Siggi Matt skeiðkóngur Meistaradeildar

Hraði og adrenalín einkenndi keppni í flugskeiði á lokakvöldi Meistaradeildar Cintamani í hestaíþróttum í Samskipahöllinni í gærkvöldi. Skeiðkappinn Sigurður V. Matthíasson tefldi fram hinum öskufljóta Létti frá Eiríksstöðum, fóru þeir brautina á 5.61 sekúndu og unnu þeir kappreiðarnar með 0.01 sekúndna mun. Minna gat það ekki verið.

Sigurður var að vonum kampkátur í Ferrari lukkupeysunni sinni þegar niðurstaðan lá fyrir.

Í öðru sæti varð Árni Björn Pálsson á Skykkju frá Breiðholti í Flóa sem fór á tímanum 5.62 sekúndu og í þriðja sæti varð Þórarinn Ragnarsson á Hákoni frá Sámsstöðum sem rann brautina 5.66 á sekúndum.

Sýnt var frá Meistaradeild Cintamani í beinni útsendingu á Stöð 2 sport og má sjá valin augnablik frá lokakvöldinu á meðfylgjandi myndskeiði.

Tíu bestu tímarnir i flugskeiði í Meistaradeild Cintamani í hestaíþróttum 2017 voru eftirfarandi (sýndur tími í sekúndum, fyrri sprettur og seinni sprettur):

1 Sigurður Vignir Matthíasson Léttir frá Eiríksstöðum 5.79 5.61

2 Árni Björn Pálsson Skykkja frá Breiðholti í Flóa 5.62 0.00

3 Þórarinn Ragnarsson Hákon frá Sámsstöðum 5.83 5.66

4 Guðmundur F. Björgvinsson Glúmur frá Þóroddsstöðum 5.67 0.00

5 Helga Una Björnsdóttir Besti frá Upphafi 0.00 5.71

6 Bergur Jónsson Segull frá Halldórsstöðum 5.80 5.72

7 Hans Þór Hilmarsson Assa frá Bjarnarhöfn 5.85 5.74

8 Ragnar Tómasson Isabel frá Forsæti 5.78 5.75

9 Konráð Valur Sveinsson Kjarkur frá Árbæjarhjáleigu I 5.78 0.00

10 Teitur Árnason Ör frá Eyri Top Reiter 5.80 0.00

Niðurstöður A-úrslita í tölti voru eftirfarandi:

1 Bergur Jónsson Katla frá Ketilsstöðum 8.83 

2 Jakob Svavar Sigurðsson Gloría frá Skúfslæk 8.78 

3 Guðmundur Friðrik Björgvinsson Straumur frá Feti 8.61 

4 Ásmundur Ernir Snorrason Spölur frá Njarðvík 8.39 

5 Árni Björn Pálsson Skíma frá Kvistum 8.28 

6 Viðar Ingólfsson Pixi frá Mið-Fossum 7.89

Einstaklingskeppni Meistaradeildar í hestaíþróttum 2017

1. Bergur Jónsson 45 stig

2. Árni Björn Pálsson 45 stig

3. Jakob S. Sigurðsson 43.5 stig