Áður óþekktur hópur sem kallar sig „National Movement of Soldiers in T-Shirts“ hefur lýst yfir ábyrgð á drónaárásinni á forseta Venesúela, Nicolas Maduro.
Maduro slapp ómeiddur þegar sprengjur, sem fluttar voru með dróna, sprungu þar sem hann var að flytja ræðu utandyra í höfuðborginni Caracas. Yfirvöld Venesúela hafa lýst því yfir að um misheppnaða morðtilraun sé að ræða.
Sjá einnig: Maduro slapp undan drónaárás
Hópurinn var stofnaður árið 2014 með það að markmiði að sameina alla andstöðuhópa Venesúela og er skipaður af bæði hermönnum og óbreyttum borgurum.
Á samfélagsmiðlum segir hópurinn frá því að planið hafi verið að fljúga tvemur drónum með sprengiefnum í átt að forsetanum, en einn þeirra hafi verið skotinn niður með riffli.
Maduro sjálfur hefur ásakað forseta Kolumbíu Juan Manuel Santos um að bera ábyrgð á morðtilrauninni, án þess að útskýra það neitt frekar eða færa fram sönnunargögn fyrir því.
Lýsa yfir ábyrgð á tilræðinu á hendur Maduro
Tengdar fréttir
Maduro slapp undan drónaárás
Forseti Venesúela var að halda ræðu, sem sýnd var í beinni útsendingu, þegar sprengja sprakk.
Trump spurði hvers vegna hann gæti ekki ráðist inn í Venesúela
Ráðgjafar Bandaríkjaforseta reyndu að gera honum ljóst að hernaðaríhlutun væri slæm hugmynd. Forsetinn hafði ítrekað orð á henni síðasta sumar og haust.
