Gallas vill enn fara frá Chelsea

Franski landsliðsmaðurinn William Gallas hefur ítrekað að hann vilji finna sér nýtt félag til að spila fyrir á næstu leiktíð. Þetta sagði hann við franska miðla eftir sigur Frakka á Bosníumanna í gærkvöldi.

"Ég vil enn fara frá Chelsea og ég vona að þetta dragist ekki mikið á langinn svo ég missi ekki af fyrstu leikjum tímabilsins. Finnst mér þetta taka of langan tíma? Já og nei, en félagar mínir í liðinu gera mér biðina bærilegri," sagði Gallas. Stjórn Chelsea er þó ekki jafn hrifin af áformum leikmannsins og segist ekki vilja selja hann.