Skotvopnasamtök saka stjórnendur um misferli Kjartan Kjartansson skrifar 26. nóvember 2020 10:44 Wayne LaPierre, forstjóri NRA, í ræðupúlti á ráðstefnu bandarískra íhaldsmanna í febrúar. Hann er sagður hafa endurgreitt ferðakostnað sem hann rukkaði samtökin fyrir. Dómsmálaráðherra New York hefur sakað hann og aðra stjórnendur NRA um sjálftöku úr sjóðum samtakanna um áratugaskeið. Vísir/EPA Bandarísku skotvopnasamtökin NRA saka núverandi og fyrrverandi stjórnendur um að hafa gengið í sjóði þeirra og auðgast á kostnað samtakanna. Yfirvöld í New York vilja leysa samtökin upp vegna stórfellds misferlis stjórnenda yfir margra ára tímabil. Bandarísku skotvopnasamtökin NRA saka núverandi og fyrrverandi stjórnendur um að hafa gengið í sjóði þeirra og auðgast á kostnað samtakanna. Yfirvöld í New York vilja leysa samtökin upp vegna stórfellds misferlis stjórnenda yfir margra ára tímabil. Í greinargerð sem NRA, áhrifamestu samtök skotvopnaeigenda í Bandaríkjunum, lögðu fram til skattayfirvalda segir að þau hafi fengið vitneskju í fyrra um að Wayne LaPierre, forstjóri NRA til áratuga, og fimm aðrir fyrrverandi stjórnendur hefðu fengið „óhóflega umbun“ í störfum sínum, að sögn Washington Post. LaPierre er sagður hafa „leiðrétt“ misferlið með því að endurgreiða samtökunum nærri því 300.000 dollara, jafnvirði um 40,7 milljóna íslenskra króna, í ferðakostnað fyrir árin 2015 til 2019. Ekki kemur fram í gögnum NRA hvernig sú upphæð var ákveðin eða hvenær LaPierre hefði greitt hana til baka. Forstjórinn er sagður saka aðra fyrrverandi stjórnendur um að hafa notað fjármuni samtakanna á óeðlilegan hátt eða skrifað á þau útgjöld sem þeim bar ekki að greiða fyrir. Dómsmálaráðherra New York sakaði LaPierre og aðra stjórnendur samtakanna um mun umfangsmeiri sjálftöku í störfum fyrir NRA um áratugaskeið í vor. Hann krefst þess að samtökin verði leyst upp og að stjórnendurnir endurgreiði milljarða króna sem hann sakar þá um að hafa dregið að sér til að fjármagna líf í vellystingum. Washington Post segir að greinargerð NRA til skattsins bendi til þess að samtökin ætli að standa með LaPierre sem hefur stýrt þeim í tæp fjörutíu ár. Talsmaður NRA segir þannig að „mikill meirihluti“ ferðalaga LaPierre hafi verið í samræmi við stefnu samtakanna. Samtökin segjast enn fara yfir meint misferli fyrrverandi stjórnenda, þar á meðal Olivers North, fyrrverandi forseta stjórnar NRA. North er frægastur fyrir aðild sína að Íran-Kontra-hneykslinu á 9. áratug síðustu aldar. Sem fulltrúi í þjóðaröryggisráði Bandaríkjanna tók North þátt í að selja vopn á laun til ríkisstjórnar Írans. Ágóðinn af sölunni var notaður til þess að styrkja hægrisinnuðu Kontra-skæruliðana í Níkaragva þrátt fyrir að Bandaríkjaþing hefði samþykkt að banna fjárstuðning við þá. North og fleiri fyrrverandi stjórnendum sinnaðist við LaPierre á sínum tíma og eru þeir sagðir hafa lagt rannsókn yfirvalda í New York lið. NRA hafa verið fyrirferðarmikil í umræðum um byssuofbeldi og vopnalöggjöf í Bandaríkjunum undanfarin ár. Samtökin hafa barist gegn því að lög um byssueign og kaup verði hert en slík umræða fer reglulega á flug í kjölfar tíðra skotárása og fjöldamorða með skotvopnum vestanhafs. Bandaríkin Skotárásir í Bandaríkjunum Mest lesið Hvarf fyrir tæpum þrjátíu árum og fannst í hopandi jökli Erlent Fjarlægði nöfnin strax: „Ætlumst ekki til neins af þessu fólki“ Innlent Styttan tekin niður eftir harðar deilur um klúran barm Erlent Tveggja bíla árekstur á Suðurlandi Innlent Öryggismyndavélar í svefnherberginu og fyrsta útgáfa af Lolitu á skrifstofunni Erlent Segir Höllu ekki skilja um hvað málið snýst Innlent Golfbolti hafnaði í manni „eftir óteljandi dæmi um óskiljanlega hegðun“ Innlent Fyrirlestri ísraelsks fræðimanns aflýst eftir skamma stund Innlent Dánarorsök Ozzy Osbourne ljós Erlent Segja Rafmennt auglýsa nöfn sín í blekkingarskyni Innlent Fleiri fréttir Segist eiga fund með Pútín Styttan tekin niður eftir harðar deilur um klúran barm Fimm hermenn skotnir á herstöð Tvöfaldar tolla á Indland vegna kaupa á rússneskri olíu Stefnir í kjördæmastríð í Bandaríkjunum? Nýr forseti Póllands vill draga úr áhrifum ESB Stendur í vegi rannsóknar á milljarða svikamyllu Birtist óvænt á þaki Hvíta hússins Yfir 400.000 tilkynningar um kynferðisofbeldi Hvarf fyrir tæpum þrjátíu árum og fannst í hopandi jökli Öryggismyndavélar í svefnherberginu og fyrsta útgáfa af Lolitu á skrifstofunni Minntust fórnarlambanna í Hírósíma Hættir að fjármagna þróun mRNA bóluefna Dánarorsök Ozzy Osbourne ljós Gagnrýndur fyrir að nota gervigreind í embættisstörfum Vanræksla við hönnun, vottun, viðhald og skoðun Clinton-hjónin krafin svara vegna Epstein-málsins Hyggjast rukka suma ferðamenn um brottfarartryggingu Hollendingar kaupa vopn af Bandaríkjunum fyrir Úkraínumenn Handtökuskipun gefin út á hendur þingmönnum Demókrataflokksins Neitað um lausn gegn tryggingu Bolsonaro í stofufangelsi Danskur dýragarður óskar eftir gæludýrum til að fóðra rándýrin Annar leikarinn sem tekur eigið líf eftir ölvunarakstur Elskar auglýsingarnar með Sweeney fyrst hún er Repúblikani Tæplega þrjátíu drepin á meðan þau biðu eftir mat Fyrrverandi ísraelskir foringjar biðla til Trump að ljúka stríðinu Tugir drukknuðu og margra enn saknað Demókratar flýja Texas svo þing geti ekki komið saman Hamas til í að gefa gíslum hjálpargögn ef Ísrael hleypir þeim inn á svæðið Sjá meira
Bandarísku skotvopnasamtökin NRA saka núverandi og fyrrverandi stjórnendur um að hafa gengið í sjóði þeirra og auðgast á kostnað samtakanna. Yfirvöld í New York vilja leysa samtökin upp vegna stórfellds misferlis stjórnenda yfir margra ára tímabil. Í greinargerð sem NRA, áhrifamestu samtök skotvopnaeigenda í Bandaríkjunum, lögðu fram til skattayfirvalda segir að þau hafi fengið vitneskju í fyrra um að Wayne LaPierre, forstjóri NRA til áratuga, og fimm aðrir fyrrverandi stjórnendur hefðu fengið „óhóflega umbun“ í störfum sínum, að sögn Washington Post. LaPierre er sagður hafa „leiðrétt“ misferlið með því að endurgreiða samtökunum nærri því 300.000 dollara, jafnvirði um 40,7 milljóna íslenskra króna, í ferðakostnað fyrir árin 2015 til 2019. Ekki kemur fram í gögnum NRA hvernig sú upphæð var ákveðin eða hvenær LaPierre hefði greitt hana til baka. Forstjórinn er sagður saka aðra fyrrverandi stjórnendur um að hafa notað fjármuni samtakanna á óeðlilegan hátt eða skrifað á þau útgjöld sem þeim bar ekki að greiða fyrir. Dómsmálaráðherra New York sakaði LaPierre og aðra stjórnendur samtakanna um mun umfangsmeiri sjálftöku í störfum fyrir NRA um áratugaskeið í vor. Hann krefst þess að samtökin verði leyst upp og að stjórnendurnir endurgreiði milljarða króna sem hann sakar þá um að hafa dregið að sér til að fjármagna líf í vellystingum. Washington Post segir að greinargerð NRA til skattsins bendi til þess að samtökin ætli að standa með LaPierre sem hefur stýrt þeim í tæp fjörutíu ár. Talsmaður NRA segir þannig að „mikill meirihluti“ ferðalaga LaPierre hafi verið í samræmi við stefnu samtakanna. Samtökin segjast enn fara yfir meint misferli fyrrverandi stjórnenda, þar á meðal Olivers North, fyrrverandi forseta stjórnar NRA. North er frægastur fyrir aðild sína að Íran-Kontra-hneykslinu á 9. áratug síðustu aldar. Sem fulltrúi í þjóðaröryggisráði Bandaríkjanna tók North þátt í að selja vopn á laun til ríkisstjórnar Írans. Ágóðinn af sölunni var notaður til þess að styrkja hægrisinnuðu Kontra-skæruliðana í Níkaragva þrátt fyrir að Bandaríkjaþing hefði samþykkt að banna fjárstuðning við þá. North og fleiri fyrrverandi stjórnendum sinnaðist við LaPierre á sínum tíma og eru þeir sagðir hafa lagt rannsókn yfirvalda í New York lið. NRA hafa verið fyrirferðarmikil í umræðum um byssuofbeldi og vopnalöggjöf í Bandaríkjunum undanfarin ár. Samtökin hafa barist gegn því að lög um byssueign og kaup verði hert en slík umræða fer reglulega á flug í kjölfar tíðra skotárása og fjöldamorða með skotvopnum vestanhafs.
Bandaríkin Skotárásir í Bandaríkjunum Mest lesið Hvarf fyrir tæpum þrjátíu árum og fannst í hopandi jökli Erlent Fjarlægði nöfnin strax: „Ætlumst ekki til neins af þessu fólki“ Innlent Styttan tekin niður eftir harðar deilur um klúran barm Erlent Tveggja bíla árekstur á Suðurlandi Innlent Öryggismyndavélar í svefnherberginu og fyrsta útgáfa af Lolitu á skrifstofunni Erlent Segir Höllu ekki skilja um hvað málið snýst Innlent Golfbolti hafnaði í manni „eftir óteljandi dæmi um óskiljanlega hegðun“ Innlent Fyrirlestri ísraelsks fræðimanns aflýst eftir skamma stund Innlent Dánarorsök Ozzy Osbourne ljós Erlent Segja Rafmennt auglýsa nöfn sín í blekkingarskyni Innlent Fleiri fréttir Segist eiga fund með Pútín Styttan tekin niður eftir harðar deilur um klúran barm Fimm hermenn skotnir á herstöð Tvöfaldar tolla á Indland vegna kaupa á rússneskri olíu Stefnir í kjördæmastríð í Bandaríkjunum? Nýr forseti Póllands vill draga úr áhrifum ESB Stendur í vegi rannsóknar á milljarða svikamyllu Birtist óvænt á þaki Hvíta hússins Yfir 400.000 tilkynningar um kynferðisofbeldi Hvarf fyrir tæpum þrjátíu árum og fannst í hopandi jökli Öryggismyndavélar í svefnherberginu og fyrsta útgáfa af Lolitu á skrifstofunni Minntust fórnarlambanna í Hírósíma Hættir að fjármagna þróun mRNA bóluefna Dánarorsök Ozzy Osbourne ljós Gagnrýndur fyrir að nota gervigreind í embættisstörfum Vanræksla við hönnun, vottun, viðhald og skoðun Clinton-hjónin krafin svara vegna Epstein-málsins Hyggjast rukka suma ferðamenn um brottfarartryggingu Hollendingar kaupa vopn af Bandaríkjunum fyrir Úkraínumenn Handtökuskipun gefin út á hendur þingmönnum Demókrataflokksins Neitað um lausn gegn tryggingu Bolsonaro í stofufangelsi Danskur dýragarður óskar eftir gæludýrum til að fóðra rándýrin Annar leikarinn sem tekur eigið líf eftir ölvunarakstur Elskar auglýsingarnar með Sweeney fyrst hún er Repúblikani Tæplega þrjátíu drepin á meðan þau biðu eftir mat Fyrrverandi ísraelskir foringjar biðla til Trump að ljúka stríðinu Tugir drukknuðu og margra enn saknað Demókratar flýja Texas svo þing geti ekki komið saman Hamas til í að gefa gíslum hjálpargögn ef Ísrael hleypir þeim inn á svæðið Sjá meira