarpsins, nema undir öðrum hatti. Hver er svo sem munurinn þegar formenn beggja félaga starfa á fréttastofu Ríkisútvarpsins. Jú, það má svo sem segja að þegar fleiri úr stjórninni koma saman þá geta fleiri sjónarmið heyrst. Með Sigríði Dögg Auðunsdóttur í stjórn Blaðamannafélagsins situr til dæmis Aðalsteinn Kjartansson, einn þeirra sem lögreglan hefur boðað til skýrslutöku og hefur fengið réttarstöðu sakbornings,“ segir Bjarni. Eftir standi að fréttamenn verði að þola að lögreglan sinni þeirri skyldu að rannsaka mál þar sem grunur sé um brot á lögum. „Og það skýtur skökku við að fréttamenn því sem næst yfirtaki fréttatíma með málflutning sinn. Áhorfendur horfa á fréttamenn taka viðtöl við fréttamenn um mikilvægi fréttamanna og þeirra kenningar um tilgang lögreglunnar með rannsókn máls - án þess að haldbær gögn styðji þær kenningar. „Það getur ekki talist alvarlegt að taka lögregluskýrslu undir rannsókn máls, þar sem rökstuddur grunur er um brot, jafnvel þótt blaðamenn eigi í hlut. Þetta gildir óháð öllu því sem sagt hefur verið um rétt blaðamanna til að sinna störfum sínum, vernd heimildarmanna og fjölmiðlafrelsi,“ skrifar Bjarni. Það er óvenjuleg upplifun að formaður flokks/ráðherra og dagblað taki sig saman og gefi í skyn að maður sé mögulega þjófur. Glæpamaður. Fjármálaráðherra til upplýsingar þá veit ég hvað mér er gefið að sök. Ég spurði. Lögregla staðfesti það i yfirlýsingu: Að skrifa fréttir. pic.twitter.com/okreGU3Hvd— Þórður Snær Júlíusson (@thordursnaer) February 16, 2022 Þórður Snær Júlíusson, ritstjóri Kjarnans og einn þeirra sem hefur verið boðaður í yfirheyrslu hjá lögreglu, hefur gagnrýnt málflutning fjármálaráðherra og sagt að Bjarni hafi gefið í skyn að Þórður sé þjófur. Bjarni hefur hafnað þessari túlkun. Samherjaskjölin Fjölmiðlar Lögreglumál Byrlunar- og símastuldarmálið Tengdar fréttir Bjarni hafnar því að hann þjófkenni Þórð Snæ Þórður Snær Júlíusson, ritstjóri Kjarnans hnýtir í Facebookfærslu Bjarna Benediktssonar fjármálaráðherra þess efnis að ekkert sé óeðilegt við að blaðamenn séu kallaðir til yfirheyrslu í sakamáli; að Bjarni gefi í skyn að hann sé þjófur. Bjarni telur þetta fráleita túlkun. 16. febrúar 2022 11:31 Svör við spurningum Bjarna að finna í löggjöfinni Blaðamannafélag Íslands og Félag fréttamannahvetja valdhafa til að standa vörð um frjálsa fjölmiðlun á Íslandi frekar en að freistast til að ráðast gegn henni. 16. febrúar 2022 20:01 Spyr hvort fréttamenn séu of góðir til að svara spurningum lögreglu Bjarni Benediktsson fjármálaráðherra spyr hvernig það geti talist alvarlegt mál að lögregla óski eftir því að blaðamenn mæti í skýrslutöku líkt og almennir borgarar. 15. febrúar 2022 22:03 Skæruliðadeildin sem nú vill ná vopnum sínum Fjórir íslenskir blaðamenn hafa verið boðaðir til yfirheyrslu af lögreglu vegna umfjöllunar þeirra um svokallaða „skæruliðadeild“ Samherja. En hver er þessi deild, hvað gerði hún og hvers vegna er málið nú til rannsóknar hjá lögreglu? 15. febrúar 2022 15:31 Mest lesið „Eins og að fá hnefahögg í andlitið“ Innlent Íbúar mótmæla og vilja börn frekar en byggingu í Gunnarsbrekku Innlent Bílvelta í Kömbunum Innlent Sveitarstjórn reyni að skrá íbúa úr sveitarfélaginu og ógni grundvallarréttindum Innlent Eygir vonarneista í fyrsta sinn í marga mánuði Innlent Lögregla kölluð til eftir að bremsuvírar voru klipptir á reiðhjólum barna Innlent Segir dregið úr veiðum á grundvelli „Walt Disneylíffræði“ Innlent Hleypur 110 kílómetra á dag til að setja heimsmet Lífið Brunarústirnar fjarlægðar tveimur árum eftir brunann Innlent Langflestir lögreglumenn á Suðurnesjum Innlent Fleiri fréttir Nýupptekið grænmeti á Flúðum í dag og opnar garðyrkjustöðvar Eygir vonarneista í fyrsta sinn í marga mánuði Eygir vonarneista í fyrsta sinn og mótmæli um allt land Segir dregið úr veiðum á grundvelli „Walt Disneylíffræði“ Árborg girnist svæði Flóahrepps Sendu kæligáma til Úkraínu Langflestir lögreglumenn á Suðurnesjum Brunarústirnar fjarlægðar tveimur árum eftir brunann Íbúar mótmæla og vilja börn frekar en byggingu í Gunnarsbrekku Reyndi að stinga lögreglu af á buggy Bílvelta í Kömbunum „Eins og að fá hnefahögg í andlitið“ Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Sjá meira
Á þriðjudag gagnrýndi Bjarni fréttaflutning um málið og spurði hvernig það gæti talist alvarlegt að lögregla óski eftir því að umræddir einstaklingar gefi skýrslu. Þá varpaði hann því fram hvort fjölmiðlamenn væru of góðir til að mæta og svara spurningum lögreglu eins og almennir borgarar. Í sameiginlegri yfirlýsingu sem var send frá Blaðamannafélagi Íslands og Félagi fréttamanna í gær var brugðist við þessum vangaveltum. Þar kemur meðal annars fram að þó blaða- og fréttamenn séu sem einstaklingar jafnir að lögum, gildi annað um störf þeirra. „Í yfirlýsingu félaganna er flutt málsvörn fyrir fréttamenn og rakin lögfræði sem er mér ágætlega kunn og breytir engu um það sem ég var að benda á. Í fyrsta lagi hefur ekkert gerst annað en að einstaklingar hafa verið boðaðir í skýrslutöku og hafa þar réttarstöðu sakborninga. Hvaðan hafa félögin upplýsingar um að þessir fréttamenn verði í næstu viku krafðir svara um heimildamenn sína? Hefur það komi fram einhvers staðar?“ spyr Bjarni í færslu á Facebook-síðu sinni. Byggði á einkaskilaboðum og tölvupóstum Fjármálaráðherra gerði á upphaflega athugasemdir við fréttaflutning um málið og sagði að engar fréttir hafi verið fluttar af því hvað lögreglan kunni að hafa undir höndum sem gefi tilefni til rannsóknar. Umfjöllun Kjarnans og Stundarinnar um skæruliðadeildina svokölluðu byggði meðal annars á skilaboðum og tölvupóstum sem meðlimir hennar sendu sín á milli. Fram hefur komið að sakarefnið sé brot á ákvæðum laga um friðhelgi einkalífsins. Í yfirlýsingu Blaðamannafélagsins og Félags fréttamanna kemur fram að nauðsynlegt geti verið fyrir að blaða- og fréttamenn að nota gögn sem hafi ekki verið aflað með lögmætum hætti. Dómstólar hafi þó staðfest að notkun blaðamanna á slíkum gögnum geti samræmst hlutverki þeirra ef upplýsingarnar eru taldar eiga erindi við almenning. Þar að auki sé blaðamönnum bannað að rjúfa trúnað við heimildarmenn sína, samkvæmt lögum, hafi þeir óskað nafnleyndar. Fréttamenn verði að þola að lögreglan sinni skyldu sinni Bjarni vekur máls á því að það hafi eflaust auðveldað vinnslu sameiginlegu yfirlýsingarinnar að Sigríður Dögg Auðunsdóttir, formaður Blaðamannafélagsins, og Sigríður Hagalín Björnsdóttir, formaður Félags fréttamanna, starfi báðar hjá RÚV. Sigríður Dögg Auðunsdóttir, formaður Blaðamannafélagsins, og Sigríður Hagalín Björnsdóttir, formaður Félags fréttamanna.Samsett „Þetta er allt eins og framhald fréttaflutnings Ríkisútvarpsins, nema undir öðrum hatti. Hver er svo sem munurinn þegar formenn beggja félaga starfa á fréttastofu Ríkisútvarpsins. Jú, það má svo sem segja að þegar fleiri úr stjórninni koma saman þá geta fleiri sjónarmið heyrst. Með Sigríði Dögg Auðunsdóttur í stjórn Blaðamannafélagsins situr til dæmis Aðalsteinn Kjartansson, einn þeirra sem lögreglan hefur boðað til skýrslutöku og hefur fengið réttarstöðu sakbornings,“ segir Bjarni. Eftir standi að fréttamenn verði að þola að lögreglan sinni þeirri skyldu að rannsaka mál þar sem grunur sé um brot á lögum. „Og það skýtur skökku við að fréttamenn því sem næst yfirtaki fréttatíma með málflutning sinn. Áhorfendur horfa á fréttamenn taka viðtöl við fréttamenn um mikilvægi fréttamanna og þeirra kenningar um tilgang lögreglunnar með rannsókn máls - án þess að haldbær gögn styðji þær kenningar. „Það getur ekki talist alvarlegt að taka lögregluskýrslu undir rannsókn máls, þar sem rökstuddur grunur er um brot, jafnvel þótt blaðamenn eigi í hlut. Þetta gildir óháð öllu því sem sagt hefur verið um rétt blaðamanna til að sinna störfum sínum, vernd heimildarmanna og fjölmiðlafrelsi,“ skrifar Bjarni. Það er óvenjuleg upplifun að formaður flokks/ráðherra og dagblað taki sig saman og gefi í skyn að maður sé mögulega þjófur. Glæpamaður. Fjármálaráðherra til upplýsingar þá veit ég hvað mér er gefið að sök. Ég spurði. Lögregla staðfesti það i yfirlýsingu: Að skrifa fréttir. pic.twitter.com/okreGU3Hvd— Þórður Snær Júlíusson (@thordursnaer) February 16, 2022 Þórður Snær Júlíusson, ritstjóri Kjarnans og einn þeirra sem hefur verið boðaður í yfirheyrslu hjá lögreglu, hefur gagnrýnt málflutning fjármálaráðherra og sagt að Bjarni hafi gefið í skyn að Þórður sé þjófur. Bjarni hefur hafnað þessari túlkun.
Samherjaskjölin Fjölmiðlar Lögreglumál Byrlunar- og símastuldarmálið Tengdar fréttir Bjarni hafnar því að hann þjófkenni Þórð Snæ Þórður Snær Júlíusson, ritstjóri Kjarnans hnýtir í Facebookfærslu Bjarna Benediktssonar fjármálaráðherra þess efnis að ekkert sé óeðilegt við að blaðamenn séu kallaðir til yfirheyrslu í sakamáli; að Bjarni gefi í skyn að hann sé þjófur. Bjarni telur þetta fráleita túlkun. 16. febrúar 2022 11:31 Svör við spurningum Bjarna að finna í löggjöfinni Blaðamannafélag Íslands og Félag fréttamannahvetja valdhafa til að standa vörð um frjálsa fjölmiðlun á Íslandi frekar en að freistast til að ráðast gegn henni. 16. febrúar 2022 20:01 Spyr hvort fréttamenn séu of góðir til að svara spurningum lögreglu Bjarni Benediktsson fjármálaráðherra spyr hvernig það geti talist alvarlegt mál að lögregla óski eftir því að blaðamenn mæti í skýrslutöku líkt og almennir borgarar. 15. febrúar 2022 22:03 Skæruliðadeildin sem nú vill ná vopnum sínum Fjórir íslenskir blaðamenn hafa verið boðaðir til yfirheyrslu af lögreglu vegna umfjöllunar þeirra um svokallaða „skæruliðadeild“ Samherja. En hver er þessi deild, hvað gerði hún og hvers vegna er málið nú til rannsóknar hjá lögreglu? 15. febrúar 2022 15:31 Mest lesið „Eins og að fá hnefahögg í andlitið“ Innlent Íbúar mótmæla og vilja börn frekar en byggingu í Gunnarsbrekku Innlent Bílvelta í Kömbunum Innlent Sveitarstjórn reyni að skrá íbúa úr sveitarfélaginu og ógni grundvallarréttindum Innlent Eygir vonarneista í fyrsta sinn í marga mánuði Innlent Lögregla kölluð til eftir að bremsuvírar voru klipptir á reiðhjólum barna Innlent Segir dregið úr veiðum á grundvelli „Walt Disneylíffræði“ Innlent Hleypur 110 kílómetra á dag til að setja heimsmet Lífið Brunarústirnar fjarlægðar tveimur árum eftir brunann Innlent Langflestir lögreglumenn á Suðurnesjum Innlent Fleiri fréttir Nýupptekið grænmeti á Flúðum í dag og opnar garðyrkjustöðvar Eygir vonarneista í fyrsta sinn í marga mánuði Eygir vonarneista í fyrsta sinn og mótmæli um allt land Segir dregið úr veiðum á grundvelli „Walt Disneylíffræði“ Árborg girnist svæði Flóahrepps Sendu kæligáma til Úkraínu Langflestir lögreglumenn á Suðurnesjum Brunarústirnar fjarlægðar tveimur árum eftir brunann Íbúar mótmæla og vilja börn frekar en byggingu í Gunnarsbrekku Reyndi að stinga lögreglu af á buggy Bílvelta í Kömbunum „Eins og að fá hnefahögg í andlitið“ Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Sjá meira
Bjarni hafnar því að hann þjófkenni Þórð Snæ Þórður Snær Júlíusson, ritstjóri Kjarnans hnýtir í Facebookfærslu Bjarna Benediktssonar fjármálaráðherra þess efnis að ekkert sé óeðilegt við að blaðamenn séu kallaðir til yfirheyrslu í sakamáli; að Bjarni gefi í skyn að hann sé þjófur. Bjarni telur þetta fráleita túlkun. 16. febrúar 2022 11:31
Svör við spurningum Bjarna að finna í löggjöfinni Blaðamannafélag Íslands og Félag fréttamannahvetja valdhafa til að standa vörð um frjálsa fjölmiðlun á Íslandi frekar en að freistast til að ráðast gegn henni. 16. febrúar 2022 20:01
Spyr hvort fréttamenn séu of góðir til að svara spurningum lögreglu Bjarni Benediktsson fjármálaráðherra spyr hvernig það geti talist alvarlegt mál að lögregla óski eftir því að blaðamenn mæti í skýrslutöku líkt og almennir borgarar. 15. febrúar 2022 22:03
Skæruliðadeildin sem nú vill ná vopnum sínum Fjórir íslenskir blaðamenn hafa verið boðaðir til yfirheyrslu af lögreglu vegna umfjöllunar þeirra um svokallaða „skæruliðadeild“ Samherja. En hver er þessi deild, hvað gerði hún og hvers vegna er málið nú til rannsóknar hjá lögreglu? 15. febrúar 2022 15:31