Sjúk­lingur á krabba­­meins­­deild fékk falska niður­­­stöðu

Einnig eru sjúklingar og starfsmenn á deildinni sem talið var að hefðu verið útsettir fyrir smiti lausir úr sóttkví og vinnusóttkví. Þetta kemur fram í tilkynningu frá farsóttanefnd Landspítala. Ákveðið var að endurtaka prófin í ljósi þess að niðurstöður þeirra voru ekki afgerandi.

Níu inniliggjandi 

Níu sjúklingar eru nú inniliggjandi á Landspítala með Covid-19, þar af tveir á gjörgæslu. Hvorki voru innlagnir né útskriftir síðastliðinn sólarhring en einangrun var aflétt af áðurnefndum sjúklingi.

1.066 eru í eftirliti á Covid-göngudeild, þar af 132 börn. Þrír eru á rauðu en átján einstaklingar flokkast gulir. Átján starfsmenn eru í einangrun, 20 í sóttkví A og í vinnusóttkví eru 120 starfsmenn. Þess er vænst að stór hópur starfsmanna losni úr vinnusóttkví eftir daginn í dag.