Malbranque til Tottenham

Franski miðjumaðurinn Steed Malbranque gekk í dag í raðir Tottenham Hotspur frá Fulham, en í skiptum hefur Fulham fengið miðjumanninn Wayne Routledge að láni í eitt ár. Malbranque kom sér út í kuldann hjá Fulham með því að neita að skrifa undir nýjan samning og hafði Chris Coleman stjóri Fulham lýst því yfir að Frakkinn ætti aldrei aftur eftir að spila fyrir liðið.

Malbranque á þó varla eftir að klæðast treyju Tottenham fyrr en í nóvember, því hann á við nárameiðsli að stríða. Þessi 26 ára gamli leikmaður á þó vafalítið eftir að styrkja lið Tottenham verulega, en vinstri vængurinn hefur verið vandamál hjá liðinu lengiþ