Ómerkt súlfít í sítrónu- og límónusafa

Matvælastofnun varar neytendur með ofnæmi fyrir súlfít við neyslu á ákveðnum lotum af Piacelli sítrónusafa og límónusafa. Safarnir innihalda ofnæmisvaldinn súlfít án þess að það komi fram á merkingum.

Samkaup hafa innkallað vörurnar af markaði í samráði við Heilbrigðiseftirlit Suðurnesja. Matvælastofnun bárust upplýsingar um vörurnar í gegnum RASFF hraðviðvörunarkerfi Evrópu um matvæli og fóður. Innköllunin á eingöngu við um eftirfarandi framleiðslulotur:

• Vöruheiti: „Piacelli Citrilemon“ og „Piacelli Citrilemon Green“

• Vörumerki: Piacelli

• Nettórúmmál: 200 ml

• Strikamerki: 9002859026270/9002859018800

• Sölu- og dreifingaraðili: Samkaup, Krossmóa 4, 230 Reykjanesbæ

• Best fyrir merking: Allar

• Umbúðir: Plastflöskur

• Geymsluskilyrði: Þurrvara

• Dreifing: Verslanir Nettó, Kjörbúðarinnar, Krambúðarinnar, Iceland, Háskólabúðin, Samkaup Strax og Seljakjör

Neytendum með ofnæmi fyrir súlfít er ráðlagt að farga vörunni eða skila henni til viðkomandi verslunar.