Kaupa fyrir átta milljarða króna í Brimi

Útgerðarfélag Reykjavíkur hefur keypt 196,5 milljóna króna hlut FISK Seafood eignarhaldsfélags í Brimi hf. Um er að ræða um tíu prósent af heildarhlutafé félagsins. Svo segir í fréttatilkynningu.

Þar segir að miðað sé við 40,4 krónu verð á hlut í Brimi.

„Rétt er að taka fram að ÚR stefnir að því að hlutur þess af heildarhlutafé Brims hf. verði undir helmingi til frambúðar,“ segir í tilkynningu.

Útgerðarfélag Reykjavíkur á nú 48,44 prósenta hlut í Brimi. Nafni HB Granda var breytt í Brim um miðjan síðasta mánuð.