Hrun íslensku bankanna gæti breytt bankalöggjöf ESB 15. janúar 2009 11:10 Hrun íslenska bankakerfisins gæti leitt til þess að bankalöggjöf Evrópusambandsins verði breytt. Töluverð umræða hefur verið um málið innan ESB, einkum þá staðreynd að íslensku bönkunum var leyft að blása út í nokkrum ESB löndum án þess að hafa nægilega sterkan bakhjarl heimafyrir. Einn þeirra sem skrifað hefur um málið er Howard Davies dálkahöfundur hjá Financial Times. Hann segir að hrun íslensku bankanna hafi afhjúpað minkinn í hænsnahúsinu hvað varðar EES samninginn. Það er þá staðreynd að banki sem hefur starfsleyfi í einu ESB landi hefur það jafnframt í þeim öllum. Davies tekur Landsbankann og Icesave sem dæmi en Landsbankinn var ekki undir eftirliti breska fjármálaeftirlitsins heldur þess íslenska en gat samt tekið við innistæðum frá breskum almenningi. Og þegar bankinn hrundi kom í ljós að stuðningur Seðlabanka Íslands var lítill sem enginn. Tvær lausnir eru til á þessu vandamáli að mati Davies og annarra sem fjallað hafa um málið. Önnur þeirra er að hverjum banka verði gert skylt að stofna sérstakt dótturfélag sem heyrði undir fjármálaeftirlit viðkomandi lands. Vandamálið við þessa leið er að hún væri í raun flótti frá hugmyndinni um að ESB sé eitt markaðssvæði. Og myndi þar að auki setja takmörk á flæði fjár frá bönkunum nú þegar lánsfé er af mjög skornum skammti. Hin lausnin er að gera eins og Bandaríkjamenn hafa gert og það er að skapa eitt ofurembætti fjármálaeftirlitis fyrir allt Evrópusvæðið. Og það embætti hefði svo aðgang að lánveitenda til þrautavara. Hugmyndir um þessar tvær stofnanir eru þegar á teikniborðinu. Karel Lannoo hjá Miðstöð Evrópu um stjórnsýslu hefur þegar sett fram hugmyndir á þessum nótum. Davies segir að þetta fyrirkomulag uppfylli þau skilyrði að áfram yrði um einn sameignlegan markað að ræða en gallinn er sá að sennilega yrði mjög erfitt að ná pólitískri samstöðu um málið innan allra ríkja ESB. En umræðan heldur áfram enda mönnum umhugað um að koma í veg fyrir annað "íslenskt stórslys" í bankakerfi Evrópu. Mest lesið Skildu fullar körfur eftir vegna bilunar Viðskipti innlent Hagkaup hefur áfengissölu í dag Viðskipti innlent Elstu starfandi fiskbúð höfuðborgarsvæðisins skellt í lás Viðskipti innlent Draumar rætast: „Konur þurfa ekki alltaf að vera á skrilljón“ Atvinnulíf Fær bætur vegna brúnu blettanna í mottunni Neytendur Veðjuðu næst mest allra Evrópuþjóða Viðskipti innlent Verðbólga fari undir fimm prósent í lok árs Viðskipti innlent Vefsíðan hrundi innan tuttugu mínútna Viðskipti innlent Ráðinn fjárfestatengill Icelandair Viðskipti innlent Arion banki hækkar vexti hressilega Neytendur Fleiri fréttir Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira
Hrun íslenska bankakerfisins gæti leitt til þess að bankalöggjöf Evrópusambandsins verði breytt. Töluverð umræða hefur verið um málið innan ESB, einkum þá staðreynd að íslensku bönkunum var leyft að blása út í nokkrum ESB löndum án þess að hafa nægilega sterkan bakhjarl heimafyrir. Einn þeirra sem skrifað hefur um málið er Howard Davies dálkahöfundur hjá Financial Times. Hann segir að hrun íslensku bankanna hafi afhjúpað minkinn í hænsnahúsinu hvað varðar EES samninginn. Það er þá staðreynd að banki sem hefur starfsleyfi í einu ESB landi hefur það jafnframt í þeim öllum. Davies tekur Landsbankann og Icesave sem dæmi en Landsbankinn var ekki undir eftirliti breska fjármálaeftirlitsins heldur þess íslenska en gat samt tekið við innistæðum frá breskum almenningi. Og þegar bankinn hrundi kom í ljós að stuðningur Seðlabanka Íslands var lítill sem enginn. Tvær lausnir eru til á þessu vandamáli að mati Davies og annarra sem fjallað hafa um málið. Önnur þeirra er að hverjum banka verði gert skylt að stofna sérstakt dótturfélag sem heyrði undir fjármálaeftirlit viðkomandi lands. Vandamálið við þessa leið er að hún væri í raun flótti frá hugmyndinni um að ESB sé eitt markaðssvæði. Og myndi þar að auki setja takmörk á flæði fjár frá bönkunum nú þegar lánsfé er af mjög skornum skammti. Hin lausnin er að gera eins og Bandaríkjamenn hafa gert og það er að skapa eitt ofurembætti fjármálaeftirlitis fyrir allt Evrópusvæðið. Og það embætti hefði svo aðgang að lánveitenda til þrautavara. Hugmyndir um þessar tvær stofnanir eru þegar á teikniborðinu. Karel Lannoo hjá Miðstöð Evrópu um stjórnsýslu hefur þegar sett fram hugmyndir á þessum nótum. Davies segir að þetta fyrirkomulag uppfylli þau skilyrði að áfram yrði um einn sameignlegan markað að ræða en gallinn er sá að sennilega yrði mjög erfitt að ná pólitískri samstöðu um málið innan allra ríkja ESB. En umræðan heldur áfram enda mönnum umhugað um að koma í veg fyrir annað "íslenskt stórslys" í bankakerfi Evrópu.
Mest lesið Skildu fullar körfur eftir vegna bilunar Viðskipti innlent Hagkaup hefur áfengissölu í dag Viðskipti innlent Elstu starfandi fiskbúð höfuðborgarsvæðisins skellt í lás Viðskipti innlent Draumar rætast: „Konur þurfa ekki alltaf að vera á skrilljón“ Atvinnulíf Fær bætur vegna brúnu blettanna í mottunni Neytendur Veðjuðu næst mest allra Evrópuþjóða Viðskipti innlent Verðbólga fari undir fimm prósent í lok árs Viðskipti innlent Vefsíðan hrundi innan tuttugu mínútna Viðskipti innlent Ráðinn fjárfestatengill Icelandair Viðskipti innlent Arion banki hækkar vexti hressilega Neytendur Fleiri fréttir Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira