71 greindist smitaður af veirunni í gær

Þetta kemur fram í uppfærðum tölum á vefnum covid.is. Fimmtíu og þrír af þeim sem greindust í gær greindust við einkennasýnatöku, 17 við sóttkvíar- og handahófsskimun og einn í skimun á vegum Íslenskrar erfðagreiningar.

Alls eru 1.102 nú í einangrun og 2.167 eru nú í sóttkví. 976 eru nú í skimunarsóttkví. Alls eru tuttugu og tveir á sjúkrahúsi, tveimur fleirum en í gær, þar af sjö á gjörgæslu. Samkvæmt upplýsingum frá Landspítalanum þurfa fimm gjörgæslusjúklingar öndunarvélastuðning.

Eitt virkt smit greindist á landamærunum en beðið er mótefnamælingu hjá níu sem greindust þar.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 355,9 en var 369,0 í gær.

262.548 eru nú fullbólusettir hér á landi, eða 84 prósent landsmanna tólf ára og eldri.

Alls hafa 10.053 manns greinst með kórónuveiruna hér á landi frá því faraldurinn hófst í lok febrúar á síðasta ári. Þá hafa þrjátíu dauðsföll verið rakin til Covid-19 á Íslandi frá upphafi faraldursins.

Fréttin hefur verið uppfærð.