Mikið tjón eftir eld í tví­lyftu húsi í Borgar­firði

Fjögurra manna fjölskyldu tókst að komast út fyrir eigin rammleik eftir að eldur kom upp á efri hæð í tvílyftu húsi í Borgarfirði í nótt.

Tilkynning um eldinn barst Slökkviliði Borgarbyggðar nokkru fyrir klukkan fimm í nótt og gekk vel að ráða niðurlögum eldsins. RÚV sagði fyrst frá málinu.

Bjarni Kristinn Þorsteinsson slökkviliðsstjóri segir í samtali við Vísi að mannskapur sé enn á staðnum þar sem verið er að leita að eldhreiðrum í klæðningu með aðstoð hitamyndavéla.

Bjarni Kristinn segir tjónið mikið enda efri hæð hússins ónýt.