Andri Már Rúnarsson hefur fundið sér nýtt félag í Olís deild karla í handbolta en hann er búinn að ganga frá samningi við Fram.
Í morgun sögðum við frá því að eldri bróðir hans, Sigtryggur Daði Rúnarsson, er búinn að semja við bikarmeistara ÍBV.
Andri Rúnar gerir tveggja ára samning við Framliðið en þetta er efnilegur handboltamaður sem hefur verið í íslenska átján ára landsliðinu.
Andri Rúnar er átján ára gamall (fæddur 2002) og sex árum yngri en Sigtryggur Daði sem er að koma heim út atvinnumennsku.
Andri Már hefur aftur á móti spilað með Stjörnunni síðustu tvö tímabil en faðir þeirra er Rúnar Sigtryggsson fráfarandi þjálfari Stjörnunnar. Rúnar sendi þeim kveðju á Twitter í dag.
Óska ungunum mínum @andrimarrunars & @Siddi13 góðs gengis í baráttunni #handball pic.twitter.com/5Hpf2do8pm
— Rúnar Sigtryggsson (@RunarSigtryggs) May 12, 2020
Andri Már er leikstjórnandi og skoraði 41 mark fyrir Stjörnuna í Olís deildinni í vetur eða yfir tvö mörk að meðaltali í leik.
Framarar hafa verið að styrkja liðið sitt að undanförnu því Elías Bóasson er einnig búinn að skrifa undir tveggja ára samning við Fram. Elías Bóasson hefur verið hjá ÍR en er nú að snúa aftur heim í Fram.
Fram komnir/farnir
Komnir:
- Andri Már Rúnarsson frá Stjörnunni
- Elías Bóasson frá ÍR
- Róbert Örn Karlsson frá Víkingi
- Þorvaldur Tryggvason frá Fjölni
- Rógvi Dal Christiansen frá Kyndil (Færeyjum)
- Vilhelm Poulsen frá H71 Hoyvik (Færeyjum)
Farnir:
- Andri Heimir Friðriksson til ÍR
