Markmið um endurnýjanlega orku verða bindandi

Leiðtogar Evrópusambandsins hafa sæst á að gera markmið um endurnýjanlegar orkulindir bindandi. Þetta kom fram í tilkynningu frá sæsnka forsætisráðherranum, Fredrik Reinfeldt, í kvöld. Hann sagði að þrátt fyrir það yrðu nú umræður um hvað það þýddi fyrir hvert og eitt aðildarríki sambandsins.

Tilkynningin kom eftir að leiðtogar Evrópusambandsins funduðu um málið á leiðtogafundi í Brussel í dag. Búist er við því að stefnt verði að því að skera niður útblástur koltvíoxíðs um 20% fyrir árið 2020 miðað við magnið sem var sleppt í andrúmsloftið árið 1990.

Jacques Chirac, forseti Frakklands, sagði að það yrði að taka tillit til annarra orkugjafa eins og kjarnorku og hreinkola og telja þá jafnvel með sem endurnýjanlega orku.