Betri völlur, fleiri skiptingar, VAR og hundruð áhorfenda Sindri Sverrisson skrifar 6. október 2020 08:31 Gylfi Þór Sigurðsson og Ianis Hagi koma til með að mætast á Laugardalsvelli á fimmtudagskvöld. Getty/QSI/David S. Bustamante Það hefur ýmislegt breyst frá því að Ísland átti að mæta Rúmeníu 26. mars. Hvaða reglur verða í gildi þegar liðin mætast loks á fimmtudag, hvaða leikmenn spila og hvernig verður veðrið? Laugardalsvöllur var snævi þakinn að morgni 26. mars. Snjóinn leysti yfir daginn og um kvöldið hefði margra mánaða undirbúningur og vinna vallarstarfsmanna getað skilað sér í því að undanúrslitaleikur í EM-umspili færi fram á vellinum. Ekkert varð af því og eflaust þekkja allir ástæðuna. Völlurinn er hins vegar klárlega í betra ástandi núna en í mars, enda aldrei verið spilað þar í þeim mánuði en oft verið spilað í október. Veðurspáin er auk þess ágæt í vikunni og á fimmtudagskvöld er útlit fyrir milt veður og nokkurra stiga hita. Ísland - Rúmenía 19:45 á laugardalsvelli í dag. Umspil fyrir EM. Hefði leikurinn farið fram í dag eða frestað v/ veðurs? Völlurinn er þarna bakvið þoku og snjókomu. #fotbolti #fotboltinet pic.twitter.com/Q3iElGAqlp— Garðar Örn Arnarson (@gardarorn23) March 26, 2020 Kórónuveirufaraldurinn leiddi ekki bara til þess að leiknum var frestað. Nú gilda aðrar reglur, innan sem utan vallar. Að minnsta kosti er það þannig núna að fimm skiptingar verða leyfðar hjá hvoru liði, eða sex ef að gripið verður til framlengingar. Þetta ákvað UEFA að gera vegna aukins álags á leikmenn. VAR í fyrsta sinn á Íslandi Eftir sem áður verður myndbandsdómgæsla, VAR, á leiknum í fyrsta sinn á Íslandi. Dómari leiksins mun því geta nýtt tæknina til að skera úr um möguleg vafaatriði. Faraldurinn gerði eins og frægt er orðið að verkum að ekki verða 9.800 stuðningsmenn á leiknum. Rúmenskir stuðningsmenn, búsettir hérlendis, hugðust fjölmenna á leikinn og uppselt var samdægurs, en miðarnir voru endurgreiddir í síðustu viku. Það verða stuðningsmenn á landsleiknum við Rúmeníu en þeir verða innan við 1.000 talsins og mega ekki sitja svona þétt saman.vísir/anton Svo kom reyndar í ljós að UEFA myndi leyfa áhorfendur, 30% þess fjölda sem kæmist fyrir á vellinum, en sóttvarnareglur á Íslandi trompa þær reglur og getur KSÍ því aðeins selt 900 miða á leikinn. Stuðningsmennirnir 900 verða á víð og dreif um stúkurnar en láta væntanlega vel í sér heyra í gegnum sóttvarnagrímurnar, eins og Erik Hamrén landsliðsþjálfari hefur kallað eftir. Birkir var fastur á Ítalíu og óvissa um Jóhann Væntanlegt byrjunarlið Íslands hefur ekki breyst á síðustu sjö mánuðum, þó að ekkert sé hægt að útiloka. Í mars líkt og nú ríkti óvissa um hvort og hve mikinn þátt Jóhann Berg Guðmundsson gæti tekið í leiknum vegna meiðsla. Hann kvaðst í vor hafa verið orðinn klár í slaginn fyrir Rúmeníuleikinn, og komst sömuleiðis aftur á ferðina með Burnley um liðna helgi. Erik Hamrén telur sig alla vega stillt upp sínu sterkasta liði núna. Þó hefur Kári Árnason ekki getað spilað með Víkingi R. undanfarið vegna smávægilegra meiðsla. Birkir Bjarnason virtist fastur á Ítalíu í mars, en faraldurinn var þá langskæðastur þar í landi í Evrópu, en Emil Hallfreðsson hafði náð að koma sér frá Ítalíu til Íslands. Emil var hins vegar ekki valinn í landsliðshópinn nú. Ísland var án margra lykilmanna þegar liðið tapaði naumlega fyrir Englandi í september. Kári Árnason var þó í liðinu, líkt og nú.VÍSIR/HULDA MARGRÉT Eins hefur það breyst frá því í mars að FIFA heimilar núna félagsliðum að banna leikmönnum að spila landsleiki, þurfi þeir að fara í fimm daga sóttkví í tengslum við ferðalag frá eða til síns heimalands. Þannig gat Al Arabi frá Katar bannað Aroni Einari Gunnarssyni að spila gegn Rúmeníu á fimmtudaginn, en Hamrén náði samkomulagi við Heimi Hallgrímsson þjálfara Al Arabi um að Aron yrði með í leiknum. Hamrén þyrfti að ná sams konar samkomulagi í nóvember ef Ísland kæmist í úrslitaleik umspilsins. Ísland myndi þá mæta sigurliðinu úr leik Ungverjalands og Búlgaríu, á útivelli, 12. nóvember. Sigur í þeim leik myndi skila Íslandi á EM, í riðil með heimsmeisturum Frakklands, Evrópumeisturum Portúgals og Þýskalandi, næsta sumar. EM 2020 í fótbolta Þjóðadeild UEFA Tengdar fréttir Fyrirliði Rúmeníu ekki með á Laugardalsvellinum Vlad Chiriches, fyrirliði rúmenska landsliðsins, verður fjarri góðu gamni gegn Íslandi á fimmtudaginn vegna meiðsla. 5. október 2020 13:01 Gert ráð fyrir tæplega þúsund stuðningsmönnum á Rúmeníuleiknum KSÍ gerir ráð fyrir því að geta sett um 900 miða í sölu vegna leiks Íslands og Rúmeníu í undanúrslitum EM-umspilsins í fótbolta karla. 5. október 2020 12:29 Mætum íslensku fílahjörðinni Rúmenskir fjölmiðlar fjalla um afar háan meðalaldur væntanlegs byrjunarliðs Íslands fyrir undanúrslitaleik Íslands og Rúmeníu í EM-umspilinu í fótbolta. 5. október 2020 11:30 „Eina sem að maður leyfir sér er að skreppa í Bónus“ Birkir Már Sævarsson ræddi við Vísi um endurkomuna í landsliðið, stórsigurinn á Gróttu og þá staðreynd að Valur gæti mögulega orðið Íslandsmeistari í næstu umferð. 4. október 2020 21:40 Mest lesið Besta fótboltakona heims lögð inn á sjúkrahús fimm dögum fyrir EM Fótbolti „Versta hugmynd sem hefur komið fram“ Fótbolti Gæti fengið fjögurra ára bann fyrir að reyna að fá gult spjald Fótbolti Sjáðu stórkostlegt mark Sveindísar í lokaleiknum fyrir EM Fótbolti Hélt að Arnar væri að djóka í sér: „Maður var í smá sjokki“ Fótbolti „Þvílík vika“ hjá Andreu Sport Forest var búið að kaupa landsliðsmann en hann vildi ekki koma Enski boltinn Stelpurnar unnu Svía Fótbolti Tönnin slegin úr henni og var svo bannað að koma aftur inn á völlinn Körfubolti Stelpurnar okkar dönsuðu af gleði inn í klefa eftir leik Fótbolti Fleiri fréttir Pogba orðinn leikmaður AS Monaco Mikael mættur til að vinna titla með Djurgården: „Ég er sigurvegari sjálfur“ „Versta hugmynd sem hefur komið fram“ Fyrsti sigur Fylkismanna í fimmtíu daga Stelpurnar unnu Svía 54 prósent líkur á að stelpurnar okkar komist í átta liða úrslitin á EM Forest var búið að kaupa landsliðsmann en hann vildi ekki koma Gæti fengið fjögurra ára bann fyrir að reyna að fá gult spjald Stelpurnar okkar dönsuðu af gleði inn í klefa eftir leik Leikmenn í enska þurfa nú að fara í viðtal þegar þeir koma af velli Sjáðu markaveislu Valsmanna og varamannaþrennu Kristófers bjarga Blikum Hélt að Arnar væri að djóka í sér: „Maður var í smá sjokki“ Besta fótboltakona heims lögð inn á sjúkrahús fimm dögum fyrir EM Olivier Giroud verður liðsfélagi Hákonar Brentford hafnaði tilboði Manchester United Umdeildur öryggisvörður fær stuðning frá Haaland Hetja Blika í kvöld lá í viku inn á spítala í janúar með blóðsýkingu Níu ár síðan að strákarnir okkar „slökktu á“ Steve McClaren í beinni á Sky Sports Svarar ekki Óskari Hrafni: „Ég tala bara úti á velli, ekki eftir á“ ÍR-ingar gefa ekkert eftir og tóku toppsætið aftur af Njarðvík Uppgjörið: Stjarnan-Breiðablik 1-4 | Kristófer með þrennu á móti uppeldisfélaginu Uppgjörið: KA-Valur 2-5 | Valsmenn með annan stórsigurinn í röð Sjáðu stórkostlegt mark Sveindísar í lokaleiknum fyrir EM Önnur góð Reykjavíkurferð hjá Þórsurum Liverpool semur við fyrrum liðsfélaga Stefáns Teits David Beckham lagður inn á sjúkrahús Heldur ekki áfram með Leicester Uppgjörið: Serbía - Ísland 1-3 | Allt klappað og klárt fyrir EM Glódís byrjar gegn Serbum á þrjátíu ára afmælisdegi sínum Sjáðu ótrúlegt slysamark gegn fyrstu mótherjum Íslands á EM Sjá meira
Það hefur ýmislegt breyst frá því að Ísland átti að mæta Rúmeníu 26. mars. Hvaða reglur verða í gildi þegar liðin mætast loks á fimmtudag, hvaða leikmenn spila og hvernig verður veðrið? Laugardalsvöllur var snævi þakinn að morgni 26. mars. Snjóinn leysti yfir daginn og um kvöldið hefði margra mánaða undirbúningur og vinna vallarstarfsmanna getað skilað sér í því að undanúrslitaleikur í EM-umspili færi fram á vellinum. Ekkert varð af því og eflaust þekkja allir ástæðuna. Völlurinn er hins vegar klárlega í betra ástandi núna en í mars, enda aldrei verið spilað þar í þeim mánuði en oft verið spilað í október. Veðurspáin er auk þess ágæt í vikunni og á fimmtudagskvöld er útlit fyrir milt veður og nokkurra stiga hita. Ísland - Rúmenía 19:45 á laugardalsvelli í dag. Umspil fyrir EM. Hefði leikurinn farið fram í dag eða frestað v/ veðurs? Völlurinn er þarna bakvið þoku og snjókomu. #fotbolti #fotboltinet pic.twitter.com/Q3iElGAqlp— Garðar Örn Arnarson (@gardarorn23) March 26, 2020 Kórónuveirufaraldurinn leiddi ekki bara til þess að leiknum var frestað. Nú gilda aðrar reglur, innan sem utan vallar. Að minnsta kosti er það þannig núna að fimm skiptingar verða leyfðar hjá hvoru liði, eða sex ef að gripið verður til framlengingar. Þetta ákvað UEFA að gera vegna aukins álags á leikmenn. VAR í fyrsta sinn á Íslandi Eftir sem áður verður myndbandsdómgæsla, VAR, á leiknum í fyrsta sinn á Íslandi. Dómari leiksins mun því geta nýtt tæknina til að skera úr um möguleg vafaatriði. Faraldurinn gerði eins og frægt er orðið að verkum að ekki verða 9.800 stuðningsmenn á leiknum. Rúmenskir stuðningsmenn, búsettir hérlendis, hugðust fjölmenna á leikinn og uppselt var samdægurs, en miðarnir voru endurgreiddir í síðustu viku. Það verða stuðningsmenn á landsleiknum við Rúmeníu en þeir verða innan við 1.000 talsins og mega ekki sitja svona þétt saman.vísir/anton Svo kom reyndar í ljós að UEFA myndi leyfa áhorfendur, 30% þess fjölda sem kæmist fyrir á vellinum, en sóttvarnareglur á Íslandi trompa þær reglur og getur KSÍ því aðeins selt 900 miða á leikinn. Stuðningsmennirnir 900 verða á víð og dreif um stúkurnar en láta væntanlega vel í sér heyra í gegnum sóttvarnagrímurnar, eins og Erik Hamrén landsliðsþjálfari hefur kallað eftir. Birkir var fastur á Ítalíu og óvissa um Jóhann Væntanlegt byrjunarlið Íslands hefur ekki breyst á síðustu sjö mánuðum, þó að ekkert sé hægt að útiloka. Í mars líkt og nú ríkti óvissa um hvort og hve mikinn þátt Jóhann Berg Guðmundsson gæti tekið í leiknum vegna meiðsla. Hann kvaðst í vor hafa verið orðinn klár í slaginn fyrir Rúmeníuleikinn, og komst sömuleiðis aftur á ferðina með Burnley um liðna helgi. Erik Hamrén telur sig alla vega stillt upp sínu sterkasta liði núna. Þó hefur Kári Árnason ekki getað spilað með Víkingi R. undanfarið vegna smávægilegra meiðsla. Birkir Bjarnason virtist fastur á Ítalíu í mars, en faraldurinn var þá langskæðastur þar í landi í Evrópu, en Emil Hallfreðsson hafði náð að koma sér frá Ítalíu til Íslands. Emil var hins vegar ekki valinn í landsliðshópinn nú. Ísland var án margra lykilmanna þegar liðið tapaði naumlega fyrir Englandi í september. Kári Árnason var þó í liðinu, líkt og nú.VÍSIR/HULDA MARGRÉT Eins hefur það breyst frá því í mars að FIFA heimilar núna félagsliðum að banna leikmönnum að spila landsleiki, þurfi þeir að fara í fimm daga sóttkví í tengslum við ferðalag frá eða til síns heimalands. Þannig gat Al Arabi frá Katar bannað Aroni Einari Gunnarssyni að spila gegn Rúmeníu á fimmtudaginn, en Hamrén náði samkomulagi við Heimi Hallgrímsson þjálfara Al Arabi um að Aron yrði með í leiknum. Hamrén þyrfti að ná sams konar samkomulagi í nóvember ef Ísland kæmist í úrslitaleik umspilsins. Ísland myndi þá mæta sigurliðinu úr leik Ungverjalands og Búlgaríu, á útivelli, 12. nóvember. Sigur í þeim leik myndi skila Íslandi á EM, í riðil með heimsmeisturum Frakklands, Evrópumeisturum Portúgals og Þýskalandi, næsta sumar.
EM 2020 í fótbolta Þjóðadeild UEFA Tengdar fréttir Fyrirliði Rúmeníu ekki með á Laugardalsvellinum Vlad Chiriches, fyrirliði rúmenska landsliðsins, verður fjarri góðu gamni gegn Íslandi á fimmtudaginn vegna meiðsla. 5. október 2020 13:01 Gert ráð fyrir tæplega þúsund stuðningsmönnum á Rúmeníuleiknum KSÍ gerir ráð fyrir því að geta sett um 900 miða í sölu vegna leiks Íslands og Rúmeníu í undanúrslitum EM-umspilsins í fótbolta karla. 5. október 2020 12:29 Mætum íslensku fílahjörðinni Rúmenskir fjölmiðlar fjalla um afar háan meðalaldur væntanlegs byrjunarliðs Íslands fyrir undanúrslitaleik Íslands og Rúmeníu í EM-umspilinu í fótbolta. 5. október 2020 11:30 „Eina sem að maður leyfir sér er að skreppa í Bónus“ Birkir Már Sævarsson ræddi við Vísi um endurkomuna í landsliðið, stórsigurinn á Gróttu og þá staðreynd að Valur gæti mögulega orðið Íslandsmeistari í næstu umferð. 4. október 2020 21:40 Mest lesið Besta fótboltakona heims lögð inn á sjúkrahús fimm dögum fyrir EM Fótbolti „Versta hugmynd sem hefur komið fram“ Fótbolti Gæti fengið fjögurra ára bann fyrir að reyna að fá gult spjald Fótbolti Sjáðu stórkostlegt mark Sveindísar í lokaleiknum fyrir EM Fótbolti Hélt að Arnar væri að djóka í sér: „Maður var í smá sjokki“ Fótbolti „Þvílík vika“ hjá Andreu Sport Forest var búið að kaupa landsliðsmann en hann vildi ekki koma Enski boltinn Stelpurnar unnu Svía Fótbolti Tönnin slegin úr henni og var svo bannað að koma aftur inn á völlinn Körfubolti Stelpurnar okkar dönsuðu af gleði inn í klefa eftir leik Fótbolti Fleiri fréttir Pogba orðinn leikmaður AS Monaco Mikael mættur til að vinna titla með Djurgården: „Ég er sigurvegari sjálfur“ „Versta hugmynd sem hefur komið fram“ Fyrsti sigur Fylkismanna í fimmtíu daga Stelpurnar unnu Svía 54 prósent líkur á að stelpurnar okkar komist í átta liða úrslitin á EM Forest var búið að kaupa landsliðsmann en hann vildi ekki koma Gæti fengið fjögurra ára bann fyrir að reyna að fá gult spjald Stelpurnar okkar dönsuðu af gleði inn í klefa eftir leik Leikmenn í enska þurfa nú að fara í viðtal þegar þeir koma af velli Sjáðu markaveislu Valsmanna og varamannaþrennu Kristófers bjarga Blikum Hélt að Arnar væri að djóka í sér: „Maður var í smá sjokki“ Besta fótboltakona heims lögð inn á sjúkrahús fimm dögum fyrir EM Olivier Giroud verður liðsfélagi Hákonar Brentford hafnaði tilboði Manchester United Umdeildur öryggisvörður fær stuðning frá Haaland Hetja Blika í kvöld lá í viku inn á spítala í janúar með blóðsýkingu Níu ár síðan að strákarnir okkar „slökktu á“ Steve McClaren í beinni á Sky Sports Svarar ekki Óskari Hrafni: „Ég tala bara úti á velli, ekki eftir á“ ÍR-ingar gefa ekkert eftir og tóku toppsætið aftur af Njarðvík Uppgjörið: Stjarnan-Breiðablik 1-4 | Kristófer með þrennu á móti uppeldisfélaginu Uppgjörið: KA-Valur 2-5 | Valsmenn með annan stórsigurinn í röð Sjáðu stórkostlegt mark Sveindísar í lokaleiknum fyrir EM Önnur góð Reykjavíkurferð hjá Þórsurum Liverpool semur við fyrrum liðsfélaga Stefáns Teits David Beckham lagður inn á sjúkrahús Heldur ekki áfram með Leicester Uppgjörið: Serbía - Ísland 1-3 | Allt klappað og klárt fyrir EM Glódís byrjar gegn Serbum á þrjátíu ára afmælisdegi sínum Sjáðu ótrúlegt slysamark gegn fyrstu mótherjum Íslands á EM Sjá meira
Fyrirliði Rúmeníu ekki með á Laugardalsvellinum Vlad Chiriches, fyrirliði rúmenska landsliðsins, verður fjarri góðu gamni gegn Íslandi á fimmtudaginn vegna meiðsla. 5. október 2020 13:01
Gert ráð fyrir tæplega þúsund stuðningsmönnum á Rúmeníuleiknum KSÍ gerir ráð fyrir því að geta sett um 900 miða í sölu vegna leiks Íslands og Rúmeníu í undanúrslitum EM-umspilsins í fótbolta karla. 5. október 2020 12:29
Mætum íslensku fílahjörðinni Rúmenskir fjölmiðlar fjalla um afar háan meðalaldur væntanlegs byrjunarliðs Íslands fyrir undanúrslitaleik Íslands og Rúmeníu í EM-umspilinu í fótbolta. 5. október 2020 11:30
„Eina sem að maður leyfir sér er að skreppa í Bónus“ Birkir Már Sævarsson ræddi við Vísi um endurkomuna í landsliðið, stórsigurinn á Gróttu og þá staðreynd að Valur gæti mögulega orðið Íslandsmeistari í næstu umferð. 4. október 2020 21:40