Útilokar ekki að vera lengur hjá Newcastle

Ítalski U-21 árs landsliðsmaðurinn Giuseppi Rossi hjá Manchester United, útilokar ekki að framlengja lánssamning sinn við Newcastle United, en hann verður fyrst um sinn hjá félaginu fram í janúar.

"Ég verð hjá Newcastle í það minnsta fram í janúar og eftir það er hægt að skoða hvort ég klára leiktíðina þar. Þessi lánssamningur var gerður með það fyrir augum að hjálpa bæði mér og Newcastle, því þar á ég meiri möguleika á að spila með aðalliðinu," sagði Ítalinn ungi.