Nýr heimur fyrir Heimi í Zagreb Óskar Ófeigur Jónsson skrifar 10. nóvember 2016 06:00 Viðar Örn Kjartansson. Vísir/Getty Byrjunarlið íslenska fótboltalandsliðsins hefur verið í föstum skorðun undanfarin ár og að flestra mati hefur stór ástæða fyrir velgengni íslenska liðsins verið að lítið er um breytingar og leikmenn liðsins þekkja hver annan og sitt hlutverk betur en flestir. Það hafa vissulega komið upp forföll vegna meiðsla og leikbanna en þegar allir eru klárir er það á hreinu hverjir skipa byrjunarlið íslenska liðsins. Framherjastöðurnar eru þar engin undantekning en nú er komin upp óvissustaða fyrir leikinn á móti Króötum í Zagreb á laugardaginn. Liðið hefur samt verið heppið með meiðsli fram að þessari undankeppni og stefna Lars sá til þess að strákarnir hættu að fá klaufaleg spjöld í undankeppni EM 2016. Leikbönnin voru því sjaldgæf í síðustu undankeppni.Hjörvar vill sjá Viðar Örn Hjörvar Hafliðason, knattspyrnuspekingur 365 miðla, fór yfir möguleika Heimis í kvöldfréttum Stöðvar 2. Hans skoðun er að Viðar Örn Kjartansson eigi að koma inn í byrjunarliðið með Jóni Daða og Selfyssingar tveir eigi þar með að sjá um sóknina í þessum toppslag í riðlinum. En treystir Heimir Viðari fyrir slíku hlutverki? Viðar hefur verið í kringum landsliðið í nokkur ár en hann hefur aldrei byrjað mótsleik, var ekki valinn í EM-hópinn og hefur aðeins spilað samanlagt rúman hálfleik í keppnisleikjum. Það væri eðlislegast að Viðar kæmi inn í liðið en Heimir gæti einnig dustað rykið af lausnum liðsins fyrir nokkrum árum. Þegar Heimir var aðstoðarmaður Lars Lagerbäck í undankeppni HM 2014 var lausnin oft að færa Gylfa Þór Sigurðsson, Birki Bjarnason eða Jóhann Berg Guðmundsson af miðjunni og í framlínuna. Eftir frábæra innkomu Jóns Daða Böðvarssonar í fyrsta leik undankeppni EM 2016 breyttist það útspil þeirra og í staðinn voru þeir Kolbeinn Sigþórsson og Jón Daði framherjapar númer eitt en Alfreð Finnbogason og Eiður Smári Guðjohnsen til vara. Eiður Smári Guðjohnsen kvaddi landsliðið á EM í Frakklandi í sumar og Kolbeinn Sigþórsson hefur ekkert verið með í þessari undankeppni vegna meiðsla. Fyrir vikið fékk Alfreð Finnbogason aftur alvöru tækifæri í framlínunni. Alfreð nýtti það tækifæri eins og sannur markaskorari og er búinn að skora í þremur fyrstu leikjum Íslands í undankeppni HM 2018. Kolbeinn er enn meiddur og nú hefur Alfreð bæst við á meiðslalistann. Björn Bergmann Sigurðarson var kominn aftur inn í liðið í haust en varð líka að draga sig út úr hópnum vegna meiðsla.Vantar 3467 mínútur Eins og sjá má í töflunni hér til hliðar vantar liðið nú framherja sem hafa spilað samtals 3.467 mínútur í 30 keppnisleikjum íslenska liðsins frá og með undankeppni HM 2014. Jón Daði Böðvarsson og Viðar Örn Kjartansson eru einu framherjarnir sem hafa spilað á þessum tíma og þeir eiga bara samanlagt 1.204 mínútur í þessum 30 leikjum. Fram undan er lykilleikur fyrir landsliðið þegar topplið riðilsins mætast.Nýtt leikkerfi? Ísland hefur haldið fast í leikkerfið 4-4-2 undanfarin ár en nú þegar bestu framherjar íslenska liðsins eru forfallaðir þyrfti ekki að koma á óvart að Heimir fækkaði í framlínunni og fjölgaði á miðjunni. Liðið er að spila á útivelli á móti gríðarlega sterku króatísku liði og framundan eru margar mínútur án bolta í þessum leik. Það væri vissulega gaman fyrir Viðar að fá sitt fyrsta alvöru tækifæri en líklegra er að Jón Daði verði einn frammi á Maksimir-leikvanginum í Zagreb á laugardaginn kemur.Mínútur framherja Íslands(Í mótsleikjum frá september 2012)Með á móti Krótatíu - 1204 mínútur Jón Daði Böðvarsson 1153 Viðar Örn Kjartansson 51Ekki með á móti Króatíu - 3467 mínútur Kolbeinn Sigþórsson 1839 Alfreð Finnbogason 1007 Eiður Smári Guðjohnsen 518 Björn Bergmann Sigurðarson 103 - Gylfi Þór Sigurðsson, Birkir Bjarnason og Jóhann Berg Guðmundsson byrjuðu allir sem framherjar í leikjum í undankeppni HM 2014. Fótbolti Íslenski boltinn HM 2018 í Rússlandi Mest lesið Féll á lyfjaprófi á HM íslenska hestsins og missir silfur: „Eins og ég sé glæpamaður“ Sport Fantasýn: Bogi Nils þarf að vara sig og ekkert breyst hjá stjórnarformanni Play Enski boltinn „Þetta svíður mig mjög sárt“ Fótbolti Úr klefaleysi og snjómokstri í að taka við landsliði eða Blikum? Íslenski boltinn KR - Stjarnan | Titilvörnin hefst í Vesturbæ Körfubolti Lausanne - Breiðablik 3-0 | Enn stigalausir á stóra sviðinu Fótbolti Benedikt gefur Stjörnunni ráð: Alls ekki hringja í eldri bróðurinn Körfubolti Drónabannið í Danmörku skapar vandamál fyrir fótboltafélögin Fótbolti FIFA: Donald Trump ræður engu um það Fótbolti Utan vallar: Er FH að endurtaka stærstu mistök í sögu félagsins? Íslenski boltinn Fleiri fréttir Palace neitar að tapa „Örugglega enginn sem nennir að hlusta á það“ Lausanne - Breiðablik 3-0 | Enn stigalausir á stóra sviðinu Sævar Atli neitar að fara úr markaskónum Hákon Arnar skoraði sigurmarkið en Özer stal fyrirsögninni Gömlu United-mennirnir blómstruðu í Meistaradeildinni Gullboltahafinn ekki til Íslands Íranar mega ekki mæta á HM-dráttinn Þorsteinn fær annan aðstoðarmann frá Þrótti Pirraður yfir marki undir vegg: „Hann leggst bara í einhverja fósturstellingu“ Drónabannið í Danmörku skapar vandamál fyrir fótboltafélögin „Í DNA okkar Sunderland-manna að þola þennan mann ekki“ Utan vallar: Er FH að endurtaka stærstu mistök í sögu félagsins? „Eins og það sé ekkert sem hann hræðist“ FIFA: Donald Trump ræður engu um það Frammistaðan í deildinni skiptir engu máli í dag Sjáðu Meistaradeildarmörkin hjá manninum sem United gat ekki notað Sveindís Jane að missa góðan liðsfélaga: „Sakna þín strax“ „Þetta svíður mig mjög sárt“ Úr klefaleysi og snjómokstri í að taka við landsliði eða Blikum? Töpuðu fyrir Íslandi en ekki í Meistaradeildinni Baulað á Figo í Barcelona: „Portúgalinn er ekki velkominn hér“ Bjarni Jó kveður Selfoss Fantasýn: Bogi Nils þarf að vara sig og ekkert breyst hjá stjórnarformanni Play „Ótrúlega gaman að sjá þessa stelpu dafna“ De Bruyne lagði tvisvar upp fyrir Højlund Dier stal stigi af svekktum City mönnum Ödegaard lagði Skytturnar upp til sigurs Evrópumeistararnir með endurkomusigur gegn Barcelona Stjarnan - FH 3-4 | FH endurheimti annað sætið Sjá meira
Byrjunarlið íslenska fótboltalandsliðsins hefur verið í föstum skorðun undanfarin ár og að flestra mati hefur stór ástæða fyrir velgengni íslenska liðsins verið að lítið er um breytingar og leikmenn liðsins þekkja hver annan og sitt hlutverk betur en flestir. Það hafa vissulega komið upp forföll vegna meiðsla og leikbanna en þegar allir eru klárir er það á hreinu hverjir skipa byrjunarlið íslenska liðsins. Framherjastöðurnar eru þar engin undantekning en nú er komin upp óvissustaða fyrir leikinn á móti Króötum í Zagreb á laugardaginn. Liðið hefur samt verið heppið með meiðsli fram að þessari undankeppni og stefna Lars sá til þess að strákarnir hættu að fá klaufaleg spjöld í undankeppni EM 2016. Leikbönnin voru því sjaldgæf í síðustu undankeppni.Hjörvar vill sjá Viðar Örn Hjörvar Hafliðason, knattspyrnuspekingur 365 miðla, fór yfir möguleika Heimis í kvöldfréttum Stöðvar 2. Hans skoðun er að Viðar Örn Kjartansson eigi að koma inn í byrjunarliðið með Jóni Daða og Selfyssingar tveir eigi þar með að sjá um sóknina í þessum toppslag í riðlinum. En treystir Heimir Viðari fyrir slíku hlutverki? Viðar hefur verið í kringum landsliðið í nokkur ár en hann hefur aldrei byrjað mótsleik, var ekki valinn í EM-hópinn og hefur aðeins spilað samanlagt rúman hálfleik í keppnisleikjum. Það væri eðlislegast að Viðar kæmi inn í liðið en Heimir gæti einnig dustað rykið af lausnum liðsins fyrir nokkrum árum. Þegar Heimir var aðstoðarmaður Lars Lagerbäck í undankeppni HM 2014 var lausnin oft að færa Gylfa Þór Sigurðsson, Birki Bjarnason eða Jóhann Berg Guðmundsson af miðjunni og í framlínuna. Eftir frábæra innkomu Jóns Daða Böðvarssonar í fyrsta leik undankeppni EM 2016 breyttist það útspil þeirra og í staðinn voru þeir Kolbeinn Sigþórsson og Jón Daði framherjapar númer eitt en Alfreð Finnbogason og Eiður Smári Guðjohnsen til vara. Eiður Smári Guðjohnsen kvaddi landsliðið á EM í Frakklandi í sumar og Kolbeinn Sigþórsson hefur ekkert verið með í þessari undankeppni vegna meiðsla. Fyrir vikið fékk Alfreð Finnbogason aftur alvöru tækifæri í framlínunni. Alfreð nýtti það tækifæri eins og sannur markaskorari og er búinn að skora í þremur fyrstu leikjum Íslands í undankeppni HM 2018. Kolbeinn er enn meiddur og nú hefur Alfreð bæst við á meiðslalistann. Björn Bergmann Sigurðarson var kominn aftur inn í liðið í haust en varð líka að draga sig út úr hópnum vegna meiðsla.Vantar 3467 mínútur Eins og sjá má í töflunni hér til hliðar vantar liðið nú framherja sem hafa spilað samtals 3.467 mínútur í 30 keppnisleikjum íslenska liðsins frá og með undankeppni HM 2014. Jón Daði Böðvarsson og Viðar Örn Kjartansson eru einu framherjarnir sem hafa spilað á þessum tíma og þeir eiga bara samanlagt 1.204 mínútur í þessum 30 leikjum. Fram undan er lykilleikur fyrir landsliðið þegar topplið riðilsins mætast.Nýtt leikkerfi? Ísland hefur haldið fast í leikkerfið 4-4-2 undanfarin ár en nú þegar bestu framherjar íslenska liðsins eru forfallaðir þyrfti ekki að koma á óvart að Heimir fækkaði í framlínunni og fjölgaði á miðjunni. Liðið er að spila á útivelli á móti gríðarlega sterku króatísku liði og framundan eru margar mínútur án bolta í þessum leik. Það væri vissulega gaman fyrir Viðar að fá sitt fyrsta alvöru tækifæri en líklegra er að Jón Daði verði einn frammi á Maksimir-leikvanginum í Zagreb á laugardaginn kemur.Mínútur framherja Íslands(Í mótsleikjum frá september 2012)Með á móti Krótatíu - 1204 mínútur Jón Daði Böðvarsson 1153 Viðar Örn Kjartansson 51Ekki með á móti Króatíu - 3467 mínútur Kolbeinn Sigþórsson 1839 Alfreð Finnbogason 1007 Eiður Smári Guðjohnsen 518 Björn Bergmann Sigurðarson 103 - Gylfi Þór Sigurðsson, Birkir Bjarnason og Jóhann Berg Guðmundsson byrjuðu allir sem framherjar í leikjum í undankeppni HM 2014.
Fótbolti Íslenski boltinn HM 2018 í Rússlandi Mest lesið Féll á lyfjaprófi á HM íslenska hestsins og missir silfur: „Eins og ég sé glæpamaður“ Sport Fantasýn: Bogi Nils þarf að vara sig og ekkert breyst hjá stjórnarformanni Play Enski boltinn „Þetta svíður mig mjög sárt“ Fótbolti Úr klefaleysi og snjómokstri í að taka við landsliði eða Blikum? Íslenski boltinn KR - Stjarnan | Titilvörnin hefst í Vesturbæ Körfubolti Lausanne - Breiðablik 3-0 | Enn stigalausir á stóra sviðinu Fótbolti Benedikt gefur Stjörnunni ráð: Alls ekki hringja í eldri bróðurinn Körfubolti Drónabannið í Danmörku skapar vandamál fyrir fótboltafélögin Fótbolti FIFA: Donald Trump ræður engu um það Fótbolti Utan vallar: Er FH að endurtaka stærstu mistök í sögu félagsins? Íslenski boltinn Fleiri fréttir Palace neitar að tapa „Örugglega enginn sem nennir að hlusta á það“ Lausanne - Breiðablik 3-0 | Enn stigalausir á stóra sviðinu Sævar Atli neitar að fara úr markaskónum Hákon Arnar skoraði sigurmarkið en Özer stal fyrirsögninni Gömlu United-mennirnir blómstruðu í Meistaradeildinni Gullboltahafinn ekki til Íslands Íranar mega ekki mæta á HM-dráttinn Þorsteinn fær annan aðstoðarmann frá Þrótti Pirraður yfir marki undir vegg: „Hann leggst bara í einhverja fósturstellingu“ Drónabannið í Danmörku skapar vandamál fyrir fótboltafélögin „Í DNA okkar Sunderland-manna að þola þennan mann ekki“ Utan vallar: Er FH að endurtaka stærstu mistök í sögu félagsins? „Eins og það sé ekkert sem hann hræðist“ FIFA: Donald Trump ræður engu um það Frammistaðan í deildinni skiptir engu máli í dag Sjáðu Meistaradeildarmörkin hjá manninum sem United gat ekki notað Sveindís Jane að missa góðan liðsfélaga: „Sakna þín strax“ „Þetta svíður mig mjög sárt“ Úr klefaleysi og snjómokstri í að taka við landsliði eða Blikum? Töpuðu fyrir Íslandi en ekki í Meistaradeildinni Baulað á Figo í Barcelona: „Portúgalinn er ekki velkominn hér“ Bjarni Jó kveður Selfoss Fantasýn: Bogi Nils þarf að vara sig og ekkert breyst hjá stjórnarformanni Play „Ótrúlega gaman að sjá þessa stelpu dafna“ De Bruyne lagði tvisvar upp fyrir Højlund Dier stal stigi af svekktum City mönnum Ödegaard lagði Skytturnar upp til sigurs Evrópumeistararnir með endurkomusigur gegn Barcelona Stjarnan - FH 3-4 | FH endurheimti annað sætið Sjá meira