Óskar Hrafn ráðinn samskiptastjóri VÍS

Óskar Hrafn Þorvaldsson hefur verið ráðinn samskiptastjóri VÍS. Hann tekur við starfinu af Andra Ólafssyni sem hverfur til starfa á öðrum vettvangi.

Í tilkynningu frá félaginu kemur fram að Óskar Hrafn hafi áralanga reynslu af fjölmiðlum. Hafi hann meðal annars gegnt starfi fréttastjóra á Stöð 2, Vísi og DV.

„Hann var um tíma yfirmaður Stöðvar 2 Sport en hefur að mestu unnið sjálfstætt sem ráðgjafi undanfarin misseri.

Hjá VÍS mun Óskar Hrafn stýra miðlun upplýsinga til fjölmiðla og markaðsaðila. Til viðbótar mun hann bera ábyrgð á mótun ófjárhagslegrar upplýsingagjafar og samfélagsábyrgð félagsins. 

Hann mun hefja störf í byrjun apríl,“ segir í tilkynningunni.