Hjörtur var rúmlega eins árs þegar Eiður Smári lék sinn fyrsta landsleik

Eiður, sem er 37 ára, sjö mánaða og 25 daga gamall, hefur leikið 84 landsleiki á 20 ára löngum landsliðsferli.
Eiður lék sinn fyrsta landsleik gegn Eistlandi 24. apríl 1996 en þá var yngsti meðlimur íslenska hópsins sem fer á EM, Hjörtur Hermannsson, aðeins eins árs, tveggja mánaða og 17 daga gamall.
Hjörtur á fæsta landsleiki að baki af þeim 23 leikmönnum sem skipa íslenska hópinn, eða tvo.
Eiður Smári hefur skorað flest landsliðsmörk af öllum í hópnum, eða 25, sex mörkum meira en Kolbeinn Sigþórsson en þeir eru markahæstu leikmenn í sögu íslenska landsliðsins.
Eiður er jafnframt eini leikmaðurinn í hópnum sem lék sinn fyrsta landsleik á síðustu öld.
Níu ár liðu frá því Eiður lék sinn fyrsta landsleik og þar til næstu leikmenn í hópnum þreyttu frumraun sína, Kári Árnason og Emil Hallfreðsson, en þeir léku sinn fyrsta landsleik í markalausu jafntefli gegn Ítalíu 30. mars 2005.
Gamanið var þó stutt hjá Kára í þeim leik en hann kom inn á sem varamaður á 77. mínútu og þremur mínútum síðar fékk hann að líta rauða spjaldið.
Tengdar fréttir

Leikmenn fengu sms hálftíma á undan blaðamönnum
Gunnleifur Gunnleifsson og Sölvi Geir Ottesen fara að óbreyttu ekki til Frakklands.

Lars: Auðvelda svarið er að ég fæddist of snemma
Lars Lagerbäck segist hafa tekið ákvörðun um að hætta með íslenska landsliðið fyrir um mánuði síðan.

Bein útsending og textalýsing: EM-hópur Íslands tilkynntur
Það er komið að stóru stundinni en í dag verður EM-hópur Íslands tilkynntur.

Aron Einar, Gylfi og Kolbeinn glíma við meiðsli
Þrír lykilmenn eru í kapphlaupi við tímann.

Eiður Smári fer til Frakklands | Sjáðu EM-hóp Íslands
Eiður Smári Guðjohnsen fær sinn gamla draum uppfylltan og fer með íslenska landsliðinu á EM í Frakklandi.

Heimir: Íslenskir knattspyrnumenn eru verðmætari en fyrir ári síðan
Heimir Hallgrímsson, landsliðsþjálfari Íslands, segir að íslensk knattspyrna verði að átta sig á verðmætum hennar.

Lars: Getum ekki valið liðið út frá vinskap
„Við veljum ekki lið út frá herbergisfélögum,“ segir Lars Lagerbäck.

Heimir þakkaði Óla Jó og Pétri
Ólafur Jóhannesson og Pétur Pétursson fengu rós í hnappagatið frá Lars og Heimi.

Lagerbäck hættir eftir EM
Tilkynnti á blaðamannafundi í dag að hann mun ekki endurnýja samning sinn við KSÍ eftir EM í sumar.