Sjokkerandi skilnaðir ríka og fræga fólksins Stefán Þór Hjartarson skrifar 24. september 2016 08:00 Brad Pitt og Jennifer Aniston voru alveg þvílíkt sæt saman. Vísir/Getty Það var gífurlegt sjokk fyrir heimsbyggðina þegar Brad Pitt og Angelina Jolie skildu að borði og sæng nú á dögunum. Það er auðvitað alltaf erfitt að horfa upp á fræga fólkið lenda í erfiðleikum enda á þetta fólk samastað í hjörtum okkar almúgans. Þetta er ekki í fyrsta sinn sem eitt af draumasamböndum Hollywood rennur út í sandinn og því miður eru sjokkerandi skilnaðir á borð við skilnað Brangelinu orðnir nokkuð reglulegir atburðir. Jennifer Aniston og Brad Pitt Áður en skilnaður Brangelinu molaði í mél hugmyndir okkar um þægilegt líf ríka og fræga fólksins var það skilnaður Brads Pitt við Jennifer Aniston. Þetta gríðarlega myndarlega par hafði allt – héldum við. Eftir aðeins fimm ár í paradís var draumurinn úti. Það sem gerði útslagið í hjónabandinu var framhjáhald Brads Pitt en, eins og við öll vitum, var hann að hitta Angelinu Jolie á laun á meðan á tökum á myndinni Mr. & Mrs. Smith stóð. Amber Heard, Johnny Depp, James Cameron og Linda Hamilton Johnny Depp og Amber Heard Deilurnar í kjölfarið á þessum skilnaði standa enn yfir en ásakanirnar eru þvílíkar á báða bóga. Amber Heard mætti til að mynda í réttarsal með marblett í andlitinu en hún hefur sakað Depp um að hafa gengið í skrokk á sér og fengið nálgunarbann á leikarann. Gríðarlega erfitt mál hér á ferðinni. Linda Hamilton og James Cameron Leikstjórinn James Cameron er hvað þekktastur fyrir stórmyndirnar Titanic og Terminator 2. Hann er líka þekktur fyrir að hafa gifst og skilið nánast jafn oft og hann hefur leikstýrt stórmynd. Árið 1999 skildi hann við þáverandi eiginkonu sína, Lindu Hamilton, og varð það að heilmiklum fjölmiðlasirkus. Eftir tvö ár af hjónabandssælu ákvað James kallinn að fara aftur til fyrrverandi konu sinnar, Suzy Amis – en þau eru enn gift þegar þessi orð eru skrifuð, en það gæti alveg hafa breyst á meðan blaðið var í prentun. Guy Ritchie, Madonna, Tom Cruise og Katie Holmes Guy Ritchie og Madonna Þessar fyrrverandi turtildúfur giftu sig árið 2000 en þá var Guy Ritchie gríðarlega vinsæll. Madonna hafði auðvitað verið stórstjarna í mörg ár á þessum tímapunkti og því var þetta mjög umtalað hjónaband – það entist alveg í átta ár, sem mun vera met á þessum lista. Þau eignuðust soninn Rocco á meðan allt lék í lyndi. Getgátur eru uppi að þau hafi að lokum skilið út af kvikmyndinni Swept Away en hún var virkilega slæm svo vægt sé til orða tekið og skartaði Madonnu í aðalhlutverki en Guy Ritchie leikstýrði. Katie Holmes og Tom Cruise Íslendingar súpa hveljur þegar þeir hugsa um þennan skilnað. Eftir að hafa hoppað í sófanum hjá Opruh héldu allir að Tom Cruise væri gríðarlega ástfanginn (og/eða bilaður) og að þetta hjónaband myndi aldrei enda. Annað varð nú upp á teningnum og skildi parið eftir Íslandsdvöl Tom Cruise. Fróðir menn vilja meina að þau hafi skilið út af tengslum Cruise við Vísindakirkjuna en við Íslendingar vitum betur. Tiger Woods, Elin Nordegren, Ryan Philippe og Reese Witherspoon Elin Nordegren og Tiger Woods Þegar golfarinn Tiger Woods skildi við hina sænsku Elin Nordegren fylgdist heimsbyggðin með – aðallega vegna þess að í ljós kom að Tiger Woods átti við alvarleg vandamál að stríða og það er fátt sem fólk elskar meira en frægt fólk með skammarlega misbresti í persónuleika sínum. Síðan þau skildu hefur Tiger Woods ekki átt sjö dagana sæla á golfvellinum. Ryan Phillippe og Reese Witherspoon Allir aðdáendur kvikmyndarinnar Cruel Intentions misstu það þegar þeir fréttu af skilnaði þeirra Ryan Phillippe og Reese Witherspoon. Parið fyrrverandi giftist á unga aldri og voru rosalega miklar dúllur. Hins vegar kom babb í bátinn nánast átta árum síðar og þetta draumapar ákvað að skilja og í leiðinni gera út af við drauma mjög margra sem fylgdust með hjónakornunum fyrrverandi í gegnum lífið. Skilnaður Angelinu Jolie og Brad Pitt Hollywood Ástin og lífið Mest lesið Balta bregst bogalistin Gagnrýni Segir Candy hafa séð að faðir hans væri „skrímsli“ á undan öðrum Lífið Tók sex ólíka stera fyrir hjartastoppið: „Þannig ég segi nei við sterum“ Lífið Glæsibústaðir yfir hundrað milljónum Lífið „Stolt af því að hafa ekki gefist upp á sjálfri mér“ Lífið Yfir sig ástfangin og býr bæði á Spáni og Íslandi Lífið Friðrik Þór og Guðrún selja 225 milljón króna parhús í Hlíðunum Lífið Enn ástfangnari að sjá maka sinn í foreldrahlutverkinu Lífið Glæsihöll Livar og Sverris á Arnarnesi til sölu Lífið Laufey Lín endar Evróputúrinn á Íslandi Tónlist Fleiri fréttir Tók sex ólíka stera fyrir hjartastoppið: „Þannig ég segi nei við sterum“ Glæsihöll Livar og Sverris á Arnarnesi til sölu Eldgos og elskhugar á frumsýningu Eldanna Segir Candy hafa séð að faðir hans væri „skrímsli“ á undan öðrum Glæsibústaðir yfir hundrað milljónum Yfir sig ástfangin og býr bæði á Spáni og Íslandi Friðrik Þór og Guðrún selja 225 milljón króna parhús í Hlíðunum „Stolt af því að hafa ekki gefist upp á sjálfri mér“ Enn ástfangnari að sjá maka sinn í foreldrahlutverkinu „Klárari, sætari og skemmtilegri með aldrinum“ Mömmupasta að hætti Lindu Ben Tökur á Disneymynd, óttalaus rotta eða eru allir vinir í Vesturbænum? Skvísur landsins skáluðu í miðborginni Vildi frekar hafa David Hasselhoff uppá vegg en Jón Ólafs „Pabbi hélt alltaf að þú værir kunta, takk fyrir að sanna það“ Gengu um rústir ratsjárstöðvar og klifu fáfarnasta fjall Hornstranda Kaupir fjórða húsið við sömu götu Tælenskar salatvefjur í anda Cheesecake Factory Íslenskur Hollywood-leikari selur íbúð í Seljahverfinu Hætta með Þarf alltaf að vera grín? af persónulegum ástæðum Íbúð í Vesturbænum með mikinn karakter Hrósar eiginkonu Bruce Willis fyrir umönnun leikarans Kristján Einar leitar sér aðstoðar Yngsti Íslendingurinn frá upphafi sem safnar skákstigum Nældi sér í einn umdeildan Er hægt að komast yfir framhjáhald? Cardi B sýknuð af kröfu um líkamsárás á öryggisvörð Svona færðu fullnægingu án handa Huggulegustu hommar landsins kaupa heillandi hæð Súrsætir matcha-bitar úr smiðju danska sjarmatröllsins Sjá meira
Það var gífurlegt sjokk fyrir heimsbyggðina þegar Brad Pitt og Angelina Jolie skildu að borði og sæng nú á dögunum. Það er auðvitað alltaf erfitt að horfa upp á fræga fólkið lenda í erfiðleikum enda á þetta fólk samastað í hjörtum okkar almúgans. Þetta er ekki í fyrsta sinn sem eitt af draumasamböndum Hollywood rennur út í sandinn og því miður eru sjokkerandi skilnaðir á borð við skilnað Brangelinu orðnir nokkuð reglulegir atburðir. Jennifer Aniston og Brad Pitt Áður en skilnaður Brangelinu molaði í mél hugmyndir okkar um þægilegt líf ríka og fræga fólksins var það skilnaður Brads Pitt við Jennifer Aniston. Þetta gríðarlega myndarlega par hafði allt – héldum við. Eftir aðeins fimm ár í paradís var draumurinn úti. Það sem gerði útslagið í hjónabandinu var framhjáhald Brads Pitt en, eins og við öll vitum, var hann að hitta Angelinu Jolie á laun á meðan á tökum á myndinni Mr. & Mrs. Smith stóð. Amber Heard, Johnny Depp, James Cameron og Linda Hamilton Johnny Depp og Amber Heard Deilurnar í kjölfarið á þessum skilnaði standa enn yfir en ásakanirnar eru þvílíkar á báða bóga. Amber Heard mætti til að mynda í réttarsal með marblett í andlitinu en hún hefur sakað Depp um að hafa gengið í skrokk á sér og fengið nálgunarbann á leikarann. Gríðarlega erfitt mál hér á ferðinni. Linda Hamilton og James Cameron Leikstjórinn James Cameron er hvað þekktastur fyrir stórmyndirnar Titanic og Terminator 2. Hann er líka þekktur fyrir að hafa gifst og skilið nánast jafn oft og hann hefur leikstýrt stórmynd. Árið 1999 skildi hann við þáverandi eiginkonu sína, Lindu Hamilton, og varð það að heilmiklum fjölmiðlasirkus. Eftir tvö ár af hjónabandssælu ákvað James kallinn að fara aftur til fyrrverandi konu sinnar, Suzy Amis – en þau eru enn gift þegar þessi orð eru skrifuð, en það gæti alveg hafa breyst á meðan blaðið var í prentun. Guy Ritchie, Madonna, Tom Cruise og Katie Holmes Guy Ritchie og Madonna Þessar fyrrverandi turtildúfur giftu sig árið 2000 en þá var Guy Ritchie gríðarlega vinsæll. Madonna hafði auðvitað verið stórstjarna í mörg ár á þessum tímapunkti og því var þetta mjög umtalað hjónaband – það entist alveg í átta ár, sem mun vera met á þessum lista. Þau eignuðust soninn Rocco á meðan allt lék í lyndi. Getgátur eru uppi að þau hafi að lokum skilið út af kvikmyndinni Swept Away en hún var virkilega slæm svo vægt sé til orða tekið og skartaði Madonnu í aðalhlutverki en Guy Ritchie leikstýrði. Katie Holmes og Tom Cruise Íslendingar súpa hveljur þegar þeir hugsa um þennan skilnað. Eftir að hafa hoppað í sófanum hjá Opruh héldu allir að Tom Cruise væri gríðarlega ástfanginn (og/eða bilaður) og að þetta hjónaband myndi aldrei enda. Annað varð nú upp á teningnum og skildi parið eftir Íslandsdvöl Tom Cruise. Fróðir menn vilja meina að þau hafi skilið út af tengslum Cruise við Vísindakirkjuna en við Íslendingar vitum betur. Tiger Woods, Elin Nordegren, Ryan Philippe og Reese Witherspoon Elin Nordegren og Tiger Woods Þegar golfarinn Tiger Woods skildi við hina sænsku Elin Nordegren fylgdist heimsbyggðin með – aðallega vegna þess að í ljós kom að Tiger Woods átti við alvarleg vandamál að stríða og það er fátt sem fólk elskar meira en frægt fólk með skammarlega misbresti í persónuleika sínum. Síðan þau skildu hefur Tiger Woods ekki átt sjö dagana sæla á golfvellinum. Ryan Phillippe og Reese Witherspoon Allir aðdáendur kvikmyndarinnar Cruel Intentions misstu það þegar þeir fréttu af skilnaði þeirra Ryan Phillippe og Reese Witherspoon. Parið fyrrverandi giftist á unga aldri og voru rosalega miklar dúllur. Hins vegar kom babb í bátinn nánast átta árum síðar og þetta draumapar ákvað að skilja og í leiðinni gera út af við drauma mjög margra sem fylgdust með hjónakornunum fyrrverandi í gegnum lífið.
Skilnaður Angelinu Jolie og Brad Pitt Hollywood Ástin og lífið Mest lesið Balta bregst bogalistin Gagnrýni Segir Candy hafa séð að faðir hans væri „skrímsli“ á undan öðrum Lífið Tók sex ólíka stera fyrir hjartastoppið: „Þannig ég segi nei við sterum“ Lífið Glæsibústaðir yfir hundrað milljónum Lífið „Stolt af því að hafa ekki gefist upp á sjálfri mér“ Lífið Yfir sig ástfangin og býr bæði á Spáni og Íslandi Lífið Friðrik Þór og Guðrún selja 225 milljón króna parhús í Hlíðunum Lífið Enn ástfangnari að sjá maka sinn í foreldrahlutverkinu Lífið Glæsihöll Livar og Sverris á Arnarnesi til sölu Lífið Laufey Lín endar Evróputúrinn á Íslandi Tónlist Fleiri fréttir Tók sex ólíka stera fyrir hjartastoppið: „Þannig ég segi nei við sterum“ Glæsihöll Livar og Sverris á Arnarnesi til sölu Eldgos og elskhugar á frumsýningu Eldanna Segir Candy hafa séð að faðir hans væri „skrímsli“ á undan öðrum Glæsibústaðir yfir hundrað milljónum Yfir sig ástfangin og býr bæði á Spáni og Íslandi Friðrik Þór og Guðrún selja 225 milljón króna parhús í Hlíðunum „Stolt af því að hafa ekki gefist upp á sjálfri mér“ Enn ástfangnari að sjá maka sinn í foreldrahlutverkinu „Klárari, sætari og skemmtilegri með aldrinum“ Mömmupasta að hætti Lindu Ben Tökur á Disneymynd, óttalaus rotta eða eru allir vinir í Vesturbænum? Skvísur landsins skáluðu í miðborginni Vildi frekar hafa David Hasselhoff uppá vegg en Jón Ólafs „Pabbi hélt alltaf að þú værir kunta, takk fyrir að sanna það“ Gengu um rústir ratsjárstöðvar og klifu fáfarnasta fjall Hornstranda Kaupir fjórða húsið við sömu götu Tælenskar salatvefjur í anda Cheesecake Factory Íslenskur Hollywood-leikari selur íbúð í Seljahverfinu Hætta með Þarf alltaf að vera grín? af persónulegum ástæðum Íbúð í Vesturbænum með mikinn karakter Hrósar eiginkonu Bruce Willis fyrir umönnun leikarans Kristján Einar leitar sér aðstoðar Yngsti Íslendingurinn frá upphafi sem safnar skákstigum Nældi sér í einn umdeildan Er hægt að komast yfir framhjáhald? Cardi B sýknuð af kröfu um líkamsárás á öryggisvörð Svona færðu fullnægingu án handa Huggulegustu hommar landsins kaupa heillandi hæð Súrsætir matcha-bitar úr smiðju danska sjarmatröllsins Sjá meira