Yfirvöld í Massachusettes-fylki hafa staðfest að ekki sé vafi á því að Aaron Hernandez hafi svipt sig lífi. Lögfræðingar hans höfðu lýst yfir efasemdum um að það væri satt.
Yfirvöld hafa líka staðfest að Hernandez hafi skilið eftir þrjú bréf við hlið biblíu í klefa sínum.
Hann á líka að hafa skrifað „John 3:16“ á enni sitt en það er tilvísun í biblíuversið „Því svo elskaði Guð heiminn, að hann gaf son sinn eingetinn, til þess að hver sem á hann trúir glatist ekki, heldur hafi eilíft líf.“
Engin merki voru um átök í klefa fyrrum NFL-stjörnunnar. Hann var læstur inni í klefa sínum klukkan átta um kvöldið og fannst þrjú um nóttina. Þá var hann búinn að hengja sig.
Fjölskylda Hernandez fór svo fram á að heili Hernandez yrði gefinn til rannsókna. CTE hefur fundist í heilum margra fyrrum NFL-leikmanna en það veldur heilabilun.
Yfirvöld staðfesta sjálfsvíg | Heili Hernandez gefinn til rannsóknar
Tengdar fréttir
Efast um að Hernandez hafi fyrirfarið sér
Tveir einstaklingar nátengdir Aaron Hernandez neita að trúa því að fyrrum NFL-stjarnan hafi svipt sig lífi í gær.
Hernandez svipti sig lífi
Fyrrum NFL-leikmaðurinn Aaron Hernandez er látinn en hann fyrirfór sér í fangelsi í Massachusettes í nótt.
Þegar Hernandez sá dóttur sína í síðasta sinn
Það er aðeins vika síðan dæmdi morðinginn Aaron Hernandez sá fjögurra ára dóttur sína. Það var í síðasta skiptið sem þau hittust.
