Fékk í magann þegar hann horfði á eftir syni sínum fara yfir Miklubrautina Kolbeinn Tumi Daðason skrifar 5. september 2019 11:58 Ungur sonur Björns Hákons Sveinssonar hafði tjáð pabba sínum að það væri erfitt að fara yfir Miklubrautina við Lönguhlíð á leið í skólann. Björn Hákon ákvað því að horfa á eftir syni sínum á hjólinu yfir götuna og sá fólksbíl ekið í veg fyrir hann á grænu gönguljósi. Hann náði augnablikinu á myndband. Átakið Göngum í skólann stendur yfir þessa dagana þar sem börn eru hvött til að láta ekki skutla sér í skólann. „Hann var búinn að segja mér frá því að það væri erfitt að fara yfir götuna svo ég ákvað að fara í humátt eftir honum. Svo var þetta nákvæmlega eins og hann var búinn að lýsa,“ segir Björn Hákon Sveinsson. „Eins og gefur að skilja fær maður algjörlega í magann.“Björn Hákon Sveinsson er formaður Samtaka um bíllausan lífsstíl.FBL/Anton BrinkEins og sjá má á myndbandinu efst í fréttinni beygir bíll, sem ekið er úr Lönguhlíð í suður austur yfir Miklubraut þegar grænt gönguljós er komið fyrir son Björns Hákons. Sá ungi er greinilega meðvitaður um hættuna, leyfir bílnum að aka áður en hann heldur áfram yfir götuna. „Það má í rauninni segja að þetta sé sök þeirra sem koma beint yfir Lönguhlíðina, halda svo lengi áfram að ökumaður bílsins á ekki möguleika á að fara yfir,“ segir Björn Hákon. Þetta sé erfitt við að eiga en það sé hans mat að öryggi hjólandi og gangandi eigi að vega meira en þeirra sem aka bílum. Björn Hákon er formaður Samtaka um bíllausan lífstíl.Gæti neyðst til að eggja bílana Björn Hákon birti myndbandið á Twitter og spurði lögreglu og Vegagerðina út í þessi gatnamót. Hvort ekki stæði til að setja upp beygjuljós fyrir þá sem aka Lönguhlíðina, áður en stórslys verður. Þá mætti lögregla sekta ökumenn þarna til að hafa áhrif á hegðun þeirra. Ef ekki neyðist hann til að mæta með eggjabakka og henda í bíla þessa fólks sem skapi hættuna. „Þessi mál eru stöðugt til skoðunar, hér mætti setja upp gul viðvörunarljós til ökumanna, síðan eru undirgöng hinumegin og því mætti líka skoða að einfaldlega leggja af gönguleiðina þarna yfir. En horfa þarf til afkastagetu gatnamótanna hér sem annarsstaðar,“ segir í svari Vegagerðarinnar á Twitter. Björn Hákon segir undirgöngin enga lausn fyrir hjólandi og fólk með barnavagn. Auk þess þyrfti sonur hans þá að fara í tvígang yfir gönguljós á Lönguhlíð auk þess að halda á hjólinu sínu upp og niður tröppuna. Hann minnir á að alvarlegt slys hafi orðið í vetur þegar ökumaður, sem beygði af Miklubraut norður Lönguhlíð, ók niður barn. Fleiri slys hafa orðið á sömu gatnamótum, til dæmis árið 2011 og árið 2014. Þessi mál eru stöðugt til skoðunar, hér mætti setja upp gul viðvörunarljós til ökumanna, síðan eru undirgöng hinumegin og því mætti líka skoða að einfaldlega leggja af gönguleiðina þarna yfir. En horfa þarf til afkastagetu gatnamótanna hér sem annarsstaðar.— Vegagerðin | Iceland Roads (@Vegagerdin) September 5, 2019 Fljótlegasta lausnin að mati Björns Hákons sé að setja beygjuljós á Lönguhlíðina. Annars mætti horfa til þess, sem stungið hafi verið upp á á gatnamótum Hofsvallagötu og Hringbrautar, að hækka gatnamótin. Þá þurfi bílar að hægja á sér. „Í þessu tilfelli í morgun hefði ökumaðurinn þá verið að koma niður af eins konar hraðahindrun, væri á 5-10 kílómetra hraða og hefði þá væntanlega stoppað fyrir barninu.“ Þessi lausn sé víða notuð og unnið með í borgum í löndunum í kringum okkur. Að lyfta gatnamótum rati inn í hönnunarstaðla víða.Samgöngupýramídinn sem Reykjavíkurborg hefur samþykkt.Þá minnir Björn Hákon á að þessa dagana séu líklega fleiri börn gangandi eða hjólandi en venjulega vegna átaksins Göngum í skólann. Sigurborg Ósk Haraldsdóttir, formaður umhverfis- og skipulagssviðs Reykjavíkurborgar, segir umferðarmenninguna í Reykjavík ekki í lagi. „Öll börn eiga að geta gengið og hjólað örugg í skólann. Öll börn,“ segir Sigurborg á Twitter. Björn Hákon minnir á að nýlega samþykkti Reykjavíkurborg að breyta forgangsröðun umferðar í allri hönnun og endurhönnun hjá sér, samkvæmt samgöngupýramídanum sem sést hér að ofan. „En þar sem yfirráð borgar og Vegagerðar skarast virðist oft allt vera stopp og litlar úrbætur í boði.“Umferðarmenningin í okkar borg er ekki í lagi. Öll börn eiga að geta gengið og hjólað örugg í skólann. Öll börn. https://t.co/q6an9XQ1Oz— Sigurborg Ósk Haraldsdóttir (@SigurborgOsk) September 5, 2019 Börn og uppeldi Hjólreiðar Reykjavík Samgöngur Skipulag Umferðaröryggi Mest lesið Veðurvaktin: Snjókoman rétt að byrja og víða erfið færð Veður Snjókoman rétt að byrja Innlent Ungur Miðflokksmaður gengst við rasisma og segir af sér Innlent Bílar út af veginum á Reykjanesbraut Innlent Ráðgjafinn ráðinn í tímabundið starf eftir dýra skreppitúra Innlent Eldur í blokk við Ljósheima Innlent Flugmaðurinn sem fórst millilenti oft í Reykjavík Innlent Skvísur geti virkað sem hálfgerðir þroskaþjófar Innlent Játar að hafa myrt Shinzo Abe Erlent Viðbragðsaðilar í mikilli hættu vegna bíla á sumardekkjum Innlent Fleiri fréttir Hvatt til varúðar vegna snjóflóðahættu á suðvesturhorninu Meiri kvika en í síðasta gosi Eldur í blokk við Ljósheima Flugmaðurinn sem fórst millilenti oft í Reykjavík Halla leiðir krabbameinsráð ráðherra Snjókomumet og umferðaröngþveiti Segir sameiginlegum gildum Norðurlanda ógnað Fjölmargir farþegar fastir í flugvélum á Keflavíkurflugvelli Ungur Miðflokksmaður gengst við rasisma og segir af sér Sturlað ástand og United vettlingar prjónaðir í bílnum Mesta snjódýpt í Reykjavík sem mælst hefur í október Viðbragðsaðilar í mikilli hættu vegna bíla á sumardekkjum Bílar út af veginum á Reykjanesbraut Vill heimila Samkeppniseftirlitinu að ráðast í húsleitir Snjókoman rétt að byrja Píratar berjist gegn „rísandi bylgju lýðskrums og fasisma“ Skvísur geti virkað sem hálfgerðir þroskaþjófar Ráðgjafinn ráðinn í tímabundið starf eftir dýra skreppitúra Misvægi atkvæða bitnar mest á Kraganum Heitavatnslaust á Suðurnesjum og rafmagnslaust víða um land Skreppiferðir í Jysk meðal þess sem ráðgjafi rukkaði fyrir „Ég tel ekki tilefni til að íhuga stöðu mína“ Áhyggjur af lánaframboði og ógnarlangar biðraðir Vara við ferðum á Fagradalsfjall þar sem aðstæður geti orðið hættulegar Kristmundur verður lögreglustjóri á Austurlandi „Vonandi klárast þetta á morgun“ Sá látni var á rjúpnaveiðum þegar hann varð fyrir voðaskotinu Kvartanir mannsins um ómannúðlega meðferð áður til skoðunar hjá NEL Ungi ökumaðurinn á Ísafirði úr lífshættu Nefnd SÞ gegn pyndingum skráir erindi hælisleitenda sem vísað var frá Íslandi Sjá meira
Ungur sonur Björns Hákons Sveinssonar hafði tjáð pabba sínum að það væri erfitt að fara yfir Miklubrautina við Lönguhlíð á leið í skólann. Björn Hákon ákvað því að horfa á eftir syni sínum á hjólinu yfir götuna og sá fólksbíl ekið í veg fyrir hann á grænu gönguljósi. Hann náði augnablikinu á myndband. Átakið Göngum í skólann stendur yfir þessa dagana þar sem börn eru hvött til að láta ekki skutla sér í skólann. „Hann var búinn að segja mér frá því að það væri erfitt að fara yfir götuna svo ég ákvað að fara í humátt eftir honum. Svo var þetta nákvæmlega eins og hann var búinn að lýsa,“ segir Björn Hákon Sveinsson. „Eins og gefur að skilja fær maður algjörlega í magann.“Björn Hákon Sveinsson er formaður Samtaka um bíllausan lífsstíl.FBL/Anton BrinkEins og sjá má á myndbandinu efst í fréttinni beygir bíll, sem ekið er úr Lönguhlíð í suður austur yfir Miklubraut þegar grænt gönguljós er komið fyrir son Björns Hákons. Sá ungi er greinilega meðvitaður um hættuna, leyfir bílnum að aka áður en hann heldur áfram yfir götuna. „Það má í rauninni segja að þetta sé sök þeirra sem koma beint yfir Lönguhlíðina, halda svo lengi áfram að ökumaður bílsins á ekki möguleika á að fara yfir,“ segir Björn Hákon. Þetta sé erfitt við að eiga en það sé hans mat að öryggi hjólandi og gangandi eigi að vega meira en þeirra sem aka bílum. Björn Hákon er formaður Samtaka um bíllausan lífstíl.Gæti neyðst til að eggja bílana Björn Hákon birti myndbandið á Twitter og spurði lögreglu og Vegagerðina út í þessi gatnamót. Hvort ekki stæði til að setja upp beygjuljós fyrir þá sem aka Lönguhlíðina, áður en stórslys verður. Þá mætti lögregla sekta ökumenn þarna til að hafa áhrif á hegðun þeirra. Ef ekki neyðist hann til að mæta með eggjabakka og henda í bíla þessa fólks sem skapi hættuna. „Þessi mál eru stöðugt til skoðunar, hér mætti setja upp gul viðvörunarljós til ökumanna, síðan eru undirgöng hinumegin og því mætti líka skoða að einfaldlega leggja af gönguleiðina þarna yfir. En horfa þarf til afkastagetu gatnamótanna hér sem annarsstaðar,“ segir í svari Vegagerðarinnar á Twitter. Björn Hákon segir undirgöngin enga lausn fyrir hjólandi og fólk með barnavagn. Auk þess þyrfti sonur hans þá að fara í tvígang yfir gönguljós á Lönguhlíð auk þess að halda á hjólinu sínu upp og niður tröppuna. Hann minnir á að alvarlegt slys hafi orðið í vetur þegar ökumaður, sem beygði af Miklubraut norður Lönguhlíð, ók niður barn. Fleiri slys hafa orðið á sömu gatnamótum, til dæmis árið 2011 og árið 2014. Þessi mál eru stöðugt til skoðunar, hér mætti setja upp gul viðvörunarljós til ökumanna, síðan eru undirgöng hinumegin og því mætti líka skoða að einfaldlega leggja af gönguleiðina þarna yfir. En horfa þarf til afkastagetu gatnamótanna hér sem annarsstaðar.— Vegagerðin | Iceland Roads (@Vegagerdin) September 5, 2019 Fljótlegasta lausnin að mati Björns Hákons sé að setja beygjuljós á Lönguhlíðina. Annars mætti horfa til þess, sem stungið hafi verið upp á á gatnamótum Hofsvallagötu og Hringbrautar, að hækka gatnamótin. Þá þurfi bílar að hægja á sér. „Í þessu tilfelli í morgun hefði ökumaðurinn þá verið að koma niður af eins konar hraðahindrun, væri á 5-10 kílómetra hraða og hefði þá væntanlega stoppað fyrir barninu.“ Þessi lausn sé víða notuð og unnið með í borgum í löndunum í kringum okkur. Að lyfta gatnamótum rati inn í hönnunarstaðla víða.Samgöngupýramídinn sem Reykjavíkurborg hefur samþykkt.Þá minnir Björn Hákon á að þessa dagana séu líklega fleiri börn gangandi eða hjólandi en venjulega vegna átaksins Göngum í skólann. Sigurborg Ósk Haraldsdóttir, formaður umhverfis- og skipulagssviðs Reykjavíkurborgar, segir umferðarmenninguna í Reykjavík ekki í lagi. „Öll börn eiga að geta gengið og hjólað örugg í skólann. Öll börn,“ segir Sigurborg á Twitter. Björn Hákon minnir á að nýlega samþykkti Reykjavíkurborg að breyta forgangsröðun umferðar í allri hönnun og endurhönnun hjá sér, samkvæmt samgöngupýramídanum sem sést hér að ofan. „En þar sem yfirráð borgar og Vegagerðar skarast virðist oft allt vera stopp og litlar úrbætur í boði.“Umferðarmenningin í okkar borg er ekki í lagi. Öll börn eiga að geta gengið og hjólað örugg í skólann. Öll börn. https://t.co/q6an9XQ1Oz— Sigurborg Ósk Haraldsdóttir (@SigurborgOsk) September 5, 2019
Börn og uppeldi Hjólreiðar Reykjavík Samgöngur Skipulag Umferðaröryggi Mest lesið Veðurvaktin: Snjókoman rétt að byrja og víða erfið færð Veður Snjókoman rétt að byrja Innlent Ungur Miðflokksmaður gengst við rasisma og segir af sér Innlent Bílar út af veginum á Reykjanesbraut Innlent Ráðgjafinn ráðinn í tímabundið starf eftir dýra skreppitúra Innlent Eldur í blokk við Ljósheima Innlent Flugmaðurinn sem fórst millilenti oft í Reykjavík Innlent Skvísur geti virkað sem hálfgerðir þroskaþjófar Innlent Játar að hafa myrt Shinzo Abe Erlent Viðbragðsaðilar í mikilli hættu vegna bíla á sumardekkjum Innlent Fleiri fréttir Hvatt til varúðar vegna snjóflóðahættu á suðvesturhorninu Meiri kvika en í síðasta gosi Eldur í blokk við Ljósheima Flugmaðurinn sem fórst millilenti oft í Reykjavík Halla leiðir krabbameinsráð ráðherra Snjókomumet og umferðaröngþveiti Segir sameiginlegum gildum Norðurlanda ógnað Fjölmargir farþegar fastir í flugvélum á Keflavíkurflugvelli Ungur Miðflokksmaður gengst við rasisma og segir af sér Sturlað ástand og United vettlingar prjónaðir í bílnum Mesta snjódýpt í Reykjavík sem mælst hefur í október Viðbragðsaðilar í mikilli hættu vegna bíla á sumardekkjum Bílar út af veginum á Reykjanesbraut Vill heimila Samkeppniseftirlitinu að ráðast í húsleitir Snjókoman rétt að byrja Píratar berjist gegn „rísandi bylgju lýðskrums og fasisma“ Skvísur geti virkað sem hálfgerðir þroskaþjófar Ráðgjafinn ráðinn í tímabundið starf eftir dýra skreppitúra Misvægi atkvæða bitnar mest á Kraganum Heitavatnslaust á Suðurnesjum og rafmagnslaust víða um land Skreppiferðir í Jysk meðal þess sem ráðgjafi rukkaði fyrir „Ég tel ekki tilefni til að íhuga stöðu mína“ Áhyggjur af lánaframboði og ógnarlangar biðraðir Vara við ferðum á Fagradalsfjall þar sem aðstæður geti orðið hættulegar Kristmundur verður lögreglustjóri á Austurlandi „Vonandi klárast þetta á morgun“ Sá látni var á rjúpnaveiðum þegar hann varð fyrir voðaskotinu Kvartanir mannsins um ómannúðlega meðferð áður til skoðunar hjá NEL Ungi ökumaðurinn á Ísafirði úr lífshættu Nefnd SÞ gegn pyndingum skráir erindi hælisleitenda sem vísað var frá Íslandi Sjá meira