Stjarnan fær leik­mann að láni frá Dan­mörku

Hinn 20 ára gamli Anbo getur leikið sem hægri bakvörður og miðjumaður. Hefur hann leikið 10 leiki fyrir AGF til þessa. Samningur hans gildir til 30. ágúst.

„Magnus er frábær karakter og mjög vinnusamur leikmaður sem við höfum fulla trú á að muni styrkja Stjörnuna mikið. AGF bindur miklar vonir við Magnus og sér hag sinn í því að hann fái aukna leikreynslu með því að spila í Pepsi Max-deildinni enda mikil samkeppni um spiltíma hjá AGF,“ segir í yfirlýsingu Stjörnunnar.

AGF endaði í 3. sæti dönsku úrvalsdeildarinnar en nú er í gangi umspil um titilinn annars vegar og hins vegar hvaða lið falla úr deildinni.

Stjarnan endaði í 3. sæti Pepsi Max-deildarinnar á síðustu leiktíð.