Grænt ljós á nýtt deiliskipulag fyrir Laugaveginn Kolbeinn Tumi Daðason skrifar 5. febrúar 2020 15:25 Númerin endurspegla ekki röðina á framkvæmdunum. Vonir standa til að hefja framkvæmdir í vor og ljúka á tveimur til þremur árum. Reykjavíkurborg Skipulags- og samgönguráð samþykkti í dag nýtt deiliskipulag fyrir Laugaveg sem göngugötu. Hluti Laugavegs, Skólavörðustígs og Vegamótastígs verður gerður að varanlegum göngugötum að því er segir í tilkynningu frá Reykjavíkurborg. Unnið verði í framhaldinu að hönnun ýmissa lausna til að bæta götuna og umhverfið. Gert er ráð fyrir að endurnýja allt yfirborð, gróður, götugögn og lýsingu. Laugavegur við Klapparstíg. Hann hefur verið lokaður fyrir bílaumferð síðan vorið 2019.Vísir/Vilhelm Afmörkun svæðis er Laugavegur og Bankastræti frá Klapparstíg að Þingholtsstræti. Skólavörðustígur milli Bergstaðastrætis og Laugavegar. Vegamótastígur frá Laugavegi að Grettisgötu. Formaður skipulags- og samgönguráðs segir þreytu komna í miðbæinn vegna framkvæmda. Áfangaskipt framkvæmd geti vonandi skapað meiri sátt um framkvæmdina. Stefna að minna raski með áfangaskiptingu Framkvæmdir verða unnar í níu áföngum og verða smáar í sniðum. Takmarkið borgarinnar er að rask við framkvæmdir verði sem minnst og einblínt verður á eitt svæði í einu til að forðast neikvæða upplifun. „Áherslan er því ekki á allsherjar endurbætur með stórum vinnuvélum og tilheyrandi truflunum heldur verður unnið með smærri skala,“ segir í tilkynningu frá borginni. Frá framkvæmdum á Hverfisgötu í sumar sem drógust fram á haust.Vísir/vilhelm Framkvæmdir verða í samvinnu við rekstrar- og fasteignaeigendur. Rétt er að minnast lokunar Hverfisgötu í sumar sem dróst verulega. Voru rekstrareigendur afar ósáttir og hafa raunar stefnt borginni vegna málsins. Meira líf og aukin upplifun „Markmiðið með framkvæmdunum er að gæða göturnar meira lífi með því að veita gangandi vegfarendum aukið rými. Þannig er skapað betra verslunarumhverfi sem svarar nýjum áskorunum þar sem upplifun og þjónusta eru stór þáttur,“ segir í tilkynningunni. Áhersla sé lögð á að auka upplifun þeirra sem um svæðið fara með því að skapa eftirtektarvert rými hvort sem það er með leiksvæðum, setaðstöðu eða gróðri. Öryggi og aðgengi í fyrirrúmi „Laugavegurinn hefur verið helsta verslunargata Reykjavíkur frá fornu fari samhliða lifandi mannlífi og menningu,“ segir í tilkynningunni. Vegna sögu sinnar og starfsemi hafi gatan mikið aðdráttarafl fyrir gesti og gangandi, jafnt innlenda sem erlenda. Markmiðið með breytingunum sé að fanga anda miðborgarinnar og fíngerðan skala hennar og sömuleiðis mynda sterka tengingu frá Hlemmi að Kvos. Sigurborg Ósk Haraldsdóttir, formaður skipulagsráðs Reykjavíkurborgar.Vísir/Baldur „Vönduð borgarhönnun með öryggi og vellíðan gangandi vegfarenda verður í fyrirrúmi. Algild hönnun með aðgengi fyrir alla verður höfð að leiðarljósi við útfærsluna í samráði við notendur og hagsmunasamtök. Alls voru haldnir níu fundir um fyrirhugaðar breytingar með hagsmunaaðilum á síðasta ári.“ Minnt er á að við göngugötusvæðin eru bílastæðahúsin Bergsstaðir og Traðarkot sem bjóði upp á alls 328 bílastæði. Einnig séu bílastæðahús í Kolaportinu og Hafnartorgi, alls 1266 stæði. Komið til móts við verslunareigendur Sigurborg Ósk Haraldsdóttir, formaður skipulags- og samgönguráðs, segir í samtali við Vísi að stefnt sé á að hefja framkvæmdir strax í vor. Það sé hægt vegna breyttrar nálgunar. Að skipta verkinu niður í áfanga auk þess sem ekki þurfi að skipta út öllum lögnum á veginum, eins og hafi þurft að gera á Hverfisgötunni sem dæmi. Unnið verði á smærri stöðum í einu og jafnvel hægt að flytja lausnir tilbúin á svæðið í einhverjum tilfellum. Hvert og eitt svæði fái upplyftingu í stíl við byggingar á svæðinu. Þannig fái Laugavegurinn ekki sterílt lúkk heldur endurspegli frekar hversu fjölbreyttur Laugavegurinn sé. Sigurborg reiknar með að verkinu ljúki á tveimur til þremur árum. Reynt sé að koma til móts við verslunareigendur og rekstaraðila með því að skipta framkvæmdinni svona upp. „Það er óhætt að segja að það sé komin ákveðin þreyta í miðbæinn vegna framkvæmda,“ segir Sigurborg. Á dagskrá í framhaldinu sé svo að gera Laugaveginn að göngugötu allt árið, alla leið upp að Hlemmi. Sú tillaga var samþykkt í borgarstjórn árið 2018. Borgarstjórn Göngugötur Reykjavík Samgöngur Mest lesið Uppruni stjarnanna óþekktur: „Hver andskotinn hefur verið að setja þetta inn?“ Innlent Athafnamaðurinn Þráinn Hafstein Kristjánsson látinn Innlent Nýtt eftirlitskerfi á ytri landamærum Schengen-svæðisins Innlent Íranskur herforingi sagður hafa látist í loftárásum Ísraela Erlent Risaþotan flaug aftur yfir Reykjavíkursvæðið Innlent „Hann hverfur ofan í jörðina“ Innlent Öflugur skjálfti í Bárðarbunguöskju Innlent Íslensk flugáhöfn horfði á ljónaárás rétt við hótelið Innlent Segir rangt að þau hafi reynt að stöðva lögreglubíl í forgangsakstri Innlent Af hverju er barnið mitt alltaf að segja Skibidi toilet? Innlent Fleiri fréttir Athafnamaðurinn Þráinn Hafstein Kristjánsson látinn Uppruni stjarnanna óþekktur: „Hver andskotinn hefur verið að setja þetta inn?“ Nýtt eftirlitskerfi á ytri landamærum Schengen-svæðisins Öflugur skjálfti í Bárðarbunguöskju Sláturgerð, Sherry og súkkulaði á Hellu „Hann hverfur ofan í jörðina“ Heppni að ekki fór verr þegar tveggja ára drengur féll niður nokkra metra Risaþotan flaug aftur yfir Reykjavíkursvæðið „Þetta er ekki endanlegt frumvarp“ Samþykktu ályktun og stefna að kosningum í vor Segir rangt að þau hafi reynt að stöðva lögreglubíl í forgangsakstri Nóg af heitu vatni á Selfossi Glerbrot í lauginni „Kveður við nýjan tón í samstarfinu sem er efnislega lokið“ Stjónmálafræðingur segir kosningar nær en marga gruni Nýr formaður VG, seðlabankastjóri og ástandið á Gaza Íslensk flugáhöfn horfði á ljónaárás rétt við hótelið Handtekinn eftir hliðarkeyrslu á talsverðum hraða Vilhjálmur Hjálmarsson kjörinn varaformaður ÖBÍ „Ef hann hefði verið einn þá hefði þetta getað farið miklu verr“ Bátarnir frá eldgosinu í Vestmannaeyjum málaðir á vita Af hverju er barnið mitt alltaf að segja Skibidi toilet? „Þegar hægrið fær að ráða ferðinni óheft og án alls taumhalds fer illa“ Fagna löngu tímabærri breytingu Átök í miðausturlöndum, ný forysta VG og mállýska unga fólksins Mótmælendur hindruðu för lögreglubíls í forgangsakstri Svandís og Guðmundur Ingi nýir leiðtogar Vinstri grænna Málningu kastað og ryskingar við sendiráðið Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Sjá meira
Skipulags- og samgönguráð samþykkti í dag nýtt deiliskipulag fyrir Laugaveg sem göngugötu. Hluti Laugavegs, Skólavörðustígs og Vegamótastígs verður gerður að varanlegum göngugötum að því er segir í tilkynningu frá Reykjavíkurborg. Unnið verði í framhaldinu að hönnun ýmissa lausna til að bæta götuna og umhverfið. Gert er ráð fyrir að endurnýja allt yfirborð, gróður, götugögn og lýsingu. Laugavegur við Klapparstíg. Hann hefur verið lokaður fyrir bílaumferð síðan vorið 2019.Vísir/Vilhelm Afmörkun svæðis er Laugavegur og Bankastræti frá Klapparstíg að Þingholtsstræti. Skólavörðustígur milli Bergstaðastrætis og Laugavegar. Vegamótastígur frá Laugavegi að Grettisgötu. Formaður skipulags- og samgönguráðs segir þreytu komna í miðbæinn vegna framkvæmda. Áfangaskipt framkvæmd geti vonandi skapað meiri sátt um framkvæmdina. Stefna að minna raski með áfangaskiptingu Framkvæmdir verða unnar í níu áföngum og verða smáar í sniðum. Takmarkið borgarinnar er að rask við framkvæmdir verði sem minnst og einblínt verður á eitt svæði í einu til að forðast neikvæða upplifun. „Áherslan er því ekki á allsherjar endurbætur með stórum vinnuvélum og tilheyrandi truflunum heldur verður unnið með smærri skala,“ segir í tilkynningu frá borginni. Frá framkvæmdum á Hverfisgötu í sumar sem drógust fram á haust.Vísir/vilhelm Framkvæmdir verða í samvinnu við rekstrar- og fasteignaeigendur. Rétt er að minnast lokunar Hverfisgötu í sumar sem dróst verulega. Voru rekstrareigendur afar ósáttir og hafa raunar stefnt borginni vegna málsins. Meira líf og aukin upplifun „Markmiðið með framkvæmdunum er að gæða göturnar meira lífi með því að veita gangandi vegfarendum aukið rými. Þannig er skapað betra verslunarumhverfi sem svarar nýjum áskorunum þar sem upplifun og þjónusta eru stór þáttur,“ segir í tilkynningunni. Áhersla sé lögð á að auka upplifun þeirra sem um svæðið fara með því að skapa eftirtektarvert rými hvort sem það er með leiksvæðum, setaðstöðu eða gróðri. Öryggi og aðgengi í fyrirrúmi „Laugavegurinn hefur verið helsta verslunargata Reykjavíkur frá fornu fari samhliða lifandi mannlífi og menningu,“ segir í tilkynningunni. Vegna sögu sinnar og starfsemi hafi gatan mikið aðdráttarafl fyrir gesti og gangandi, jafnt innlenda sem erlenda. Markmiðið með breytingunum sé að fanga anda miðborgarinnar og fíngerðan skala hennar og sömuleiðis mynda sterka tengingu frá Hlemmi að Kvos. Sigurborg Ósk Haraldsdóttir, formaður skipulagsráðs Reykjavíkurborgar.Vísir/Baldur „Vönduð borgarhönnun með öryggi og vellíðan gangandi vegfarenda verður í fyrirrúmi. Algild hönnun með aðgengi fyrir alla verður höfð að leiðarljósi við útfærsluna í samráði við notendur og hagsmunasamtök. Alls voru haldnir níu fundir um fyrirhugaðar breytingar með hagsmunaaðilum á síðasta ári.“ Minnt er á að við göngugötusvæðin eru bílastæðahúsin Bergsstaðir og Traðarkot sem bjóði upp á alls 328 bílastæði. Einnig séu bílastæðahús í Kolaportinu og Hafnartorgi, alls 1266 stæði. Komið til móts við verslunareigendur Sigurborg Ósk Haraldsdóttir, formaður skipulags- og samgönguráðs, segir í samtali við Vísi að stefnt sé á að hefja framkvæmdir strax í vor. Það sé hægt vegna breyttrar nálgunar. Að skipta verkinu niður í áfanga auk þess sem ekki þurfi að skipta út öllum lögnum á veginum, eins og hafi þurft að gera á Hverfisgötunni sem dæmi. Unnið verði á smærri stöðum í einu og jafnvel hægt að flytja lausnir tilbúin á svæðið í einhverjum tilfellum. Hvert og eitt svæði fái upplyftingu í stíl við byggingar á svæðinu. Þannig fái Laugavegurinn ekki sterílt lúkk heldur endurspegli frekar hversu fjölbreyttur Laugavegurinn sé. Sigurborg reiknar með að verkinu ljúki á tveimur til þremur árum. Reynt sé að koma til móts við verslunareigendur og rekstaraðila með því að skipta framkvæmdinni svona upp. „Það er óhætt að segja að það sé komin ákveðin þreyta í miðbæinn vegna framkvæmda,“ segir Sigurborg. Á dagskrá í framhaldinu sé svo að gera Laugaveginn að göngugötu allt árið, alla leið upp að Hlemmi. Sú tillaga var samþykkt í borgarstjórn árið 2018.
Borgarstjórn Göngugötur Reykjavík Samgöngur Mest lesið Uppruni stjarnanna óþekktur: „Hver andskotinn hefur verið að setja þetta inn?“ Innlent Athafnamaðurinn Þráinn Hafstein Kristjánsson látinn Innlent Nýtt eftirlitskerfi á ytri landamærum Schengen-svæðisins Innlent Íranskur herforingi sagður hafa látist í loftárásum Ísraela Erlent Risaþotan flaug aftur yfir Reykjavíkursvæðið Innlent „Hann hverfur ofan í jörðina“ Innlent Öflugur skjálfti í Bárðarbunguöskju Innlent Íslensk flugáhöfn horfði á ljónaárás rétt við hótelið Innlent Segir rangt að þau hafi reynt að stöðva lögreglubíl í forgangsakstri Innlent Af hverju er barnið mitt alltaf að segja Skibidi toilet? Innlent Fleiri fréttir Athafnamaðurinn Þráinn Hafstein Kristjánsson látinn Uppruni stjarnanna óþekktur: „Hver andskotinn hefur verið að setja þetta inn?“ Nýtt eftirlitskerfi á ytri landamærum Schengen-svæðisins Öflugur skjálfti í Bárðarbunguöskju Sláturgerð, Sherry og súkkulaði á Hellu „Hann hverfur ofan í jörðina“ Heppni að ekki fór verr þegar tveggja ára drengur féll niður nokkra metra Risaþotan flaug aftur yfir Reykjavíkursvæðið „Þetta er ekki endanlegt frumvarp“ Samþykktu ályktun og stefna að kosningum í vor Segir rangt að þau hafi reynt að stöðva lögreglubíl í forgangsakstri Nóg af heitu vatni á Selfossi Glerbrot í lauginni „Kveður við nýjan tón í samstarfinu sem er efnislega lokið“ Stjónmálafræðingur segir kosningar nær en marga gruni Nýr formaður VG, seðlabankastjóri og ástandið á Gaza Íslensk flugáhöfn horfði á ljónaárás rétt við hótelið Handtekinn eftir hliðarkeyrslu á talsverðum hraða Vilhjálmur Hjálmarsson kjörinn varaformaður ÖBÍ „Ef hann hefði verið einn þá hefði þetta getað farið miklu verr“ Bátarnir frá eldgosinu í Vestmannaeyjum málaðir á vita Af hverju er barnið mitt alltaf að segja Skibidi toilet? „Þegar hægrið fær að ráða ferðinni óheft og án alls taumhalds fer illa“ Fagna löngu tímabærri breytingu Átök í miðausturlöndum, ný forysta VG og mállýska unga fólksins Mótmælendur hindruðu för lögreglubíls í forgangsakstri Svandís og Guðmundur Ingi nýir leiðtogar Vinstri grænna Málningu kastað og ryskingar við sendiráðið Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Sjá meira