Ó­lög­legt varnar­efni í At­kins-brauð­blöndu

Matvælastofnun varar við brauðblöndunni Atkins bread mix vegna þess að sesamfræ sem notuð eru í framleiðslu á blöndunni innihalda varnarefnið ethylenoxíð sem óheimilt er að nota við framleiðslu matvæla. 

Fit Food ehf. (Bætiefnabúllan) sem flytur inn vöruna hefur innkallað hana af markaði í samráði við Heilbrigðiseftirlit Hafnarfjarðar, Garðabæjar og Kópavogs.

Matvælastofnun fékk upplýsingar um vöruna í gegnum evrópska viðvörunarkerfið RASFF um hættuleg matvæli á markaði og gerði heilbrigðiseftirlitinu viðvart.

Eingöngu eru innkallaðar eftirfarandi best fyrir dagsetningar:

• Vörumerki: Atkins
• Vöruheiti: Bread mix
• Framleiðandi: Simply Good Foods International B.V.,Dr. van Wiechenweg 2, 8025 Zwolle, Hollandi
• Innflytjandi: Fit Food ehf, Kaplahrauni 1, 220 Hafnarfirði
• Best fyrir dagsetningar: 17-10-2021 og 23-11-2021
• Dreifing: Samkaup og Bætiefnabúllan

Viðskiptavinir eru vinsamlega beðnir um að skila vörunni til Fit Food ehf. /Bætiefnabúllan, Kaplahrauni 1, 220 Hafnarfirði.