Enginn feiminn við kynlífstæki lengur

„Það að versla kynlífstæki er ekkert feimnismál í dag. Fólk ræðir þessa hluti mun meira opinskátt en fyrir nokkrum árum og okkur finnst frábært að fylgjast með þeirri þróun. Fólk á öllum aldri verslar hjá okkur tæki og við fengum strax frábærar móttökur þegar við fórum í loftið,“ segir Bergþóra Þorsteinsdóttir, annar eiganda vefverslunarinnar Bedroom.is en Bedroom.is er vefverslun vikunnar á Vísi.

Þau opnuðu netverslunina í desember síðastliðnum og eru strax farin að huga að meiri umsvifum.

„Hugmyndin var sú að vera bara með netverslun en nú erum við í leit að hentugu húsnæði fyrir verslun þar sem móttökurnar hafa verið alveg hreint frábærar. Við undirbjuggum okkur vel áður en við fórum af stað og gáfum okkur góðan tíma í að kynna okkur mismunandi vörumerki og leggjum mikla áherslu á að vörurnar sem við seljum séu vandaðar,“ segir Bergþóra. „Vörurnar eru í fallegum og smekklegum umbúðum og koma meðal annars frá þýska framleiðandanum Satisfyer sem leggur mikla áherslu á að vörurnar uppfylli allar hæstu gæðakröfur,“ bætir hún við.

„Satisfyer vörurnar hafa verið hvað vinsælastar hjá okkur og nú er framleiðandinn einmitt að gefa út mikið af nýjungum á næstu vikum sem við erum mjög spennt að kynna fyrir fólki,“ segir Bergþóra. „Það er einnig ánægjulegt að sjá að framleiðendur leggja mikla áherslu á ný og spennandi paratæki og hjá okkur hafa paratækin Mon Ami og Satisfyer Partner Multifun hreinlega rokið út.“

Fjörugar heimakynningar með Gloriu Hole

Nú geta viðskiptavinir pantað kynningu á kynlífstækum frá Bedroom.is í heimahús. Bergþóra lofar stórskemmtilegri uppákomu.

„Það er engin önnur en dragdrottningin Miss Gloria Hole sem mun meðal annars sjá um heimakynningarnar fyrir okkur,“ segir Bergþóra. „Þetta verða stórskemmtilegar kynningar og frábær leið til að krydda upp á partý og afmæli, nú eða saumaklúbbinn. Gloria mætir með stútfullar töskur af vinsælustu tækjunum okkar og kynnir fyrir hópnum og gefur góð ráð. Hún nýtti nefnilega tímann vel í covid og stúderaði og prufukeyrði tækin. Að kynningu lokinni gefst svo öllum tækifæri á að versla vörur og fá ráðleggingar.

Vinsælustu vörurnar hjá Bedroom

Satisfyer Mono Flexer glæsilegur og vandaður titrari frá Satisfyer. Mono er með tveimur mótorum sem hannaðir eru til að örva G-blettinn og sníp samtímis. Hægt er að stjórna hvorum mótor fyrir sig og því er auðvelt að ráða því hvar titringurinn á að vera sem mestur.

Satisfyer Pro 3 er nýjasta útgáfan af þessu magnaða sogtæki sem hefur slegið í gegn um allan heim. Stúturinn á tækinu leggst á snípinn og með háþróaðri þrýstibylgjutækni veitir tækið létt sog og djúpan titring.

Tækið er með tvo mótora, annar stjórnar soginu og hinn titringnum. Hægt er að hafa sogið létt og titringinn kröftugan eða öfugt.

Satisfyer Partner Multifun 3 frá Satisfyer er eitt fjölbreyttasta tækið sem þú finnur á markaðinum í dag. Tækið býður upp á mjög fjölbreytta örvun á sníp, typpi, endaþarm eða geirvörtur og hentar því öllum. Þrír mótorar í tækinu, tveir eru staðsettir í örmunum efst á tækinu og einn í hinum endanum sem ætlaður er til innsetningar. Tækið kemur með 100 mismunandi kraft- og taktstillinga.

Satisfyer Wand-er frá Satisfyer er ein af allra vinsælustu vörunum hjá okkur. Vöndurinn er einstaklega vandaður og kraftmikill. Hausinn á vendinum er breiður og mjúkur og því tilvalinn í að veita djúpa og kraftmikla örvun á og í kringum snípinn sem og önnur næm svæði líkamans. Upplifðu kraftmeiri fullnægingar en nokkru sinni fyrr!

Mon Ami Paratæki. Þetta öfluga paratæki frá Mon Ami er allra vinsælasta paratækið hjá okkur. Tækið er mjög öflugt og er með tvo sjálfstæða mótora, annar mótorinn veitir létt sog á snípinn á meðan að hinn veitir kröftugan og djúpan titring á og í kringum g-blettinn. Tækið er frábært í sjálfsfróun og einnig ef það er notað á meðan kynlíf er stundað.