Umfjöllun: S.A. furstadæmin - Ísland 2-1 | Dapurt í Dúbaí Ingvi Þór Sæmundsson skrifar 16. janúar 2016 16:30 Viðar Örn Kjartansson kom Íslandi yfir með sínu fyrsta landsliðsmarki. Vísir/Getty Ísland beið lægri hlut, 2-1, fyrir Sameinuðu arabísku furstadæmunum í vináttulandsleik í Dúbaí í dag. Þetta var annar vináttulandsleikur Íslands í Sameinuðu arabísku furstadæmunum í vikunni en á miðvikudaginn vann íslenska liðið 1-0 sigur á Finnlandi í Abú Dabí. Íslensku strákarnir byrjuðu leikinn í dag vel og komust yfir á 14. mínútu þegar Viðar Örn Kjartansson skoraði sitt fyrsta landsliðsmark. En Íslandi mistókst að fylgja þessari góðu byrjun eftir og heimamenn tóku leikinn í sínar hendur og unnu að lokum sanngjarnan sigur. Eins og áður sagði byrjaði íslenska liðið leikinn vel og strax á 3. mínútu skallaði Viðar Örn boltann í slána eftir hornspyrnu Kristins Jónssonar. Hinn bakvörðurinn, Andrés Már Jóhannesson, lét svo að sér kveða 11 mínútum síðar þegar hann gaf boltann á Elías Má Ómarsson, fékk hann aftur og átti frábæra fyrirgjöf á kollinn á Viðari sem skallaði boltann framhjá Majed Nader í marki heimamanna. Vel gert hjá Andrési og Viðari en sá fyrrnefndi lék sinn fyrsta A-landsleik í dag. Íslensku strákunum tókst engan veginn að fylgja markinu eftir og heimamenn tóku öll völd á vellinum. Omar Abdulrahman stjórnaði umferðinni á miðjunni og smám saman fór íslenska vörnin að opnast. Ali Mabkhout komst einn í gegn en skaut framhjá, Amer Abdulrahman skallaði beint á Ingvar Jónsson úr upplögðu færi og svo átti Ahmed Khalil þrumuskot í slá íslenska marksins beint úr aukaspyrnu. Allt þetta gerðist á fjögurra mínútna kafla um miðbik fyrri hálfleiks. Á 25. mínútu bar pressa Furstadæmanna loks árangur þegar Ismail Al Hammadi slapp einn í gegnum illa skipulagða vörn Íslands eftir frábæra sendingu Omars Abdulrahman. Al Hammandi tók vel á móti boltanum, fór framhjá Ingvari og skoraði í autt markið. Leikurinn róaðist nokkuð eftir jöfnunarmarkið en heimamenn voru áfram sterkari aðilinn og voru með öll völd á miðjunni þar sem þeir Rúnar Már Sigurjónsson og Emil Pálsson áttu erfitt uppdráttar. Heimamenn fengu gott tækifæri til að ná forystunni á 33. mínútu en Khalil skallaði framhjá úr upplögðu færi eftir flotta sókn Furstadæmanna. Staðan var 1-1 þegar liðin gengu til búningsherbergja en íslenska liðið byrjaði seinni hálfleikinn af krafti og strax á 2. mínútu seinni hálfleiks fékk Elías Már dauðafæri eftir góðan undirbúnings Eiðs Smára Guðjohnsen en Keflvíkingurinn ungi skaut framhjá. Íslenska liðinu hefndist fyrir þetta því á 49. mínútu kom Mabkhout Furstadæmunum yfir með góðu skoti á lofti eftir aukaspyrnu Omars Abdulrahmans og misheppnaða hreinsun Kristins. Þetta var 34. mark Mabkhout í aðeins 44 landsleikjum en þessi hættulegi framherji spilaði vel í dag og gerði íslensku vörninni lífið leitt. Eftir markið léku heimamenn sama leik og í fyrri hálfleik, héldu boltanum vel og stjórnuðu leiknum algjörlega. Á meðan gekk íslenska liðinu illa að halda boltanum og tapaði honum alltof fljótt. Heimamenn sköpuðu sér ekki mörg færi í seinni hálfleik en voru samt líklegri til að skora en Ísland. Besta færið fékk áðurnefndur Mabkhout sem slapp í gegnum íslensku vörnina á 70. mínútu en Ingvar varði vel. Lars Lagerbäck og Heimir Hallgrímsson gerðu sex skiptingar í seinni hálfleik en þær breyttu litlu. Heimamenn voru áfram með yfirhöndina og íslenska liðið var ekki líklegt til að jafna metin. Fleiri urðu mörkin ekki og Furstadæmin fögnuðu sanngjörnum sigri, þeim fyrsta á Íslandi í þriðju tilraun. EM 2016 í Frakklandi Fótbolti Íslenski boltinn Mest lesið Fyndnar eða sorglegar pælingar Liverpool stuðningsmanna? Enski boltinn Ætlaði ekki að slá andstæðing sinn í höfuðið með boðhlaupskeflinu Sport Hituðu upp fyrir Liverpool með því að ná Man. City að stigum Enski boltinn Gætu fengið 25 ára fangelsisdóm vegna dauða Maradona Fótbolti Fauk í leikmenn vegna fána Fótbolti Dagskráin: Evrópukvöld á Anfield og fjögur fara áfram í Meistaradeildinni Sport Strákurinn vann þrjá bikara á einni viku Sport Eftirmaður Þóris segir stelpurnar þurfa að æfa sig í að senda og grípa Handbolti Ronaldo nú með fleiri mörk eftir þrítugt en fyrir þrítugt Fótbolti Segir suma leikmenn Man Utd ekki nógu góða og suma með of góð laun Enski boltinn Fleiri fréttir Fyndnar eða sorglegar pælingar Liverpool stuðningsmanna? Gætu fengið 25 ára fangelsisdóm vegna dauða Maradona Hituðu upp fyrir Liverpool með því að ná Man. City að stigum Fauk í leikmenn vegna fána Ronaldo nú með fleiri mörk eftir þrítugt en fyrir þrítugt „Hann mun halda með okkur frá himnum“ Júlíus verður ekki bikarmeistari annað árið í röð Segir suma leikmenn Man Utd ekki nógu góða og suma með of góð laun Manchester City rak stjórann sinn fimm dögum fyrir bikarúrslitaleik Hákon hjálpaði liði sínu að setja met í frönsku deildinni Kveður Selfyssinga óvænt: „Það er synd að kveðja á þennan hátt“ Þjálfarinn lofaði Mikael: „Var okkar besti maður“ Ter Stegen nafngreinir blaðamenn og segir þá lygara Mitrovic fór á spítala vegna óreglulegs hjartsláttar Sonur Buffons spilaði sinn fyrsta leik Sjáðu stórleik Cecilíu gegn meisturunum Kynnir fyrsta hópinn á miðvikudag Baðst afsökunar á tæklingunni í Garðabænum Liverpool tilkynnir um risasamning við Adidas Stjórnarformaður BBC vill breytingar á Match of the Day Arteta gekk út úr viðtali Sjáðu markið hans Alberts gegn Napoli Keane gagnrýndi Arsenal: „Hvað gerir annað sætið fyrir þig? Þú vilt vinna titla“ Umræðan væri önnur ef um Rashford væri að ræða en ekki Grealish Barnalegir og hefðu getað kastað leiknum frá sér Atalanta batt enda á sigurgöngu Juventus „Þetta félag mun aldrei deyja“ „Opnuðum á möguleikann að tapa leiknum“ Ísak Andri á skotskónum þegar Norrköping komst í undanúrslit Real Madríd jafnaði topplið Barcelona að stigum Sjá meira
Ísland beið lægri hlut, 2-1, fyrir Sameinuðu arabísku furstadæmunum í vináttulandsleik í Dúbaí í dag. Þetta var annar vináttulandsleikur Íslands í Sameinuðu arabísku furstadæmunum í vikunni en á miðvikudaginn vann íslenska liðið 1-0 sigur á Finnlandi í Abú Dabí. Íslensku strákarnir byrjuðu leikinn í dag vel og komust yfir á 14. mínútu þegar Viðar Örn Kjartansson skoraði sitt fyrsta landsliðsmark. En Íslandi mistókst að fylgja þessari góðu byrjun eftir og heimamenn tóku leikinn í sínar hendur og unnu að lokum sanngjarnan sigur. Eins og áður sagði byrjaði íslenska liðið leikinn vel og strax á 3. mínútu skallaði Viðar Örn boltann í slána eftir hornspyrnu Kristins Jónssonar. Hinn bakvörðurinn, Andrés Már Jóhannesson, lét svo að sér kveða 11 mínútum síðar þegar hann gaf boltann á Elías Má Ómarsson, fékk hann aftur og átti frábæra fyrirgjöf á kollinn á Viðari sem skallaði boltann framhjá Majed Nader í marki heimamanna. Vel gert hjá Andrési og Viðari en sá fyrrnefndi lék sinn fyrsta A-landsleik í dag. Íslensku strákunum tókst engan veginn að fylgja markinu eftir og heimamenn tóku öll völd á vellinum. Omar Abdulrahman stjórnaði umferðinni á miðjunni og smám saman fór íslenska vörnin að opnast. Ali Mabkhout komst einn í gegn en skaut framhjá, Amer Abdulrahman skallaði beint á Ingvar Jónsson úr upplögðu færi og svo átti Ahmed Khalil þrumuskot í slá íslenska marksins beint úr aukaspyrnu. Allt þetta gerðist á fjögurra mínútna kafla um miðbik fyrri hálfleiks. Á 25. mínútu bar pressa Furstadæmanna loks árangur þegar Ismail Al Hammadi slapp einn í gegnum illa skipulagða vörn Íslands eftir frábæra sendingu Omars Abdulrahman. Al Hammandi tók vel á móti boltanum, fór framhjá Ingvari og skoraði í autt markið. Leikurinn róaðist nokkuð eftir jöfnunarmarkið en heimamenn voru áfram sterkari aðilinn og voru með öll völd á miðjunni þar sem þeir Rúnar Már Sigurjónsson og Emil Pálsson áttu erfitt uppdráttar. Heimamenn fengu gott tækifæri til að ná forystunni á 33. mínútu en Khalil skallaði framhjá úr upplögðu færi eftir flotta sókn Furstadæmanna. Staðan var 1-1 þegar liðin gengu til búningsherbergja en íslenska liðið byrjaði seinni hálfleikinn af krafti og strax á 2. mínútu seinni hálfleiks fékk Elías Már dauðafæri eftir góðan undirbúnings Eiðs Smára Guðjohnsen en Keflvíkingurinn ungi skaut framhjá. Íslenska liðinu hefndist fyrir þetta því á 49. mínútu kom Mabkhout Furstadæmunum yfir með góðu skoti á lofti eftir aukaspyrnu Omars Abdulrahmans og misheppnaða hreinsun Kristins. Þetta var 34. mark Mabkhout í aðeins 44 landsleikjum en þessi hættulegi framherji spilaði vel í dag og gerði íslensku vörninni lífið leitt. Eftir markið léku heimamenn sama leik og í fyrri hálfleik, héldu boltanum vel og stjórnuðu leiknum algjörlega. Á meðan gekk íslenska liðinu illa að halda boltanum og tapaði honum alltof fljótt. Heimamenn sköpuðu sér ekki mörg færi í seinni hálfleik en voru samt líklegri til að skora en Ísland. Besta færið fékk áðurnefndur Mabkhout sem slapp í gegnum íslensku vörnina á 70. mínútu en Ingvar varði vel. Lars Lagerbäck og Heimir Hallgrímsson gerðu sex skiptingar í seinni hálfleik en þær breyttu litlu. Heimamenn voru áfram með yfirhöndina og íslenska liðið var ekki líklegt til að jafna metin. Fleiri urðu mörkin ekki og Furstadæmin fögnuðu sanngjörnum sigri, þeim fyrsta á Íslandi í þriðju tilraun.
EM 2016 í Frakklandi Fótbolti Íslenski boltinn Mest lesið Fyndnar eða sorglegar pælingar Liverpool stuðningsmanna? Enski boltinn Ætlaði ekki að slá andstæðing sinn í höfuðið með boðhlaupskeflinu Sport Hituðu upp fyrir Liverpool með því að ná Man. City að stigum Enski boltinn Gætu fengið 25 ára fangelsisdóm vegna dauða Maradona Fótbolti Fauk í leikmenn vegna fána Fótbolti Dagskráin: Evrópukvöld á Anfield og fjögur fara áfram í Meistaradeildinni Sport Strákurinn vann þrjá bikara á einni viku Sport Eftirmaður Þóris segir stelpurnar þurfa að æfa sig í að senda og grípa Handbolti Ronaldo nú með fleiri mörk eftir þrítugt en fyrir þrítugt Fótbolti Segir suma leikmenn Man Utd ekki nógu góða og suma með of góð laun Enski boltinn Fleiri fréttir Fyndnar eða sorglegar pælingar Liverpool stuðningsmanna? Gætu fengið 25 ára fangelsisdóm vegna dauða Maradona Hituðu upp fyrir Liverpool með því að ná Man. City að stigum Fauk í leikmenn vegna fána Ronaldo nú með fleiri mörk eftir þrítugt en fyrir þrítugt „Hann mun halda með okkur frá himnum“ Júlíus verður ekki bikarmeistari annað árið í röð Segir suma leikmenn Man Utd ekki nógu góða og suma með of góð laun Manchester City rak stjórann sinn fimm dögum fyrir bikarúrslitaleik Hákon hjálpaði liði sínu að setja met í frönsku deildinni Kveður Selfyssinga óvænt: „Það er synd að kveðja á þennan hátt“ Þjálfarinn lofaði Mikael: „Var okkar besti maður“ Ter Stegen nafngreinir blaðamenn og segir þá lygara Mitrovic fór á spítala vegna óreglulegs hjartsláttar Sonur Buffons spilaði sinn fyrsta leik Sjáðu stórleik Cecilíu gegn meisturunum Kynnir fyrsta hópinn á miðvikudag Baðst afsökunar á tæklingunni í Garðabænum Liverpool tilkynnir um risasamning við Adidas Stjórnarformaður BBC vill breytingar á Match of the Day Arteta gekk út úr viðtali Sjáðu markið hans Alberts gegn Napoli Keane gagnrýndi Arsenal: „Hvað gerir annað sætið fyrir þig? Þú vilt vinna titla“ Umræðan væri önnur ef um Rashford væri að ræða en ekki Grealish Barnalegir og hefðu getað kastað leiknum frá sér Atalanta batt enda á sigurgöngu Juventus „Þetta félag mun aldrei deyja“ „Opnuðum á möguleikann að tapa leiknum“ Ísak Andri á skotskónum þegar Norrköping komst í undanúrslit Real Madríd jafnaði topplið Barcelona að stigum Sjá meira