Sjáðu 64 sendinga sókn Valsmanna | Myndband

Valur sýndi á sér sparihliðarnar í upphafi leiks gegn ÍBV í 6. umferð Pepsi-deildarinnar á sunnudaginn.

Valsmenn komust yfir strax á 4. mínútu og réðu lögum og lofum á vellinum eftir það.

Þeir áttu m.a. eina maraþonsókn sem stóð í tæpar þrjár mínútur. Valsmenn gáfu 64 sendingar og allir útileikmenn liðsins snertu boltann.

Sóknin hefði verðskuldað að enda með marki en skot Andra Adolphssonar fór rétt framhjá marki ÍBV.

Strákarnir í Pepsi-mörkunum fóru yfir þessa mögnuðu Valssókn en innslagið má sjá í spilaranum hér að ofan.