Óttast skort á vetrardekkjum á landinu Óttar Kolbeinsson Proppé skrifar 15. október 2021 08:00 Jóhann Jónsson, markaðs- og birgðastjóri Dekkjahallarinnar. aðsend Sumir á landinu gætu lent í að fá ekki vetrardekk í ár vegna skorts á sendingum frá Asíu, að sögn Jóhanns Jónssonar, markaðs- og birgðastjóra Dekkjahallarinnar. Flestir dekkjasalar landsins hafa lent í einhverjum vandræðum með pantanir sínar í ár og fá hluta þeirra annaðhvort seint eða ekki. „Maður finnur fyrir því að það er erfitt að fá dekk í ár og sérstaklega frá Asíu,“ segir Jóhann í samtali við Vísi. Hann segir að í kjölfar kórónuveirufaraldursins hafi sendingar gáma frá Asíu snarhækkað í verði og að staðlað verð fyrir hvern gám hafi í vor orðið tvöfalt á við það sem þekkist venjulega. „Það er fyrir staðlaða sendingu en staðan þar er þannig að þær hreyfast ekkert þannig ef þú vilt fá gáminn til þín verðurðu að greiða fyrir einhverja flýtimeðferð. Með henni er flutningskostnaðurinn búinn að þrefaldast,“ segir Jóhann. Hann segir að við þetta hækki dekk frá Asíu, sérstaklega Kína, eðlilega í verði hér á landi en þau eru oftar en ekki mun ódýrari en dekk frá öðrum framleiðendum. Dekkjahöllin býst ekki við að fá neinar sendingar af kínverskum og ódýrari dekkjum fyrir veturinn.vísir/vilhelm „Verðbilið á milli þessara ódýru dekkja og gæðadekkja hefur bara minnkað. Og við erum til dæmis að panta dekk frá Yokohama sem eru með verksmiðjur í Evrópu og vöruhús í Svíþjóð. Þess vegna erum við búin að fá megnið af því sem við erum búin að panta frá þeim en ekkert frá Asíu.“ Jóhann telur útilokað að þau dekk sem Dekkjahöllin hefur pantað frá Kína komi til landsins fyrir veturinn. „Þetta er alveg töluvert af dekkjum. Og ljóst að í vetur verður mun verra aðgengi að ódýrum dekkjum á landinu.“ Gæti hreinlega farið svo að sumir Íslendingar hreinlega fái ekki vetrardekk í ár? „Það gæti alveg farið út í það, já. Og þess vegna er kannski betra að menn geri ráðstafanir núna heldur en að ætla sér að taka þetta seinna í haust. Bara til að vera með vaðið fyrir neðan sig,“ segir Jóhann. Verksmiðjur anna ekki eftirspurn Vísir tók púlsinn á öðrum dekkjasölum á landinu. Þar könnuðust allir við að hafa heyrt af þessu vandamáli en það hefur mismikil áhrif á dekkjasalana: „Ég hef heyrt þetta sama og þú ert að vitna í og eitthvað finnst mér tilfinning mín vera sú að það sé skortur á markaðinum en þetta er enginn skortur hjá okkur heldur eru bara smá tafir í afhendingunni á ákveðnum dekkjum sem koma svona tveimur vikum á eftir áætlun í ár,“ segir Sigurjón Árni Ólafsson, framkvæmdastjóri hjá MAX1, sem pantar öll sín dekk frá Nokian í Finnlandi. Sigurjón Árni Ólafsson, framkvæmdastjóri MAX1.aðsend „Pantanirnar voru stærri í ár heldur en að verksmiðjan gat framleitt. Og þá snýst þetta bara um hvað menn voru duglegir að byrja að panta. Og ég byrjaði að panta í apríl á árinu, þannig ég er kominn með stærstan hlutann til mín nú þegar.“ Fjallað hefur verið um dekkjaskort á heimsvísu í erlendum fjölmiðlum en hann má rekja til áhrifa kórónuveirufaraldursins og þess þegar verksmiðjur í fjölda landa urðu að loka. Því hefur verið erfitt að fá stál, plast, gúmmí og fleiri hráefni til dekkjagerðar. Fara aðrar leiðir til að redda dekkjum Klettur hefur einnig lent í nokkrum vandræðum: „Þetta er allavega ekki eins einfalt og þetta hefur verið þar sem við höfum bara getað pantað á vorin fyrir veturinn og fengið svona eiginlega allt sem við þurfum,“ segir Andri Ellertsson, rekstrarstjóri hjólbarða hjá Kletti. „Núna hefur þetta allt dregist svolítið þannig maður er svona að reyna að redda sér hér og þar. Þannig að já, það má kannski alveg segja að það gæti alveg orðið einhver skortur í nokkrum stærðum.“ Hann tekur undir áhyggjur Jóhanns af sendingarkostnaðinum frá Asíu. „Verðið er náttúrulega búið að fara upp og er orðið alveg út í hött.“ Erfiðast verður að fá verksmiðjunegld vetrardekk í ár. vísir/vilhelm Einar Þór, sem sér um heildsölu hjá Nesdekkjum, segir vöruskort hjá flestum í heiminum en að Nesdekk hafi tekist að redda flestum sendingum sem fyrirtækið þarf fyrir veturinn. Það hafi þó verið mun erfiðara í ár en venjulega. „Flutningskostnaðurinn er náttúrulega bara kominn út í bull. En þá bara spilar maður leikinn aðeins öðruvísi og notar Evrópubirgjana aðeins meira. En jú, þetta er náttúrulega erfiðari staða en í fyrra,“ segir hann. Dagur Benónýsson, deildarstjóri hjólbarðadeildar hjá N1, segir þá að sitt fyrirtæki hafi sloppið við allan dekkjaskort, sem hann hefur þó heyrt af: „Við sleppum alveg þokkalega frá þessu. Það hefur gengið misvel hjá mönnum að fá dekk en við vorum þokkalega snemma í þessu. Þetta eru líka aðallega þeir sem eru að fá dekk afhent frá Kína, sem þetta bitnar á.“ Veturinn virðist nokkuð snemma á ferðinni í ár víða um land. Því er ekki eftir neinu að bíða fyrir þá sem verða að næla sér í vetrardekk í ár, sérstaklega ef þau verða af skornum skammti þegar líður á veturinn. Bílar Umferð Umferðaröryggi Neytendur Nagladekk Faraldur kórónuveiru (COVID-19) Mest lesið Skildu fullar körfur eftir vegna bilunar Viðskipti innlent Elstu starfandi fiskbúð höfuðborgarsvæðisins skellt í lás Viðskipti innlent Hagkaup hefur áfengissölu í dag Viðskipti innlent Vefsíðan hrundi innan tuttugu mínútna Viðskipti innlent Fær bætur vegna brúnu blettanna í mottunni Neytendur Draumar rætast: „Konur þurfa ekki alltaf að vera á skrilljón“ Atvinnulíf Veðjuðu næst mest allra Evrópuþjóða Viðskipti innlent Verðbólga fari undir fimm prósent í lok árs Viðskipti innlent Ráðinn fjárfestatengill Icelandair Viðskipti innlent Arion banki hækkar vexti hressilega Neytendur Fleiri fréttir Fær bætur vegna brúnu blettanna í mottunni Með ólíkindum og merki um taumlausa græðgi Arion banki hækkar vexti hressilega Greiðslubyrði gæti farið hríðlækkandi á næsta ári Ellefu fyrirtæki til skoðunar vegna bílastæðagjalda Skinkan langódýrust í Prís Fasteignasali gaf rangar upplýsingar og situr uppi með reikninginn Kílómetragjaldið verst fyrir þá tekjulægri Óttast að fólk kaupi eitruð barnaföt fyrir jólin Blekking við neytendur eða leið til að halda „þægilegri verðpunkti“? Óttast að raforkuverð fjórfaldist án inngrips Réttur og öryggi leigjenda aukast á sunnudaginn Mótmæla samráðsummælum Breka og segja þau „haldlaus“ Verslanir hafi haft með sér „þögult samkomulag“ um verð Prís hrærir í pottinum: „Ekkert of langt gengið að kalla þetta verðstríð“ Verðlag á matvöru lækkar í fyrsta sinn frá því í mars Kaupum meira og meira þrátt fyrir mikla verðbólgu Reiknar með því að Bónus sjái Prís sem áskorun Lágvöruverðsverslunin Prís opnar í dag Temu kaupin getu hæglega orðið að fíkn Verðstríð að hefjast á matvörumarkaði Sleppur við sektir eftir auglýsingu um hundrað prósent lán Orðrómur um Appelsín ósannur Sjá meira
„Maður finnur fyrir því að það er erfitt að fá dekk í ár og sérstaklega frá Asíu,“ segir Jóhann í samtali við Vísi. Hann segir að í kjölfar kórónuveirufaraldursins hafi sendingar gáma frá Asíu snarhækkað í verði og að staðlað verð fyrir hvern gám hafi í vor orðið tvöfalt á við það sem þekkist venjulega. „Það er fyrir staðlaða sendingu en staðan þar er þannig að þær hreyfast ekkert þannig ef þú vilt fá gáminn til þín verðurðu að greiða fyrir einhverja flýtimeðferð. Með henni er flutningskostnaðurinn búinn að þrefaldast,“ segir Jóhann. Hann segir að við þetta hækki dekk frá Asíu, sérstaklega Kína, eðlilega í verði hér á landi en þau eru oftar en ekki mun ódýrari en dekk frá öðrum framleiðendum. Dekkjahöllin býst ekki við að fá neinar sendingar af kínverskum og ódýrari dekkjum fyrir veturinn.vísir/vilhelm „Verðbilið á milli þessara ódýru dekkja og gæðadekkja hefur bara minnkað. Og við erum til dæmis að panta dekk frá Yokohama sem eru með verksmiðjur í Evrópu og vöruhús í Svíþjóð. Þess vegna erum við búin að fá megnið af því sem við erum búin að panta frá þeim en ekkert frá Asíu.“ Jóhann telur útilokað að þau dekk sem Dekkjahöllin hefur pantað frá Kína komi til landsins fyrir veturinn. „Þetta er alveg töluvert af dekkjum. Og ljóst að í vetur verður mun verra aðgengi að ódýrum dekkjum á landinu.“ Gæti hreinlega farið svo að sumir Íslendingar hreinlega fái ekki vetrardekk í ár? „Það gæti alveg farið út í það, já. Og þess vegna er kannski betra að menn geri ráðstafanir núna heldur en að ætla sér að taka þetta seinna í haust. Bara til að vera með vaðið fyrir neðan sig,“ segir Jóhann. Verksmiðjur anna ekki eftirspurn Vísir tók púlsinn á öðrum dekkjasölum á landinu. Þar könnuðust allir við að hafa heyrt af þessu vandamáli en það hefur mismikil áhrif á dekkjasalana: „Ég hef heyrt þetta sama og þú ert að vitna í og eitthvað finnst mér tilfinning mín vera sú að það sé skortur á markaðinum en þetta er enginn skortur hjá okkur heldur eru bara smá tafir í afhendingunni á ákveðnum dekkjum sem koma svona tveimur vikum á eftir áætlun í ár,“ segir Sigurjón Árni Ólafsson, framkvæmdastjóri hjá MAX1, sem pantar öll sín dekk frá Nokian í Finnlandi. Sigurjón Árni Ólafsson, framkvæmdastjóri MAX1.aðsend „Pantanirnar voru stærri í ár heldur en að verksmiðjan gat framleitt. Og þá snýst þetta bara um hvað menn voru duglegir að byrja að panta. Og ég byrjaði að panta í apríl á árinu, þannig ég er kominn með stærstan hlutann til mín nú þegar.“ Fjallað hefur verið um dekkjaskort á heimsvísu í erlendum fjölmiðlum en hann má rekja til áhrifa kórónuveirufaraldursins og þess þegar verksmiðjur í fjölda landa urðu að loka. Því hefur verið erfitt að fá stál, plast, gúmmí og fleiri hráefni til dekkjagerðar. Fara aðrar leiðir til að redda dekkjum Klettur hefur einnig lent í nokkrum vandræðum: „Þetta er allavega ekki eins einfalt og þetta hefur verið þar sem við höfum bara getað pantað á vorin fyrir veturinn og fengið svona eiginlega allt sem við þurfum,“ segir Andri Ellertsson, rekstrarstjóri hjólbarða hjá Kletti. „Núna hefur þetta allt dregist svolítið þannig maður er svona að reyna að redda sér hér og þar. Þannig að já, það má kannski alveg segja að það gæti alveg orðið einhver skortur í nokkrum stærðum.“ Hann tekur undir áhyggjur Jóhanns af sendingarkostnaðinum frá Asíu. „Verðið er náttúrulega búið að fara upp og er orðið alveg út í hött.“ Erfiðast verður að fá verksmiðjunegld vetrardekk í ár. vísir/vilhelm Einar Þór, sem sér um heildsölu hjá Nesdekkjum, segir vöruskort hjá flestum í heiminum en að Nesdekk hafi tekist að redda flestum sendingum sem fyrirtækið þarf fyrir veturinn. Það hafi þó verið mun erfiðara í ár en venjulega. „Flutningskostnaðurinn er náttúrulega bara kominn út í bull. En þá bara spilar maður leikinn aðeins öðruvísi og notar Evrópubirgjana aðeins meira. En jú, þetta er náttúrulega erfiðari staða en í fyrra,“ segir hann. Dagur Benónýsson, deildarstjóri hjólbarðadeildar hjá N1, segir þá að sitt fyrirtæki hafi sloppið við allan dekkjaskort, sem hann hefur þó heyrt af: „Við sleppum alveg þokkalega frá þessu. Það hefur gengið misvel hjá mönnum að fá dekk en við vorum þokkalega snemma í þessu. Þetta eru líka aðallega þeir sem eru að fá dekk afhent frá Kína, sem þetta bitnar á.“ Veturinn virðist nokkuð snemma á ferðinni í ár víða um land. Því er ekki eftir neinu að bíða fyrir þá sem verða að næla sér í vetrardekk í ár, sérstaklega ef þau verða af skornum skammti þegar líður á veturinn.
Bílar Umferð Umferðaröryggi Neytendur Nagladekk Faraldur kórónuveiru (COVID-19) Mest lesið Skildu fullar körfur eftir vegna bilunar Viðskipti innlent Elstu starfandi fiskbúð höfuðborgarsvæðisins skellt í lás Viðskipti innlent Hagkaup hefur áfengissölu í dag Viðskipti innlent Vefsíðan hrundi innan tuttugu mínútna Viðskipti innlent Fær bætur vegna brúnu blettanna í mottunni Neytendur Draumar rætast: „Konur þurfa ekki alltaf að vera á skrilljón“ Atvinnulíf Veðjuðu næst mest allra Evrópuþjóða Viðskipti innlent Verðbólga fari undir fimm prósent í lok árs Viðskipti innlent Ráðinn fjárfestatengill Icelandair Viðskipti innlent Arion banki hækkar vexti hressilega Neytendur Fleiri fréttir Fær bætur vegna brúnu blettanna í mottunni Með ólíkindum og merki um taumlausa græðgi Arion banki hækkar vexti hressilega Greiðslubyrði gæti farið hríðlækkandi á næsta ári Ellefu fyrirtæki til skoðunar vegna bílastæðagjalda Skinkan langódýrust í Prís Fasteignasali gaf rangar upplýsingar og situr uppi með reikninginn Kílómetragjaldið verst fyrir þá tekjulægri Óttast að fólk kaupi eitruð barnaföt fyrir jólin Blekking við neytendur eða leið til að halda „þægilegri verðpunkti“? Óttast að raforkuverð fjórfaldist án inngrips Réttur og öryggi leigjenda aukast á sunnudaginn Mótmæla samráðsummælum Breka og segja þau „haldlaus“ Verslanir hafi haft með sér „þögult samkomulag“ um verð Prís hrærir í pottinum: „Ekkert of langt gengið að kalla þetta verðstríð“ Verðlag á matvöru lækkar í fyrsta sinn frá því í mars Kaupum meira og meira þrátt fyrir mikla verðbólgu Reiknar með því að Bónus sjái Prís sem áskorun Lágvöruverðsverslunin Prís opnar í dag Temu kaupin getu hæglega orðið að fíkn Verðstríð að hefjast á matvörumarkaði Sleppur við sektir eftir auglýsingu um hundrað prósent lán Orðrómur um Appelsín ósannur Sjá meira