Maradona hundeltur af auglýsingaskilti | Myndband

Diego Maradona er byrjaður að þjálfa lið Gimnasia í heimalandinu og eins og við var að búast er hann strax farinn að slá í gegn.

Hans lið tapaði fyrsta leiknum undir hans stjórn, 2-1 gegn Racing Club, og eðlilega var þungt í goðsögninni eftir leik.

Diego Maradona faz até o banner andar.

(via @Ernestou) pic.twitter.com/0JOfmvzbgz

— Sem Firulas (@sem_firulas) September 15, 2019

Í viðtali eftir leik vildi Maradona ekki standa kyrr. Hann fór að labba í viðtalinu og þá voru góð ráð dýr því auglýsendur þurftu að fá sitt.

Starfsmaður Racing labbaði því á eftir Maradona með auglýsingaskilti félagsins og var stórkostlegt að fylgjast með honum kíkja og athuga hvort hann væri ekki örugglega á réttum stað.

Svona hlutir gerast bara hjá Maradona.