Guðjón Hreinn hélt velli eftir formannsslag

Guðjón Hreinn Hauksson bar sigur úr býtum í formannskjöri Félags framhaldsskólakennara. Guðjón hlaut 660 atkvæði eða 74,83%. Tveir voru í framboði.

Annars vegar Guðjón Hreinn Hauksson, starfandi formaður FF og framhaldsskólakennari við MA, og hins vegar Gunnar Hólmsteinn Ársælsson, framhaldsskólakennari í FG.

Atkvæði féllu þannig:

Guðjón Hreinn Hauksson hlaut 660 atkvæði eða 74,83%

Gunnar Hólmsteinn Ársælsson hlaut 181 atkvæði eða 20,52%

Auðir seðlar voru 41 eða 4,65%

Á kjörskrá voru 1.763 og greiddu 882 atkvæði eða 50%.

„Guðjón Hreinn Hauksson er því réttkjörinn formaður Félags framhaldsskólakennara fram að næsta reglulega aðalfundi FF sem verður haldinn árið 2022,“ segir í tilkynningu frá félaginu.

Formannskjörið var rafrænt og fór fram dagana 17. til 23. september 2019.