Ronaldinho fær að fara út á lífið á fimmtudögum

Spænska blaðið Sport segist vera búið að finna eina aðalástæðuna fyrir bættri spilamennsku Brasilíumannsins Ronaldinho hjá AC Milan. Það hefur verið allt annað að sjá til Ronaldinho á síðustu vikum sem hefur fengið frjálsara hlutverk undir stjórn landa sína Leonardo.

Leonardo hefur nefnilega gefið Ronaldinho leyfi til þess að fara út á lífið á fimmtudagskvöldum. Ronaldinho hefur verið mikið fyrir að njóta næturlífsins og kannski gerði hann of mikið af því þegar hann var hjá Barcelona.

Frank Rijkaard lokaði augunum fyrir þessu líferni brasilíska stjörnuleikmannsins en Leonardo vill stjórna því og passa það að sinna maður fá einhverja útrás en missi sig ekki í næturbröltinu. Ronaldinho hefur samkvæmt heimildum spænska blaðsins mikið álit á Jass-barnum Cavalli Café.

„Nú fæ ég að spila þar sem mér líður best og þar sem ég fékk að spila hjá Barcelona sem er staða sóknartengiliðs,"! sagði við Sport-blaðið. „Ég er mjög ánægður á San Siro. Mér líður eins og ég sé heima hjá mér og ég finn fyrir miklum stuðning. Ég hef líka fullkomið samband við þjálfarann," sagði Ronaldinho og á örugglega bæði við innan sem utan vallar.