Gylfi toppaði Arnór, Ásgeir, Eyjólf og Margréti Láru

Knattspyrnumaðurinn Gylfi Þór Sigurðsson var í kvöld kosinn Íþróttamaður ársins 2013 af Samtökum Íþróttafréttamanna en þetta var jafnframt í þriðja sinn sem Gylfi er meðal fjögurra efstu í kjörinu.

Gylfi er fyrsti knattspyrnumaðurinn sem nær því að verða þrisvar sinnum meðal þeirra fjögurra efstu í kjörinu fyrir 25 ára aldur. Gylfi varð í öðru sæti í kjörinu árið 2010 og svo í fjórða sætinu í fyrra. Hann verður 25 ára gamall á næsta ári.

Þrír aðrir knattspyrnumenn og ein knattspyrnukona höfðu náð tvisvar sinnum inn á topp fjögur fyrir 25 ára aldurinn. Það voru þau Arnór Guðjohnsen, Ásgeir Sigurvinsson, Eyjólfur Sverrisson og Margrét Lára Viðarsdóttir.

Sundmaðurinn  Guðmundur Gíslason á metið en hann varð sjö sinnum meðal fjögurra efstu í kjörinu áður en hann varð 25 ára gamall. Örn Arnarson náði því sex sinnum.

Oftast inn á topp fjögur fyrir 25 ára aldur

7 - Guðmundur Gíslason, Sund

6 - Örn Arnarson, Sund

4 - Vala Flosadóttir, Frjálsar Íþróttir

4 - Geir Hallsteinsson, Handbolti

3 - Bjarni Stefánsson, Frjálsar Íþróttir

3 - Vilhjálmur Einarsson, Frjálsar Íþróttir

3 - Jón Þ. Ólafsson, Frjálsar Íþróttir

3 - Erlendur Valdimarsson, Frjálsar Íþróttir

3 - Gylfi Þór Sigurðsson, Knattspyrna

3 - Eðvarð Þór Eðvarðsson, Sund

2 - Gústaf Agnarsson, Kraftlyftingar

2 - Margrét Lára Viðarsdóttir, Knattspyrna

2 - Hilmar Þorbjörnsson, Frjálsar Íþróttir

2 - Hrafnhildur Guðmundsdóttir, Sund

2 - Ingunn Einarsdóttir, Frjálsar Íþróttir

2 - Ágústa Þorsteinsdóttir, Sund

2 - Haukur Gunnarsson, Frjálsar Íþróttir (ÍF)

2 - Ásgeir Sigurvinsson, Knattspyrna

2 - Arnór Guðjohnsen, Knattspyrna

2 - Valbjörn Þorláksson, Frjálsar Íþróttir

2 - Aron Pálmarsson, Handbolti

2 - Einar Vilhjálmsson, Frjálsar Íþróttir

2 - Eyjólfur Sverrisson, Knattspyrna

2 - Úlfar Jónsson, Golf