30 milljónir vegna PIP-púða

HeilbrigðismálMeirihluti fjárlaganefndar leggur til að Landspítalinn fái 30 milljónir króna aukalega á fjáraukalögum til þess að mæta kostnaði við að fjarlægja PIP-brjóstapúða.

Þegar hafa 42 milljónir verið greiddar vegna 102 aðgerða sem gerðar voru frá febrúar og fram í september. Nú hefur dregið mjög úr umsóknum um aðgerðir til að fjarlægja púðana og þykir því líklegt að aðgerðirnar verði færri en upphaflega var talið. Þó er miðað við að allt að fimmtíu konur í viðbót sæki eftir aðgerð.- þeb