Ragnar í við­ræðum við liðið í þriðja sæti tyrk­nesku úr­vals­deildarinnar

Tyrkneska dagblaðið Takvim greinir frá því í dag að landsliðsmaðurinn Ragnar Sigurðsson sé í viðræðum við Trabzonspor.

Íslendingavaktin greinir frá þessu á vef sínum fyrst íslenskra fjölmiðla en þar segir að viðræðurnar eru vel á veg komnar.

Ragnar fékk sig nokkuð óvænt lausan frá Rostov í Rússlandi á dögunum en hann hafði leikið þar frá árinu 2018. Hann var orðinn fyrirliði liðsins á tímapunkti.

Ragnar í viðræðum við tyrkneskt félaghttps://t.co/zc1dorXFCZ

— Íslendingavaktin (@Islendingavakt) December 27, 2019

Trabzonspor er í 3. sætinu í Tyrklandi, fimm stigum á eftir Sivasspor sem er á toppnum, en stigi á eftir Istanbul Basaksehir sem er í öðru sætinu.

Ragnar hefur leikið í atvinnumennsku frá árinu 2007 en hann hefur leikið með Gautaborg, FCK, Krasnodar, Rubin Kazan auk Fulham og Rostov.