Ráðherra kynnir fjárlög fyrir blaðamönnum

Bjarni Benediktsson, efnahags- og fjármálaráðherra, kynnti í morgun frumvarp til fjárlaga fyrir árið 2015 fyrir blaðamönnum í Salnum í Kópavogi. Frumvarpið verður lagt fram á Alþingi klukkan 16 í dag en sú hefð hefur komist á að blaðamenn fá kynningu á efni frumvarpsins að morgni.

Ráðherra fer á fundinum yfir helstu atriði frumvarpsins og svarar því að loknu spurningum fréttamanna. Þeir fjölmiðlar sem eiga fulltrúa á fundinum heita trúnaði um efni fundarins þar til frumvarpið verður lagt fram á Alþingi klukkan 16.

Ítarleg umfjöllun um Fjárlagafrumvarpið verður á Vísi klukkan 16 í dag.

Kynning á fjárlagafrumvarpi 2015. Verulega upplýstur fjármálaráðherra. #FJL2015 #bjarniben http://t.co/BwQuiIxGxH

— Svanhildur Hólm (@svanhildurholm) September 9, 2014