Lögðu hald á áfengi og fjármuni í vélhjólaklúbbi

Lögreglan á höfuðborgarsvæðinu hafði í gærkvöld afskipti af samkvæmi á vegum vélhjólaklúbbs í húsi í Hafnarfirði. Lagt var hald á áfengi og fjármuni.

Lögregla telur að fjármunirnir séu tilkomnir vegna ólöglegrar sölu áfengis. Enginn var handtekinn í aðgerðum lögreglunnar í gær en vélhjólaklúbburinn sem um ræðir er talinn hafa tengingu við erlenda vélhjólaklúbba sem skilgreindir hafa verið sem brotahópar.

Afskiptin lögreglu af vélhjólaklúbbnum eru liður í aðgerðum og eftirliti lögreglu með skipulagðri brotastarfsemi, að því er segir í tilkynningu frá lögreglunni.