Geiri X greinir frá hrottalegu kynferðislegu ofbeldi sem hann hefur mátt sæta Jakob Bjarnar skrifar 31. janúar 2022 14:57 Ásgeir Ásgeirsson segist í sjokki eftir að hafa greint frá þeirri kynferðislega ofbeldi sem hann hefur mátt sæta, hrottalegum nauðgunum af hálfu konu og karlmanna. Pétur Friðgeirsson Ljósmyndarinn Ásgeir Ásgeirsson, sem gengur undir listamannsnafninu GeiriX, birti sláandi frásögn á Facebook-síðu sinni, þar sem greint er frá kynferðisofbeldi sem hann segist hafa mátt sæta. Um er að ræða þrjár árásir sem hann varð fyrir á yngri árum. „Ég bíð eftir símtölunum frá þeim sem ég náði ekki að segja frá í tæka tíð og verða reiðir/reið,“ segir Ásgeir í samtali við Vísi. Spurður um hver viðbrögðin hafi verið en um klukkustund er síðan hann birti grein sína. Ásgeir segir að það hafi tekið verulega á að setja textann saman. „Ég er tómur og í sjokki hér í sófanum.“ Setti upp trúðsgrímuna Ásgeir segist hafa lent í alvarlegri misnotkun 13 ára gamall, og svo tvisvar aftur síðar. Tvö skipti var ofbeldið af hendi kvenna og eitt skipti af hendi karlmanns og/eða karlmanna. Tilefni skrifanna eru þau að hann er BDSM-hneigður og honum ofbýður þau ummæli sem Hanna Björg Vilhjálmsdóttir kynjafræðingur, og fleiri stuðningsmenn hennar, hafa haft uppi að undanförnu þess efnis að BDSM sé í raun ofbeldi gegn konum. BDSM samtökin hafa sent út yfirlýsingar þar sem þessu er hafnað. Þá hefur Margrét Nilsdóttir formaður félagsins BDSM á Íslandi skrifað grein á Vísi og rætt þessi mál í útvarpsviðtali á Bylgjunni, til að stemma stigu við því sem hún telur ranghugmyndir um BDSM: Að það sé ekki ofbeldi. „Ef ég hefði ekki haft samtökin BDSM á Íslandi til að leita til á 18. aldursári, væri þetta sennilega ekki skrifað þar sem ég sá engan tilgang með að lifa. Tilfinningalega var ekkert sem hélt mér gangandi og þegar ég leitaði til Stígamóta á miðjum þrítugsaldri voru þeirra viðbrögð þau að skella skuldinni á mig, ég hefði verið karlmaðurinn (13 ára gamall nörd) og hefði vel getað stöðvað það sem gerðist,“ segir Ásgeir. Brotin sem Ásgeir mátti þola eru alvarleg og hann hefur aldrei jafnað sig á þeim. Hann vildi ekki kæra því skömmin hefur verið of mikil. Þeirri skömm vill hann nú skila.Pétur Friðgeirsson Hann rekur svo þessi brot sem hann hefur mátt sæta en viðbrögð hans við fyrsta brotinu voru þau að hann fraus alveg og varð síðan í framhaldinu aðeins skelin af sjálfum sér. Ég tapaði öllum tilfinningum. Ég setti upp trúðsgrímuna eins og mörg okkar gera þegar við vitum ekki hvernig við eigum að hegða okkur. Var byrlað og misnotaður „Annað brotið átti sér stað þegar ég var 19 ára gamall. Ég var þá á bar með vinum, þegar byrlað var fyrir mér. Klukkan hefur líklega verið um 9 að kvöldi. Það litla sem ég man er að fullorðinn karlmaður, með aðstoð annars ungs manns, misnotaði mig svo hrottalega að þegar ég rankaði við mér í strætóskýli við Kringluna klukkan að ganga 6 morguninn eftir, þurfti ég í neyð minni að hringja í pabba vinar míns, sem þá starfaði sem leigubílstjóri í heimabænum, til að sækja mig. Þegar hann sá mig sitja þarna í strætóskýlinu snemma morguns með blóðpoll á rassgatinu, áttaði hann sig greinilega á hvað hefði gerst. Hann sagði ekkert, setti teppi í aftursætið og keyrði mig heim, rukkaði mig ekki einu sinni og minntist aldrei á það við mig síðar, blessuð sé minning hans.“ Ásgeir segir að hann hafi seinna borið kennsl á gerandann þegar Jóhannes Kr. Kristjánsson blaðamaður fjallaði um barnaníð, þar hafi þá verið um að ræða dæmdan barnaníðing. Kona nauðgaði honum hrottalega heila nótt „Þriðja skiptið var ég í kringum 24 ára aldurinn að leita að leikfélaga og endaði með konu sem var ekki bara eldri, heldur mun stærri og sterkari en ég. Hún nýtti sér yfirburðina og hafði fljótt náð að binda mig niður þrátt fyrir að rætt hafði verið um að hlutverkin yrðu á hinn veginn og nauðgaði mér síðan heila nótt svo hrottalega ... að þegar hún henti mér út á nærfötunum með restina af fötunum í fanginu keyrði ég og lagði hjá bensínstöð nálægt, klæddi mig eins og ég best gat, sat, reykti og hugsaði hvar ég gæti keyrt út í sjó á nægilega mikilli ferð til að rotast örugglega við höggið og drukkna. Fyrst núna um daginn fæ ég svo að vita að þarna var það stundað að „laða“ karlmenn til skyndikynna - undir ýmsum formerkjum, taka allt upp á myndband og fjárkúga þá. Því miður hef ég sennilega verið of lítill fiskur eða eitthvað. Það breytir því ekki að mér nauðgað á svo ofbeldisfullan hátt, að ég var allur marinn og fjólublár á vissum stöðum eftir þetta og gat varla gengið fyrir kvölum.“ Ásgeir segist ekki hafa kært, hann skammaðist sín svo mikið. Pistil Ásgeirs, sem er ítarlegur en þar fjallar hann meðal annars um samband sitt við Rósu Bragadóttur eiginkonu sína, hvernig það sé að vera BDSM-hneigður og hvaða áhrif það hafi haft á sambandið. Kynferðisofbeldi Heilbrigðismál Félagasamtök Samfélagsmiðlar Tengdar fréttir Hanna Björg biðst afsökunar á frammistöðu sinni í Kastljósi Hanna Björg Vilhjálmsdóttir, kynjafræðikennari, hefur beðist afsökunar á því að hafa staðið sig illa í Kastljósþætti gærkvöldsins, sem sýndur var á RÚV. Þar mættust þær Siggríður Dögg Arnardóttir, betur þekkt sem Sigga Dögg kynfræðingur, og ræddu kynfræðslu í skólum. 28. janúar 2022 13:38 Um kynfræðslu unglinga, klám og ofbeldi Unglingsárin eru spennandi en jafnframt erfiður og ruglingslegur tími fyrir okkur öll. Við höfum komist að því að veröldin er flóknari en virtist í fyrstu og sannreynt að fullorðið fólk veit ekki alltaf betur og er ekki alltaf heiðarlegt. 28. janúar 2022 10:30 Mest lesið Helgi í Góu og fyrrverandi borguðu brúsann Innlent Albert mættur í dómsal Innlent Silja Björk biður Ingó afsökunar Innlent Skilur ekkert í niðurstöðu Guðrúnar Innlent Svarar fyrir að hafa banað syni sínum í Kópavogi Innlent Talinn hafa svipt barn frelsi sem hann grunaði um að stela veipi Innlent Gerði sér mat úr kattaráti andlega veikrar konu Erlent „Fólk fer hreinlega grátandi frá mér“ Innlent „Lærisveinn“ Pélicot sagður hafa beitt sömu aðferðum á eigin konu Erlent Sigurður Helgi Guðjónsson látinn Innlent Fleiri fréttir Vara gangnamenn við snjóflóðahættu Þarf ekki leyfi nágranna til að reka háværa daggæslu Silja Björk biður Ingó afsökunar Bjarkey undir árvökulu auga þungavigtar Sjálfstæðisflokks Helgi í Góu og fyrrverandi borguðu brúsann Löng bið barna eftir geðheilbrigðisþjónustu ekki ásættanleg Bæjarstjóri Reykjanesbæjar í veikindaleyfi Bein útsending: Málþing um jafnrétti í heilbrigðisþjónustu Dragi úr virðingu fyrir lögunum Almennt launafólk finni ekki fyrir auknum kaupmætti Fleiri fresta læknisferðum vegna langra biðlista Ríkið verði af milljörðum og óhóflegur kostnaður af heilbrigðisþjónustu Skilur ekkert í niðurstöðu Guðrúnar Vilja halda áfram sameiningarviðræðum á Suðurnesjum Svarar fyrir að hafa banað syni sínum í Kópavogi Mega nú setja svalir á hús í Norðurmýri og Rauðarárholti Albert mættur í dómsal Talinn hafa svipt barn frelsi sem hann grunaði um að stela veipi Sigurður Helgi Guðjónsson látinn Lögregla kölluð til vegna slagsmála Heildartjón á mannvirkjum áætlað allt að 16 til 17 milljarðar Lítið mál að fjölga löggum „Góði líttu þér nær!“ „Þetta er ákall frá ungmennunum sjálfum“ Tækifæri til að sammælast um breytingar á stjórnarskránni „Fólk fer hreinlega grátandi frá mér“ Hafi ekki verið að gera lítið úr öryrkjum og bölvar gallaðri reiknivél Bein útsending: Stefnuræða forsætisráðherra Tárast yfir verði á aðgerð og þúsundir barna á biðlista „Það var mikil geðshræring á heimilinu“ Sjá meira
„Ég bíð eftir símtölunum frá þeim sem ég náði ekki að segja frá í tæka tíð og verða reiðir/reið,“ segir Ásgeir í samtali við Vísi. Spurður um hver viðbrögðin hafi verið en um klukkustund er síðan hann birti grein sína. Ásgeir segir að það hafi tekið verulega á að setja textann saman. „Ég er tómur og í sjokki hér í sófanum.“ Setti upp trúðsgrímuna Ásgeir segist hafa lent í alvarlegri misnotkun 13 ára gamall, og svo tvisvar aftur síðar. Tvö skipti var ofbeldið af hendi kvenna og eitt skipti af hendi karlmanns og/eða karlmanna. Tilefni skrifanna eru þau að hann er BDSM-hneigður og honum ofbýður þau ummæli sem Hanna Björg Vilhjálmsdóttir kynjafræðingur, og fleiri stuðningsmenn hennar, hafa haft uppi að undanförnu þess efnis að BDSM sé í raun ofbeldi gegn konum. BDSM samtökin hafa sent út yfirlýsingar þar sem þessu er hafnað. Þá hefur Margrét Nilsdóttir formaður félagsins BDSM á Íslandi skrifað grein á Vísi og rætt þessi mál í útvarpsviðtali á Bylgjunni, til að stemma stigu við því sem hún telur ranghugmyndir um BDSM: Að það sé ekki ofbeldi. „Ef ég hefði ekki haft samtökin BDSM á Íslandi til að leita til á 18. aldursári, væri þetta sennilega ekki skrifað þar sem ég sá engan tilgang með að lifa. Tilfinningalega var ekkert sem hélt mér gangandi og þegar ég leitaði til Stígamóta á miðjum þrítugsaldri voru þeirra viðbrögð þau að skella skuldinni á mig, ég hefði verið karlmaðurinn (13 ára gamall nörd) og hefði vel getað stöðvað það sem gerðist,“ segir Ásgeir. Brotin sem Ásgeir mátti þola eru alvarleg og hann hefur aldrei jafnað sig á þeim. Hann vildi ekki kæra því skömmin hefur verið of mikil. Þeirri skömm vill hann nú skila.Pétur Friðgeirsson Hann rekur svo þessi brot sem hann hefur mátt sæta en viðbrögð hans við fyrsta brotinu voru þau að hann fraus alveg og varð síðan í framhaldinu aðeins skelin af sjálfum sér. Ég tapaði öllum tilfinningum. Ég setti upp trúðsgrímuna eins og mörg okkar gera þegar við vitum ekki hvernig við eigum að hegða okkur. Var byrlað og misnotaður „Annað brotið átti sér stað þegar ég var 19 ára gamall. Ég var þá á bar með vinum, þegar byrlað var fyrir mér. Klukkan hefur líklega verið um 9 að kvöldi. Það litla sem ég man er að fullorðinn karlmaður, með aðstoð annars ungs manns, misnotaði mig svo hrottalega að þegar ég rankaði við mér í strætóskýli við Kringluna klukkan að ganga 6 morguninn eftir, þurfti ég í neyð minni að hringja í pabba vinar míns, sem þá starfaði sem leigubílstjóri í heimabænum, til að sækja mig. Þegar hann sá mig sitja þarna í strætóskýlinu snemma morguns með blóðpoll á rassgatinu, áttaði hann sig greinilega á hvað hefði gerst. Hann sagði ekkert, setti teppi í aftursætið og keyrði mig heim, rukkaði mig ekki einu sinni og minntist aldrei á það við mig síðar, blessuð sé minning hans.“ Ásgeir segir að hann hafi seinna borið kennsl á gerandann þegar Jóhannes Kr. Kristjánsson blaðamaður fjallaði um barnaníð, þar hafi þá verið um að ræða dæmdan barnaníðing. Kona nauðgaði honum hrottalega heila nótt „Þriðja skiptið var ég í kringum 24 ára aldurinn að leita að leikfélaga og endaði með konu sem var ekki bara eldri, heldur mun stærri og sterkari en ég. Hún nýtti sér yfirburðina og hafði fljótt náð að binda mig niður þrátt fyrir að rætt hafði verið um að hlutverkin yrðu á hinn veginn og nauðgaði mér síðan heila nótt svo hrottalega ... að þegar hún henti mér út á nærfötunum með restina af fötunum í fanginu keyrði ég og lagði hjá bensínstöð nálægt, klæddi mig eins og ég best gat, sat, reykti og hugsaði hvar ég gæti keyrt út í sjó á nægilega mikilli ferð til að rotast örugglega við höggið og drukkna. Fyrst núna um daginn fæ ég svo að vita að þarna var það stundað að „laða“ karlmenn til skyndikynna - undir ýmsum formerkjum, taka allt upp á myndband og fjárkúga þá. Því miður hef ég sennilega verið of lítill fiskur eða eitthvað. Það breytir því ekki að mér nauðgað á svo ofbeldisfullan hátt, að ég var allur marinn og fjólublár á vissum stöðum eftir þetta og gat varla gengið fyrir kvölum.“ Ásgeir segist ekki hafa kært, hann skammaðist sín svo mikið. Pistil Ásgeirs, sem er ítarlegur en þar fjallar hann meðal annars um samband sitt við Rósu Bragadóttur eiginkonu sína, hvernig það sé að vera BDSM-hneigður og hvaða áhrif það hafi haft á sambandið.
Kynferðisofbeldi Heilbrigðismál Félagasamtök Samfélagsmiðlar Tengdar fréttir Hanna Björg biðst afsökunar á frammistöðu sinni í Kastljósi Hanna Björg Vilhjálmsdóttir, kynjafræðikennari, hefur beðist afsökunar á því að hafa staðið sig illa í Kastljósþætti gærkvöldsins, sem sýndur var á RÚV. Þar mættust þær Siggríður Dögg Arnardóttir, betur þekkt sem Sigga Dögg kynfræðingur, og ræddu kynfræðslu í skólum. 28. janúar 2022 13:38 Um kynfræðslu unglinga, klám og ofbeldi Unglingsárin eru spennandi en jafnframt erfiður og ruglingslegur tími fyrir okkur öll. Við höfum komist að því að veröldin er flóknari en virtist í fyrstu og sannreynt að fullorðið fólk veit ekki alltaf betur og er ekki alltaf heiðarlegt. 28. janúar 2022 10:30 Mest lesið Helgi í Góu og fyrrverandi borguðu brúsann Innlent Albert mættur í dómsal Innlent Silja Björk biður Ingó afsökunar Innlent Skilur ekkert í niðurstöðu Guðrúnar Innlent Svarar fyrir að hafa banað syni sínum í Kópavogi Innlent Talinn hafa svipt barn frelsi sem hann grunaði um að stela veipi Innlent Gerði sér mat úr kattaráti andlega veikrar konu Erlent „Fólk fer hreinlega grátandi frá mér“ Innlent „Lærisveinn“ Pélicot sagður hafa beitt sömu aðferðum á eigin konu Erlent Sigurður Helgi Guðjónsson látinn Innlent Fleiri fréttir Vara gangnamenn við snjóflóðahættu Þarf ekki leyfi nágranna til að reka háværa daggæslu Silja Björk biður Ingó afsökunar Bjarkey undir árvökulu auga þungavigtar Sjálfstæðisflokks Helgi í Góu og fyrrverandi borguðu brúsann Löng bið barna eftir geðheilbrigðisþjónustu ekki ásættanleg Bæjarstjóri Reykjanesbæjar í veikindaleyfi Bein útsending: Málþing um jafnrétti í heilbrigðisþjónustu Dragi úr virðingu fyrir lögunum Almennt launafólk finni ekki fyrir auknum kaupmætti Fleiri fresta læknisferðum vegna langra biðlista Ríkið verði af milljörðum og óhóflegur kostnaður af heilbrigðisþjónustu Skilur ekkert í niðurstöðu Guðrúnar Vilja halda áfram sameiningarviðræðum á Suðurnesjum Svarar fyrir að hafa banað syni sínum í Kópavogi Mega nú setja svalir á hús í Norðurmýri og Rauðarárholti Albert mættur í dómsal Talinn hafa svipt barn frelsi sem hann grunaði um að stela veipi Sigurður Helgi Guðjónsson látinn Lögregla kölluð til vegna slagsmála Heildartjón á mannvirkjum áætlað allt að 16 til 17 milljarðar Lítið mál að fjölga löggum „Góði líttu þér nær!“ „Þetta er ákall frá ungmennunum sjálfum“ Tækifæri til að sammælast um breytingar á stjórnarskránni „Fólk fer hreinlega grátandi frá mér“ Hafi ekki verið að gera lítið úr öryrkjum og bölvar gallaðri reiknivél Bein útsending: Stefnuræða forsætisráðherra Tárast yfir verði á aðgerð og þúsundir barna á biðlista „Það var mikil geðshræring á heimilinu“ Sjá meira
Hanna Björg biðst afsökunar á frammistöðu sinni í Kastljósi Hanna Björg Vilhjálmsdóttir, kynjafræðikennari, hefur beðist afsökunar á því að hafa staðið sig illa í Kastljósþætti gærkvöldsins, sem sýndur var á RÚV. Þar mættust þær Siggríður Dögg Arnardóttir, betur þekkt sem Sigga Dögg kynfræðingur, og ræddu kynfræðslu í skólum. 28. janúar 2022 13:38
Um kynfræðslu unglinga, klám og ofbeldi Unglingsárin eru spennandi en jafnframt erfiður og ruglingslegur tími fyrir okkur öll. Við höfum komist að því að veröldin er flóknari en virtist í fyrstu og sannreynt að fullorðið fólk veit ekki alltaf betur og er ekki alltaf heiðarlegt. 28. janúar 2022 10:30