Þín heilsa ehf. leitar eftir starfsfólki Geir Gunnar Markússon skrifar 23. nóvember 2019 11:00 Starfslýsing: Dagleg öflug hreyfing Regulegar og hollar máltíðir 7-8 klst. nætursvefn og viðhald góðrar andlegrar heilsu Vinnutími: Samkomulagsatriði. Því meiri vinna, því betri laun Laun: Betri líkamlegri og andlegri líðan Bónus: Þú verður hamingjusamari og virkari þú á öllum sviðum lífs þíns, einkalífi og vinnu. Ráðningartími: Til lífstíðar Uppsagnarfrestur EnginnÞessi atvinnuauglýsing hér að ofan hefur því miður aldrei birst í helgarblöðunum. Þetta er líka ekki raunveruleg atvinnuauglýsing þó vissulega væri það óskandi að við réðum okkur sjálf í vinnu til að huga vel að heilsu okkar. Flest okkar sinnum við hinni „alvöru“ vinnu okkar af mikilli kostgæfni og gefum oft 110% í hana og oft svo mikið að líkamleg og andleg heilsa okkar er farin að gjalda fyrir. Svefnleysi og stress er orðið vandamál vegna mikils álags í vinnu og þá er oft notað meira af kaffi, áfengi, svefn- og verkjalyfjum, sem eykur enn frekar á vandamálið. Þetta er orðin slæmur vítahringur í mikilli álagsvinnu og aðferðir sem virka skammt til að halda sér gangandi. Hvernig væri að við færum að sinna vinnunni fyrir „Þína heilsu ehf.“ ? Þó það væri ekki nema bara 10-20% starfshlutfall til að byrja með? Launin úr þessari vinnu þinni væru ekki feitir bankareikningar heldur hraustari, hamingjusamari og öflugri þú. Hvers vegna leggjum við mörg okkar líf og limi að veði fyrir atvinnuveitendur okkar með því að nærri kála okkur í vinnu? Ekkert okkar er ómissandi og það er fullt af fólki á kistubotni í kirkjugarði sem hélt að það væri ómissandi. Við þurfum jú flest að borga reikningana okkar um hver mánaðarmót og því mikilvægt að sinna vinnu sem skilar krónum í vasann. En reynum eins og við getum að láta ekki heilsu okkar gjalda fyrir það að ná þessum krónum í vasann. Notum líka eitthvað af þessum 365 dögum á ári til þess að sinna heilsuvinnunni okkar og ekki segjast ætla „að byrja á morgun“ eða „eftir helgi“, byrjaðu núna. Við berum ábyrgð á eigin heilsu alla ævi og ættum ekki að vera kærulaus með hana með því að huga illa að mataræðinu, hreyfingunni, sálinni eða svefninum. Ef við erum kærulaus með heilsuna okkar mun hún einn daginn segja okkur upp og senda okkur lóðbeint í gröfina eða á spítala. Heilbrigðiskerfið okkar á fullt í fangi með að sinna veikum einstaklingum þar sem við verðum sífellt eldri (en ekki endilega hraustari) og er því illa í stakk búið að sinna forvörnum. Það er því mikilvægt að við tökum ábyrgð sjálf á okkar heilsu og tryggjum þannig að við þurfum seinna á þjónustu heilbrigðiskerfisins að halda. Tryggingarfélögin auglýsa oft að við tryggjum ekki eftir á og eru þá að tala um steindauðar eignir s.s bílinn, húsið og innbúið eða þá bara dauðann sjálfann. Heilsan er okkar dýrmætasta eign sem við tryggjum best með því að huga vel að henni sem flesta daga ársins. Líftrygging hjá tryggingarfélagi er því miður ekki trygging fyrir heilsusamlegu lífi og þá tryggingu er ekki hægt að kaupa, heldur þarf maður að vinna fyrir henni. Hollar daglegar venjur eru grunnurinn að góðri heilsu, því við erum ekkert nema venjur okkar. Ef við erum með mikið af óheilsusamlegum venjum ættum við að reyna að breyta þeim smátt og smátt, einni í einu en ekki reyna að breyta öllu í einu. Það þarf reglu og staðfestu til að skapa góðar venjur. Gömlu „góðu“ venjurnar eru vissulega þægilegri, það er t.d. þægilegra að hlamma sér í sófann eftir erfiðan vinnudag en að fara út að ganga í slyddu eða rigningu, einnig er þægilegra að taka bara verkjatöflu í stað þess að minnka stress og fara t.d. í jóga eða hugleiðslu. En við höfum val hvern einasta dag, viljum við skammtíma vellíðan í sófanum eða viljum við langvarandi vellíðan með venjum sem krefjast smá elju frá okkur? Hér í lokin eru hugmyndir að góðum venjum til að tileinka sér að bættu mataræði, hreyfingu, svefni og sálarlífi flesta daga ársins: Mataræði – Hollur morgunmatur alla daga – 5-6 skammta af ávöxtum og grænmeti á dag – Ekkert matarkyns eftir kl.20 á kvöldin Hreyfing – Nýtum ferðir til og frá vinnu sem hreyfingu s.s. ganga, hjóla eða hlaupa – Hreyfum okkur fyrir kl.17 á virkum dögum, áður en við komum heim og leggjumst í sófann – Hreyfum okkur á vinnutíma s.s. nota stiga, standa reglulega upp, nota hækkanleg borð, ganga í hádeginu. Svefninn – Engin rafmagnstæki í svefnherberginu s.s. snjallsímar, spjaldtölvur og sjónvarp – Ekkert kaffi eftir kl.16 – Förum snemma í háttinn (kl. 22-23) Sálarlífið – Horfum á björtu hliðar lífsins og brosum mikið – Tölum okkur upp en ekki niður, verum besti vinur okkar – Vertu í núinu – Lífið er núna Höfundur er næringarfræðingur Heilsustofnunar Viltu birta grein á Vísi? Sendu okkur póst. Senda grein Heilbrigðismál Heilsa Matur Vinnumarkaður Geir Gunnar Markússon Mest lesið Transumræðan og ruglið um fjölda kynja Einar Steingrímsson Skoðun 752 dánir vegna geðheilsuvanda – enginn vegna fjölþáttaógnar Grímur Atlason Skoðun Magga Stína! Helga Völundardóttir Skoðun Foreldrar þurfa bara að vera duglegri Björg Magnúsdóttir Skoðun Leikskólar eru ekki munaður Íris Eva Gísladóttir Skoðun Uppgjöf Reykjavíkurborgar í leikskólamálum Finnbjörn A. Hermannsson,Sonja Ýr Þorbergsdóttir Skoðun Kópavogsmódelið – sveigjanleiki á pappír, en álag á foreldrar í raun og veru Örn Arnarson Skoðun Lykillinn að hamingju og heilbrigði Skoðun Dýrkeypt eftirlitsleysi Lilja Björk Guðmundsdóttir Skoðun Svindl eða sjálfsvernd? Sigurður Árni Reynisson Skoðun Skoðun Skoðun Lykillinn að hamingju og heilbrigði skrifar Skoðun Staða bænda styrkt Hanna Katrín Friðriksson skrifar Skoðun Transumræðan og ruglið um fjölda kynja Einar Steingrímsson skrifar Skoðun Leikskólar eru ekki munaður Íris Eva Gísladóttir skrifar Skoðun Vísindarannsóknir og þróun – til umhugsunar í tiltekt Þorgerður J. Einarsdóttir skrifar Skoðun 752 dánir vegna geðheilsuvanda – enginn vegna fjölþáttaógnar Grímur Atlason skrifar Skoðun Foreldrar þurfa bara að vera duglegri Björg Magnúsdóttir skrifar Skoðun Kópavogsmódelið – sveigjanleiki á pappír, en álag á foreldrar í raun og veru Örn Arnarson skrifar Skoðun Dýrkeypt eftirlitsleysi Lilja Björk Guðmundsdóttir skrifar Skoðun Uppgjöf Reykjavíkurborgar í leikskólamálum Finnbjörn A. Hermannsson,Sonja Ýr Þorbergsdóttir skrifar Skoðun Svindl eða sjálfsvernd? Sigurður Árni Reynisson skrifar Skoðun Magga Stína! Helga Völundardóttir skrifar Skoðun Mannauðurinn á vinnustaðnum þarf góða innivist til að dafna Ásta Logadóttir skrifar Skoðun Þetta er námið sem lifir áfram Bryngeir Valdimarsson skrifar Skoðun Árborg - spennandi kostur fyrir öll Guðný Björk Pálmadóttir skrifar Skoðun Tökum á glæpahópum af meiri þunga Þorbjörg Sigríður Gunnlaugsdóttir skrifar Skoðun Minntist ekkert á Evrópusambandið Hjörtur J. Guðmundsson skrifar Skoðun Hugsum stórt í skipulags- og samgöngumálum Hilmar Ingimundarson skrifar Skoðun Eitt eilífðar smáblóm Þorgerður Katrín Gunnarsdóttir skrifar Skoðun Betri mönnun er lykillinn Skúli Helgason,Sabine Leskopf skrifar Skoðun Borgarhönnunarstefna, sú fyrsta sinnar tegundar í Reykjavík Dóra Björt Guðjónsdóttir skrifar Skoðun Hversu oft á að fresta framtíðinni? Erna Magnúsdóttir,Stefán Þórarinn Sigurðsson skrifar Skoðun Getur Ísland staðið fremst í heilsutækni? Arna Harðardóttir skrifar Skoðun Slæm innivist skerðir afköst og hækkar kostnað Ingibjörg Magnúsdóttir skrifar Skoðun Sólheimar í Grímsnesi – að gefnu tilefni Páll Sævar Garðarsson,Sigurður Örn Guðbjörnsson skrifar Skoðun Framtíð Íslands: Frá áli til gervigreindar – Tækifæri fimmtu iðnbyltingarinnar Sigvaldi Einarsson skrifar Skoðun Eiga foreldrar í háskólanámi raunverulega jafnan aðgang að námi? Hrund Steinsdóttir skrifar Skoðun Fjármál framhaldsskóla Róbert Ferdinandsson skrifar Skoðun Mikilvægi lágþröskulda þjónustu fyrir geðheilbrigði ungs fólks Eva Rós Ólafsdóttir skrifar Skoðun Varhugaverð sjónarmið eða raunsæ leið? Eggert Sigurbergsson skrifar Sjá meira
Starfslýsing: Dagleg öflug hreyfing Regulegar og hollar máltíðir 7-8 klst. nætursvefn og viðhald góðrar andlegrar heilsu Vinnutími: Samkomulagsatriði. Því meiri vinna, því betri laun Laun: Betri líkamlegri og andlegri líðan Bónus: Þú verður hamingjusamari og virkari þú á öllum sviðum lífs þíns, einkalífi og vinnu. Ráðningartími: Til lífstíðar Uppsagnarfrestur EnginnÞessi atvinnuauglýsing hér að ofan hefur því miður aldrei birst í helgarblöðunum. Þetta er líka ekki raunveruleg atvinnuauglýsing þó vissulega væri það óskandi að við réðum okkur sjálf í vinnu til að huga vel að heilsu okkar. Flest okkar sinnum við hinni „alvöru“ vinnu okkar af mikilli kostgæfni og gefum oft 110% í hana og oft svo mikið að líkamleg og andleg heilsa okkar er farin að gjalda fyrir. Svefnleysi og stress er orðið vandamál vegna mikils álags í vinnu og þá er oft notað meira af kaffi, áfengi, svefn- og verkjalyfjum, sem eykur enn frekar á vandamálið. Þetta er orðin slæmur vítahringur í mikilli álagsvinnu og aðferðir sem virka skammt til að halda sér gangandi. Hvernig væri að við færum að sinna vinnunni fyrir „Þína heilsu ehf.“ ? Þó það væri ekki nema bara 10-20% starfshlutfall til að byrja með? Launin úr þessari vinnu þinni væru ekki feitir bankareikningar heldur hraustari, hamingjusamari og öflugri þú. Hvers vegna leggjum við mörg okkar líf og limi að veði fyrir atvinnuveitendur okkar með því að nærri kála okkur í vinnu? Ekkert okkar er ómissandi og það er fullt af fólki á kistubotni í kirkjugarði sem hélt að það væri ómissandi. Við þurfum jú flest að borga reikningana okkar um hver mánaðarmót og því mikilvægt að sinna vinnu sem skilar krónum í vasann. En reynum eins og við getum að láta ekki heilsu okkar gjalda fyrir það að ná þessum krónum í vasann. Notum líka eitthvað af þessum 365 dögum á ári til þess að sinna heilsuvinnunni okkar og ekki segjast ætla „að byrja á morgun“ eða „eftir helgi“, byrjaðu núna. Við berum ábyrgð á eigin heilsu alla ævi og ættum ekki að vera kærulaus með hana með því að huga illa að mataræðinu, hreyfingunni, sálinni eða svefninum. Ef við erum kærulaus með heilsuna okkar mun hún einn daginn segja okkur upp og senda okkur lóðbeint í gröfina eða á spítala. Heilbrigðiskerfið okkar á fullt í fangi með að sinna veikum einstaklingum þar sem við verðum sífellt eldri (en ekki endilega hraustari) og er því illa í stakk búið að sinna forvörnum. Það er því mikilvægt að við tökum ábyrgð sjálf á okkar heilsu og tryggjum þannig að við þurfum seinna á þjónustu heilbrigðiskerfisins að halda. Tryggingarfélögin auglýsa oft að við tryggjum ekki eftir á og eru þá að tala um steindauðar eignir s.s bílinn, húsið og innbúið eða þá bara dauðann sjálfann. Heilsan er okkar dýrmætasta eign sem við tryggjum best með því að huga vel að henni sem flesta daga ársins. Líftrygging hjá tryggingarfélagi er því miður ekki trygging fyrir heilsusamlegu lífi og þá tryggingu er ekki hægt að kaupa, heldur þarf maður að vinna fyrir henni. Hollar daglegar venjur eru grunnurinn að góðri heilsu, því við erum ekkert nema venjur okkar. Ef við erum með mikið af óheilsusamlegum venjum ættum við að reyna að breyta þeim smátt og smátt, einni í einu en ekki reyna að breyta öllu í einu. Það þarf reglu og staðfestu til að skapa góðar venjur. Gömlu „góðu“ venjurnar eru vissulega þægilegri, það er t.d. þægilegra að hlamma sér í sófann eftir erfiðan vinnudag en að fara út að ganga í slyddu eða rigningu, einnig er þægilegra að taka bara verkjatöflu í stað þess að minnka stress og fara t.d. í jóga eða hugleiðslu. En við höfum val hvern einasta dag, viljum við skammtíma vellíðan í sófanum eða viljum við langvarandi vellíðan með venjum sem krefjast smá elju frá okkur? Hér í lokin eru hugmyndir að góðum venjum til að tileinka sér að bættu mataræði, hreyfingu, svefni og sálarlífi flesta daga ársins: Mataræði – Hollur morgunmatur alla daga – 5-6 skammta af ávöxtum og grænmeti á dag – Ekkert matarkyns eftir kl.20 á kvöldin Hreyfing – Nýtum ferðir til og frá vinnu sem hreyfingu s.s. ganga, hjóla eða hlaupa – Hreyfum okkur fyrir kl.17 á virkum dögum, áður en við komum heim og leggjumst í sófann – Hreyfum okkur á vinnutíma s.s. nota stiga, standa reglulega upp, nota hækkanleg borð, ganga í hádeginu. Svefninn – Engin rafmagnstæki í svefnherberginu s.s. snjallsímar, spjaldtölvur og sjónvarp – Ekkert kaffi eftir kl.16 – Förum snemma í háttinn (kl. 22-23) Sálarlífið – Horfum á björtu hliðar lífsins og brosum mikið – Tölum okkur upp en ekki niður, verum besti vinur okkar – Vertu í núinu – Lífið er núna Höfundur er næringarfræðingur Heilsustofnunar
Uppgjöf Reykjavíkurborgar í leikskólamálum Finnbjörn A. Hermannsson,Sonja Ýr Þorbergsdóttir Skoðun
Kópavogsmódelið – sveigjanleiki á pappír, en álag á foreldrar í raun og veru Örn Arnarson Skoðun
Skoðun Kópavogsmódelið – sveigjanleiki á pappír, en álag á foreldrar í raun og veru Örn Arnarson skrifar
Skoðun Uppgjöf Reykjavíkurborgar í leikskólamálum Finnbjörn A. Hermannsson,Sonja Ýr Þorbergsdóttir skrifar
Skoðun Borgarhönnunarstefna, sú fyrsta sinnar tegundar í Reykjavík Dóra Björt Guðjónsdóttir skrifar
Skoðun Sólheimar í Grímsnesi – að gefnu tilefni Páll Sævar Garðarsson,Sigurður Örn Guðbjörnsson skrifar
Skoðun Framtíð Íslands: Frá áli til gervigreindar – Tækifæri fimmtu iðnbyltingarinnar Sigvaldi Einarsson skrifar
Skoðun Eiga foreldrar í háskólanámi raunverulega jafnan aðgang að námi? Hrund Steinsdóttir skrifar
Uppgjöf Reykjavíkurborgar í leikskólamálum Finnbjörn A. Hermannsson,Sonja Ýr Þorbergsdóttir Skoðun
Kópavogsmódelið – sveigjanleiki á pappír, en álag á foreldrar í raun og veru Örn Arnarson Skoðun