Körfubolti

Fékk sex milljóna sekt fyrir að henda grímunni sinni upp í stúku

Óskar Ófeigur Jónsson skrifar
Nick Nurse reynir að rökræða við Simone Jelks dómara í leik Toronto Raptors og Portland Trail Blazers fyrr í vetur.
Nick Nurse reynir að rökræða við Simone Jelks dómara í leik Toronto Raptors og Portland Trail Blazers fyrr í vetur. Getty/Abbie Parr

Nick Nurse gerði Toronto Raptors að NBA-meisturum á sínu fyrsta tímabili með liðið en nú gengur allt á afturfótunum hjá liðinu.

Nick Nurse missti stjórn á sér í leik á dögunum og sú hegðun hans á hliðarlínunni mun kosta hann skildinginn.

NBA sektaði Nurse um fimmtíu þúsund Bandaríkjadali eða meira 6,3 milljónir íslenskra króna.

Nurse var mjög ósáttur í lok leiks Toronto Raptors og Utah Jazz en Utah vann leikinn 115-112. Leikmenn Jazz fengu 41 víti á móti aðeins 14 hjá Toronto.

Eftir leikinn lét Nick Nurse út úr sér: „Það leit út fyrir það að þeir ætluðu ekki að leyfa okkur að vinna í kvöld,“ sagði Nick Nurse á blaðamannafundi.

Nurse fékk þó ekki sektina fyrir það heldur fyrir að henda andlitsgrímunni sinni upp í stúku og ausa fúkyrðaflaum yfir dómaratríó leiksins.

NBA Faraldur kórónuveiru (COVID-19)

Mest lesið


Fleiri fréttir

Sjá meira


×

Mest lesið