Pabbinn Guðjón Valur mest lesinn á Vísi 2015 | MMA mjög áberandi

Fréttir af bardögum í UFC og þá helst myndbönd af þeim voru níu af 20 vinsælustu íþróttafréttunum á Vísi árið 2015.

Gunnar Nelson var að vanda mjög vinsæll en Íslendingar virðast einnig hafa tekið miklu ástfóstri við írska Íslandsvininn Conor McGregor og hina bandarísku Rondu Rousey.

Vinsælasta fréttin á íþróttavef Vísis 2015 var þó viðtal við Guðjón Val Sigurðsson, fyrirliða karlalandsliðsins í handbolta, sem tekið var rétt fyrir HM í Katar 15. janúar.

Fyrirliðinn tók ekki þátt í undirbúningsmóti íslenska liðsins fyrir heimsmeistaramótið þar sem sonur hans lá veikur á spítala.

„Aðstæður eru þannig - maður forgangsraðar í lífinu og börnin og fjölskyldan eru mér mikilvægari en handboltinn. En ég náði samt að æfa alla daga þó svo að ég hafi ekki verið í handbolta,“ sagði Guðjón Valur.

Viðtalið við Guðjón Val var ein af fimm fréttum frá Katar á síðasta ári sem komst á topp 20 listann en mikill áhugi var fyrir mótinu miðað við lestur.

Efsta fótboltafréttin var frásögn Lars Lagerbäcks, landsliðsþjálfara Íslands í fótbolta, af því hver átti raunverulega hugmyndina að fá hann til Íslands en miklar vangaveltur voru um það á árinu.

Ein körfuboltafrétt læddist inn á topp 20 en það var bein textalýsing frá oddaleik KR og Njarðvíkur í undanúrslitum Dominos-deildar karla en það var vafalítið besti leikur síðasta tímabils.

Hér að neðan má sjá 20 vinsælustu íþróttafréttir Vísis árið 2015:



1. Guðjón Valur: Heilsa stráksins míns mikilvægari en handbolti

2. Sjáðu Gunnar Nelson hengja Thatch

3. Sjáðu bardaga McGregor: Conor rotaði Aldo á 13 sekúndum

4. Ráðgátan leyst: Lars segir frá því hver átti hugmyndina að fá hann til Íslands

5. Conor um bardaga Gunnars: Hjarta mitt brast

6. Eru Egyptar að tapa viljandi?

7. Guðjón: Auðvitað gerir læknirinn hrikaleg mistök í máli Arons

8. Sjáðu Conor McGregor rota Mendes og verða heimsmeistari

9. Strákarnir okkar í munntóbakinu fyrir leik

10. Gunnar: Ég var lélegur

11. Búið að ákveða úrslitin fyrir leik

12. Í beinni: Gunnar og Conor á stóra sviðinu

13. Í beinni: KR - Njarðvík | Allt undir í Vesturbænum

14. Ásgeir um rifrildið við Björgvin: Á ekki að gerast

15. Sjáðu bardaga Gunnars í heild sinni: Maia var of stór biti fyrir Gunnar Nelson

16. Sjáðu fyrsta tap Rondu 

17. Óvíst með þátttöku Björgvins gegn Dönum

18. Guðmundur: Hef ekki upplifað þetta á 25 ára þjálfaraferli

19. Fékk bréf frá eiginkonu mannsins sem hún kyssti í Boston-maraþoninu

20. Ronda rotaði Correia eftir 34 sekúndur | Myndband