Kiko Casilla, markvörður Leeds United, er á leið í langt bann fyrir kynþáttaníð.
Casilla var sakaður um að hafa beitt Jonathan Leko kynþáttaníði í leik Leeds og Charlton Athletic í ensku B-deildinni í september.
Enska knattspyrnusambandið hefur lokið rannsókn sinni á málinu og úrskurður þess verður gerður opinber á miðvikudaginn.
Enskir fjölmiðlar greina frá því að Casilla fái 8-12 leikja bann. Svo gæti því farið að Spánverjinn spili ekki aftur með Leeds fyrr en á næsta ári.
Casilla hefur leikið alla deildarleiki Leeds á tímabilinu. Hann kom til liðsins frá Real Madrid í janúar. Hann hefur leikið einn landsleik fyrir Spán.
Markvörður Leeds á leið í langt bann fyrir kynþáttaníð
