Sanchez hættur með Norður-Íra?

Breskir fjölmiðlar greina frá því í dag að hugsanlega hafi Lawrie Sanches stýrt landsliði Norður-Íra í síðasta sinn í gær þegar liðið vann dramatískan sigur á Spánverjum á heimavelli sínum. Talið er að Sanchez hafi íhugað að segja af sér eftir tapið gegn Íslendingum um síðustu helgi, en hann talaði ekki við blaðamenn eftir leikinn í gær, heldur henti jakka sínum og bindi upp í áhorfendastæðin og yfirgaf svæðið.

Knattspyrnusambandið segir að ekki verði gefin út yfirlýsing fyrr en allar staðreyndir liggi fyrir í málinu, en viðurkennir að "leysa þurfi ákveðin atriði" varðandi landsliðið.