Ný gögn í Sönnum íslenskum sakamálum gætu leitt til endurupptöku rannsóknar á óhugnanlegu morði Eiður Þór Árnason skrifar 18. febrúar 2020 19:30 Frétt Morgunblaðsins þann 19. janúar 1968. Tímarit.is/Morgunblaðið Karl Steinar Valsson, yfirlögregluþjónn hjá Lögreglunni á höfuðborgarsvæðinu, segir embættið nú kanna hvort tilefni sé til að hefja aftur rannsókn á óupplýstu morði sem átti sér stað árið 1968 í kjölfar nýrra vísbendinga. Sú vinna sé þó einungis á byrjunarstigi. Í nýjum þáttum af Sönnum íslenskum sakamálum fjallar Sigursteinn Másson um morðið á leigubílstjóranum Gunnari Tryggvasyni á Laugalæk. Fram kom í Kastljósi RÚV í gærkvöldi að Sigursteinn telji sig hafa fundið sterka vísbendingu í málinu og hann hafi upplýst lögreglu gang mála. Lögreglan hefur í kjölfarið óskað eftir öllum gögnum frá Sigursteini. Skotinn í hnakkann um borð í leigubíl Að sögn Karls Steinars yfirlögregluþjóns er um að ræða afar óhugnanlegt mál en talið er að Gunnar Tryggvason hafi verið skotinn í hnakkann með skammbyssu þann 18. janúar 1968 um borð í leigubíl sínum. Þegar lík hans fannst var bílinn, sem var staðsettur í miðju íbúðahverfi, enn í gangi og gjaldmælirinn enn á. Sá sem framdi verknaðinn náðist aldrei. Karl segir að Sigurbjörn hafi haft samband við lögregluna fyrir nokkru síðan og að kallað hafi verið til fundar í kjölfarið. „Okkur finnst allavega tilefni til þess að kalla saman allt það sem er til hjá bæði embættinu og eins það sem hann hafði gert. Náttúrulega talsvert mikil rannsóknarvinna hjá honum á ýmsum sviðum. Eiginlega planið hjá okkur núna er að fara aðeins yfir það og vega og meta hvort að við teljum tilefni til þess að hefja rannsókn.“ Hinn grunaði sýknaður af ákærum Sveinbjörn Gíslason var ákærður fyrir morðið á sínum tíma eftir að lögregla taldi sig hafa fundið morðvopnið í bifreið hans. Sveinbjörn neitaði sök og ekki tókst að sanna að hann hafi framið morðið. „Þetta er eitt af sérstæðari málum af því að það er einstaklingur sem situr í gæsluvarðhaldi í nokkuð marga mánuði, níu mánuði ef ég man rétt. Hann er ákærður fyrir að hafa myrt viðkomandi en hann er sýknaður bæði í héraði og hæstarétti. Á báðum dómstigum þá klofnar dómurinn þannig að það er minnihlutinn sem vill sakfella hann. Þannig að þetta hefur greinilega verið mikið vafamál í öllu þessu ferli,“ segir Karl. Ný gögn sem Sigursteinn hafi aflað við vinnslu þáttanna bendi hins vegar til þess að Þráinn Hleinar Kristjánsson gæti tengst morðinu. Í hlaðvarpsþáttunum sem finna má á Storytel greina systkinin Valgeir og Sigurbjörg Skagfjörð frá því að Þráinn hafi heimsótt þau árið 1969, ógnað þeim með byssu og fullyrt að hann hafi drepið mann með umræddri byssu. Þráinn var síðar sakfelldur fyrir hrottafengið morð með hníf árið 1979 en hann lést árið 2018. Vinna að því að safna saman sönnunargögnum Karl segir að nú sé unnið að því að fá yfirlit yfir sönnunargögn málsins. „Það er raunverulega það sem við munum fara í að skoða, hvað er til og hvert er raunverulega tækifæri okkar til þess að fara fram á skoðun, þannig að þetta er raunverulega í algjörum byrjunarfasa hjá okkur.“ Aðspurður um það hvort að mögulega verði hægt að upplýsa málið með hjálp nýlegrar DNA greiningartækni sem hafi upplýst fjölda óupplýstra mála erlendis á síðustu árum segir Karl slíkt koma til greina. „Við eigum sem sagt alveg möguleikann á því, svo framarlega sem að slík sýni eru til staðar þá er ýmislegt hægt að gera. Það er náttúrulega það sem við þurfum að skoða.“ Lögreglumál Mest lesið Þau þurfi að finna hvar þau eigi heima í veröldinni Innlent Ríkisstjórnin láti í sér heyra eftir mannskæðar árásir Innlent Leigubílamarkaðurinn sé eins og „villta vestrið“ Innlent Ljósmóðir ákærð fyrir að framkvæma þungunarrof í Texas Erlent Taldi mann kominn til landsins til að vinna henni mein Innlent Nafn mannsins sem lést í bílslysinu á Hrunavegi Innlent Sérsveitinni flogið til Bolungarvíkur Innlent Brynjólfur Bjarnason er látinn Innlent Geimfararnir snúa aftur eftir níu mánaða dvöl í geimnum Erlent Þrír Danir látnir eftir flugslys í Sviss Erlent Fleiri fréttir Taldi mann kominn til landsins til að vinna henni mein Tveir bílar og hestakerra skullu saman við Selfoss Fólk á góðum launum ráði ekki við erfið verkefni Sérsveitinni flogið til Bolungarvíkur Vilja leita að olíu ef stjórnvöldum er ekki alvara með orkuskiptum Taka þurfi fastar á börnum sem beita ofbeldi Þingmanni blöskrar svör Rósu Breyta stuðningi við Grindvíkinga Má bera eiganda Gríska hússins út Heilbrigðisráðherra kom sjúklingi til bjargar í flugi Grindvíkingum sem standa illa tryggður frekari stuðningur Gæti hætt en ekki viss: „Ég vinn bara mjög langa vinnudaga“ Ríkisstjórnin láti í sér heyra eftir mannskæðar árásir Brynjólfur Bjarnason er látinn Þau þurfi að finna hvar þau eigi heima í veröldinni Paul Watson heitir að trufla hvalveiðar á Íslandi í sumar „Ófremdarástandi“ Sjálfstæðisflokksins ljúki með uppbyggingu nýs fangelsis Leigubílamarkaðurinn sé eins og „villta vestrið“ Þjóðin verði að átta sig á að fimmtungur sé ekki íslenskumælandi Fyrirvarinn verði örfáar mínútur „Allt það besta og allt það versta“ sé í skólum landsins Samkeppniseftirlitið ætlar að skoða kvörtun verkalýðsfélaga Heiða Björg hættir sem formaður SÍS Menningarráðherra hvetur opinber fyrirtæki til að að bjóða upp á ensku Bein útsending frá Úkraínu, alvarlegar ásakanir og uppáhalds dagur Íra Nafn mannsins sem lést í bílslysinu á Hrunavegi „Með hverju eldgosinu styttist í goslokahátíðina“ Villa í tækjabúnaði misgreindi jarðskjálfta Steig út úr strætó og fékk gangstéttarhellu í höfuðið Einn af hverjum fimm Íslendingum með heyrnarskerðingu Sjá meira
Karl Steinar Valsson, yfirlögregluþjónn hjá Lögreglunni á höfuðborgarsvæðinu, segir embættið nú kanna hvort tilefni sé til að hefja aftur rannsókn á óupplýstu morði sem átti sér stað árið 1968 í kjölfar nýrra vísbendinga. Sú vinna sé þó einungis á byrjunarstigi. Í nýjum þáttum af Sönnum íslenskum sakamálum fjallar Sigursteinn Másson um morðið á leigubílstjóranum Gunnari Tryggvasyni á Laugalæk. Fram kom í Kastljósi RÚV í gærkvöldi að Sigursteinn telji sig hafa fundið sterka vísbendingu í málinu og hann hafi upplýst lögreglu gang mála. Lögreglan hefur í kjölfarið óskað eftir öllum gögnum frá Sigursteini. Skotinn í hnakkann um borð í leigubíl Að sögn Karls Steinars yfirlögregluþjóns er um að ræða afar óhugnanlegt mál en talið er að Gunnar Tryggvason hafi verið skotinn í hnakkann með skammbyssu þann 18. janúar 1968 um borð í leigubíl sínum. Þegar lík hans fannst var bílinn, sem var staðsettur í miðju íbúðahverfi, enn í gangi og gjaldmælirinn enn á. Sá sem framdi verknaðinn náðist aldrei. Karl segir að Sigurbjörn hafi haft samband við lögregluna fyrir nokkru síðan og að kallað hafi verið til fundar í kjölfarið. „Okkur finnst allavega tilefni til þess að kalla saman allt það sem er til hjá bæði embættinu og eins það sem hann hafði gert. Náttúrulega talsvert mikil rannsóknarvinna hjá honum á ýmsum sviðum. Eiginlega planið hjá okkur núna er að fara aðeins yfir það og vega og meta hvort að við teljum tilefni til þess að hefja rannsókn.“ Hinn grunaði sýknaður af ákærum Sveinbjörn Gíslason var ákærður fyrir morðið á sínum tíma eftir að lögregla taldi sig hafa fundið morðvopnið í bifreið hans. Sveinbjörn neitaði sök og ekki tókst að sanna að hann hafi framið morðið. „Þetta er eitt af sérstæðari málum af því að það er einstaklingur sem situr í gæsluvarðhaldi í nokkuð marga mánuði, níu mánuði ef ég man rétt. Hann er ákærður fyrir að hafa myrt viðkomandi en hann er sýknaður bæði í héraði og hæstarétti. Á báðum dómstigum þá klofnar dómurinn þannig að það er minnihlutinn sem vill sakfella hann. Þannig að þetta hefur greinilega verið mikið vafamál í öllu þessu ferli,“ segir Karl. Ný gögn sem Sigursteinn hafi aflað við vinnslu þáttanna bendi hins vegar til þess að Þráinn Hleinar Kristjánsson gæti tengst morðinu. Í hlaðvarpsþáttunum sem finna má á Storytel greina systkinin Valgeir og Sigurbjörg Skagfjörð frá því að Þráinn hafi heimsótt þau árið 1969, ógnað þeim með byssu og fullyrt að hann hafi drepið mann með umræddri byssu. Þráinn var síðar sakfelldur fyrir hrottafengið morð með hníf árið 1979 en hann lést árið 2018. Vinna að því að safna saman sönnunargögnum Karl segir að nú sé unnið að því að fá yfirlit yfir sönnunargögn málsins. „Það er raunverulega það sem við munum fara í að skoða, hvað er til og hvert er raunverulega tækifæri okkar til þess að fara fram á skoðun, þannig að þetta er raunverulega í algjörum byrjunarfasa hjá okkur.“ Aðspurður um það hvort að mögulega verði hægt að upplýsa málið með hjálp nýlegrar DNA greiningartækni sem hafi upplýst fjölda óupplýstra mála erlendis á síðustu árum segir Karl slíkt koma til greina. „Við eigum sem sagt alveg möguleikann á því, svo framarlega sem að slík sýni eru til staðar þá er ýmislegt hægt að gera. Það er náttúrulega það sem við þurfum að skoða.“
Lögreglumál Mest lesið Þau þurfi að finna hvar þau eigi heima í veröldinni Innlent Ríkisstjórnin láti í sér heyra eftir mannskæðar árásir Innlent Leigubílamarkaðurinn sé eins og „villta vestrið“ Innlent Ljósmóðir ákærð fyrir að framkvæma þungunarrof í Texas Erlent Taldi mann kominn til landsins til að vinna henni mein Innlent Nafn mannsins sem lést í bílslysinu á Hrunavegi Innlent Sérsveitinni flogið til Bolungarvíkur Innlent Brynjólfur Bjarnason er látinn Innlent Geimfararnir snúa aftur eftir níu mánaða dvöl í geimnum Erlent Þrír Danir látnir eftir flugslys í Sviss Erlent Fleiri fréttir Taldi mann kominn til landsins til að vinna henni mein Tveir bílar og hestakerra skullu saman við Selfoss Fólk á góðum launum ráði ekki við erfið verkefni Sérsveitinni flogið til Bolungarvíkur Vilja leita að olíu ef stjórnvöldum er ekki alvara með orkuskiptum Taka þurfi fastar á börnum sem beita ofbeldi Þingmanni blöskrar svör Rósu Breyta stuðningi við Grindvíkinga Má bera eiganda Gríska hússins út Heilbrigðisráðherra kom sjúklingi til bjargar í flugi Grindvíkingum sem standa illa tryggður frekari stuðningur Gæti hætt en ekki viss: „Ég vinn bara mjög langa vinnudaga“ Ríkisstjórnin láti í sér heyra eftir mannskæðar árásir Brynjólfur Bjarnason er látinn Þau þurfi að finna hvar þau eigi heima í veröldinni Paul Watson heitir að trufla hvalveiðar á Íslandi í sumar „Ófremdarástandi“ Sjálfstæðisflokksins ljúki með uppbyggingu nýs fangelsis Leigubílamarkaðurinn sé eins og „villta vestrið“ Þjóðin verði að átta sig á að fimmtungur sé ekki íslenskumælandi Fyrirvarinn verði örfáar mínútur „Allt það besta og allt það versta“ sé í skólum landsins Samkeppniseftirlitið ætlar að skoða kvörtun verkalýðsfélaga Heiða Björg hættir sem formaður SÍS Menningarráðherra hvetur opinber fyrirtæki til að að bjóða upp á ensku Bein útsending frá Úkraínu, alvarlegar ásakanir og uppáhalds dagur Íra Nafn mannsins sem lést í bílslysinu á Hrunavegi „Með hverju eldgosinu styttist í goslokahátíðina“ Villa í tækjabúnaði misgreindi jarðskjálfta Steig út úr strætó og fékk gangstéttarhellu í höfuðið Einn af hverjum fimm Íslendingum með heyrnarskerðingu Sjá meira