Liv nýr stjórnar­for­maður Kea­hótela

Liv Bergþórsdóttir hefur tekið við stjórnarformennsku í stjórn Keahótela. Hún tekur við stöðunni af Jonathan Rubini en félag í hans eigu ásamt Pt Capital keyptu meirihluta í Keahótelum árið 2017.

Í tilkynningu segir að Liv muni vinna með eigendum og stjórnendum félagsins að frekari uppbyggingu og þróun þess. Þá muni hún jafnframt halda utan um aðrar fjárfestingar Rubinis hér á landi.

Keahótel ehf. rekur ellefu hótel á landinu  - sjö í Reykjavík, tvö á Akureyri, eitt við Mývatn og eitt við Vík.