Gömlu góðu dagarnir Eiríkur Stefán Ásgeirsson í Ljubljana skrifar 21. mars 2013 08:30 Mynd/Nordic Photos/Bongarts Í æfingaleiknum gegn Rússlandi á Spáni í febrúar bauð Lars Lagerbäck landsliðsþjálfari upp á afar forvitnilegt byrjunarlið. Alls fimm sóknarþenkjandi leikmenn, lipra og marksækna, með tveimur snöggum bakvörðum þar að auki. Á miðjunni var svo eitt akkeri (Emil Hallfreðsson) og svo miðverðir og markvörður fyrir aftan hann. Var þetta ekki örugglega íslenska landsliðið í knattspyrnu? Hvar voru gömlu góðu trukkarnir - tröllvöxnu sveitastrákarnir sem tóku viljann fyrir verkið og báru nákvæmlega enga virðingu fyrir andstæðingnum? Knattspyrnuhæfileikarnir voru kannski ekki þar í aðalhlutverki, heldur baráttuvilji, óbilandi trú og vilji til að ná sínu fram sama hvað það kostaði. Við höfum alltaf átt góða knattspyrnumenn (Ásgeir Sigurvinsson, Arnór Guðjohnsen, Pétur Pétursson og svo framvegis) en menn sem féllu í svo góðan flokk voru ef til vill ekki í meirihluta í landsliðinu í gamla daga. Þá var kallað á hina - gömlu góðu baráttuhundana sem lögðu sig ávallt alla fram og gott betur - og látið slag standa. Í dag er viðsnúningurinn á íslenska landsliðinu augljós. Í dag höfum við áhyggjur af minnihlutanum - þeim leikmönnum sem eru ekki hjá Tottenham, Ajax, Cardiff eða eru í hópi markahæstu leikmanna hollensku úrvalsdeildarinnar. Við veltum því fyrir okkur hvort að varnarmenn sem spila „bara" í Skandinavíu eða markverðir úr Pepsi-deildinni muni mögulega gjaldfella þá gullnu kynslóð af knattliprum miðju- og sóknarmönnum sem við eigum. Það er kannski ekki úr vegi að staldra aðeins við og rifja upp gömlu tímana. Þess fyrir utan er ekkert unnið enn. Við töpuðum fyrir Rússlandi (þó það sé engin skömm að því) og þegar uppi var staðið var landsliðsþjálfarinn talsvert ánægðari með varnarvinnuna en sóknarleik Íslands í þeim leik. Fyrstu fjórir leikirnir í undankeppninni hjá Íslandi bera þess þó merki að full ástæða er til að leyfa sér örlitla bjartsýni og tilhlökkun fyrir leikjum íslenska liðsins. Við fengum sex stig af tólf mögulegum og samanborið við síðustu undankeppnir stórmóta er það heilmikil bæting. Leikurinn gegn Slóveníu ytra á föstudag er prófsteinn fyrir landsliðsþjálfarann eins og reyndar allir leikir. Hans verkefni er að laða fram það besta úr leikmönnum Íslands en ljóst er að sjaldan hafa forverar hans í starfi haft úr svo öflugum hópi leikmanna að velja. Ég tel að Lagerbäck muni litlu breyta í liðsuppstillingu sinni á föstudag. Aron Einar Gunnarsson kemur aftur inn í liðið eftir leikbann á kostnað Emils og annað hvort Sölvi Geir Ottesen eða Hallgrímur Jónasson tekur stöðu Hjálmars Jónssonar í vörninni. Miðað við ummæli þjálfarans á blaðamannafundi í síðustu viku voru vandamálin í leiknum gegn Rússum helst hugarfarslegs eðlis – ekki í liðsuppstillingunni. Menn þurfa að passa boltann betur, vera aðeins kaldari og muna að þeir eru ekki að spila með Barcelona. Fyrst þessir menn gátu varist svona vel þá er rétt hægt að ímynda sér hvernig sóknarleik þeir geta boðið upp á. Gömlu, góðu baráttuhundarnir stóðu alltaf fyrir sínu og var erfitt að sakast við menn sem gáfu augljóslega allt sem þeir áttu eftir sára tapleiki. Ég vona, og tel reyndar líklegt, að nýja kynslóðin sem hefur rutt sér til rúms í landsliðinu beri sama baráttuanda í brjósti. Þá er strax heilmikið unnið. Fótbolti Íslenski boltinn HM 2014 í Brasilíu Pistillinn Mest lesið Viktor Gísli fær treyju númer eitt hjá Barcelona Handbolti Njarðvík með fjögurra stiga forskot á toppnum Íslenski boltinn Guðmundur í grænt Íslenski boltinn Calvert-Lewin á leið til Leeds Enski boltinn Willum lagði upp sigurmark Birmingham Enski boltinn PSG kom til baka og vann Ofurbikarinn í vítakeppni Fótbolti Jón Daði skoraði fyrsta markið fyrir Selfoss í þrettán ár og Fylkir á botninum Íslenski boltinn Donnarumma sagður á leið til City í sögulegum skiptum Fótbolti Vill þjóðina upp á dekk: „Langt síðan við höfum átt alvöru heimavöll“ Fótbolti Mótherjarnir afsaka sig fyrir fram: „Hvort sem það er leikrit eða ekki“ Fótbolti Fleiri fréttir Calvert-Lewin á leið til Leeds Guðmundur í grænt Willum lagði upp sigurmark Birmingham Njarðvík með fjögurra stiga forskot á toppnum PSG kom til baka og vann Ofurbikarinn í vítakeppni Uppgjörið: Valur - Stjarnan 4-2 | Rhodes með þrennu í seinni hálfleik Jón Daði skoraði fyrsta markið fyrir Selfoss í þrettán ár og Fylkir á botninum Jason Daði og félagar fá Rauðu djöflana í heimsókn Mótherjarnir afsaka sig fyrir fram: „Hvort sem það er leikrit eða ekki“ Hártog er harðbannað og ekki skylda að vera með tagl Vill þjóðina upp á dekk: „Langt síðan við höfum átt alvöru heimavöll“ Brøndby brennir skipin: „Verðum að sækja og svo verðum við að sækja meira“ Enska augnablikið: Hugsaði til van Persie eftir frægt mark í Eyjum Matthías ekki lengi einsamall hjá Val Rashford segir Man. United fast í einskismannslandi Donnarumma sagður á leið til City í sögulegum skiptum Grealish valdi númerið sitt vegna Rooney og Gascoigne Fyrirmenni fótboltans á Norðurlöndum mæta til Íslands í vikunni Stjarnan sækir landsliðsfélaga Caulker „Fáránleg staða sem er komin upp“ Stuðningsmenn Chelsea bjartsýnastir en mjög svartsýnir hjá Newcastle Spáir Bröndby sigri í einvíginu á móti Víkingum „Er að koma inn í hlutverk sem ég veit að ég er góð í“ „Einhver vildi losna við mig“ Gullsending Sveindísar Jane valin sú besta Enska augnablikið: Hefði gengið af Hjálmari dauðum Konunum fórnað í peningavandræðum karlaliðs Barcelona Hent út úr Tottenham liðinu fyrir óstundvísi Vildi hvergi annarsstaðar spila Lehmann færir sig um set á Ítalíu Sjá meira
Í æfingaleiknum gegn Rússlandi á Spáni í febrúar bauð Lars Lagerbäck landsliðsþjálfari upp á afar forvitnilegt byrjunarlið. Alls fimm sóknarþenkjandi leikmenn, lipra og marksækna, með tveimur snöggum bakvörðum þar að auki. Á miðjunni var svo eitt akkeri (Emil Hallfreðsson) og svo miðverðir og markvörður fyrir aftan hann. Var þetta ekki örugglega íslenska landsliðið í knattspyrnu? Hvar voru gömlu góðu trukkarnir - tröllvöxnu sveitastrákarnir sem tóku viljann fyrir verkið og báru nákvæmlega enga virðingu fyrir andstæðingnum? Knattspyrnuhæfileikarnir voru kannski ekki þar í aðalhlutverki, heldur baráttuvilji, óbilandi trú og vilji til að ná sínu fram sama hvað það kostaði. Við höfum alltaf átt góða knattspyrnumenn (Ásgeir Sigurvinsson, Arnór Guðjohnsen, Pétur Pétursson og svo framvegis) en menn sem féllu í svo góðan flokk voru ef til vill ekki í meirihluta í landsliðinu í gamla daga. Þá var kallað á hina - gömlu góðu baráttuhundana sem lögðu sig ávallt alla fram og gott betur - og látið slag standa. Í dag er viðsnúningurinn á íslenska landsliðinu augljós. Í dag höfum við áhyggjur af minnihlutanum - þeim leikmönnum sem eru ekki hjá Tottenham, Ajax, Cardiff eða eru í hópi markahæstu leikmanna hollensku úrvalsdeildarinnar. Við veltum því fyrir okkur hvort að varnarmenn sem spila „bara" í Skandinavíu eða markverðir úr Pepsi-deildinni muni mögulega gjaldfella þá gullnu kynslóð af knattliprum miðju- og sóknarmönnum sem við eigum. Það er kannski ekki úr vegi að staldra aðeins við og rifja upp gömlu tímana. Þess fyrir utan er ekkert unnið enn. Við töpuðum fyrir Rússlandi (þó það sé engin skömm að því) og þegar uppi var staðið var landsliðsþjálfarinn talsvert ánægðari með varnarvinnuna en sóknarleik Íslands í þeim leik. Fyrstu fjórir leikirnir í undankeppninni hjá Íslandi bera þess þó merki að full ástæða er til að leyfa sér örlitla bjartsýni og tilhlökkun fyrir leikjum íslenska liðsins. Við fengum sex stig af tólf mögulegum og samanborið við síðustu undankeppnir stórmóta er það heilmikil bæting. Leikurinn gegn Slóveníu ytra á föstudag er prófsteinn fyrir landsliðsþjálfarann eins og reyndar allir leikir. Hans verkefni er að laða fram það besta úr leikmönnum Íslands en ljóst er að sjaldan hafa forverar hans í starfi haft úr svo öflugum hópi leikmanna að velja. Ég tel að Lagerbäck muni litlu breyta í liðsuppstillingu sinni á föstudag. Aron Einar Gunnarsson kemur aftur inn í liðið eftir leikbann á kostnað Emils og annað hvort Sölvi Geir Ottesen eða Hallgrímur Jónasson tekur stöðu Hjálmars Jónssonar í vörninni. Miðað við ummæli þjálfarans á blaðamannafundi í síðustu viku voru vandamálin í leiknum gegn Rússum helst hugarfarslegs eðlis – ekki í liðsuppstillingunni. Menn þurfa að passa boltann betur, vera aðeins kaldari og muna að þeir eru ekki að spila með Barcelona. Fyrst þessir menn gátu varist svona vel þá er rétt hægt að ímynda sér hvernig sóknarleik þeir geta boðið upp á. Gömlu, góðu baráttuhundarnir stóðu alltaf fyrir sínu og var erfitt að sakast við menn sem gáfu augljóslega allt sem þeir áttu eftir sára tapleiki. Ég vona, og tel reyndar líklegt, að nýja kynslóðin sem hefur rutt sér til rúms í landsliðinu beri sama baráttuanda í brjósti. Þá er strax heilmikið unnið.
Fótbolti Íslenski boltinn HM 2014 í Brasilíu Pistillinn Mest lesið Viktor Gísli fær treyju númer eitt hjá Barcelona Handbolti Njarðvík með fjögurra stiga forskot á toppnum Íslenski boltinn Guðmundur í grænt Íslenski boltinn Calvert-Lewin á leið til Leeds Enski boltinn Willum lagði upp sigurmark Birmingham Enski boltinn PSG kom til baka og vann Ofurbikarinn í vítakeppni Fótbolti Jón Daði skoraði fyrsta markið fyrir Selfoss í þrettán ár og Fylkir á botninum Íslenski boltinn Donnarumma sagður á leið til City í sögulegum skiptum Fótbolti Vill þjóðina upp á dekk: „Langt síðan við höfum átt alvöru heimavöll“ Fótbolti Mótherjarnir afsaka sig fyrir fram: „Hvort sem það er leikrit eða ekki“ Fótbolti Fleiri fréttir Calvert-Lewin á leið til Leeds Guðmundur í grænt Willum lagði upp sigurmark Birmingham Njarðvík með fjögurra stiga forskot á toppnum PSG kom til baka og vann Ofurbikarinn í vítakeppni Uppgjörið: Valur - Stjarnan 4-2 | Rhodes með þrennu í seinni hálfleik Jón Daði skoraði fyrsta markið fyrir Selfoss í þrettán ár og Fylkir á botninum Jason Daði og félagar fá Rauðu djöflana í heimsókn Mótherjarnir afsaka sig fyrir fram: „Hvort sem það er leikrit eða ekki“ Hártog er harðbannað og ekki skylda að vera með tagl Vill þjóðina upp á dekk: „Langt síðan við höfum átt alvöru heimavöll“ Brøndby brennir skipin: „Verðum að sækja og svo verðum við að sækja meira“ Enska augnablikið: Hugsaði til van Persie eftir frægt mark í Eyjum Matthías ekki lengi einsamall hjá Val Rashford segir Man. United fast í einskismannslandi Donnarumma sagður á leið til City í sögulegum skiptum Grealish valdi númerið sitt vegna Rooney og Gascoigne Fyrirmenni fótboltans á Norðurlöndum mæta til Íslands í vikunni Stjarnan sækir landsliðsfélaga Caulker „Fáránleg staða sem er komin upp“ Stuðningsmenn Chelsea bjartsýnastir en mjög svartsýnir hjá Newcastle Spáir Bröndby sigri í einvíginu á móti Víkingum „Er að koma inn í hlutverk sem ég veit að ég er góð í“ „Einhver vildi losna við mig“ Gullsending Sveindísar Jane valin sú besta Enska augnablikið: Hefði gengið af Hjálmari dauðum Konunum fórnað í peningavandræðum karlaliðs Barcelona Hent út úr Tottenham liðinu fyrir óstundvísi Vildi hvergi annarsstaðar spila Lehmann færir sig um set á Ítalíu Sjá meira