Lögreglan lýsir eftir Anítu Maríu

Uppfært 4. maras kl. 20:40: Konan er fundin heil á húfi að því er fram kemur í tilkynningu lögreglu.

Lögreglan á höfuðborgarsvæðinu lýsir eftir Anítu Maríu Hjaltadóttur, 36 ára. Hún er grannvaxin, 164 sentimetrar á hæð, með sítt, ljóst hár sem hún er oft með í tagli, brún augu og húðflúr á höndum.

Að því er segir í tilkynningu lögreglu er talið að Aníta, sem er sólbrún, sé klædd í svarta kápu með loði, hvítar þröngar buxur og íþróttaskó. Hún kann að vera með hvíta hanska eða vettlinga. Aníta hefur glímt við veikindi og er mjög áríðandi að hún finnist sem allra fyrst.

Þeir sem geta gefið upplýsingar um ferðir Anítu, eða vita hvar hún er niðurkomin, eru vinsamlegast beðnir um að hafa strax samband við lögregluna í síma 112.